1 Kings 16
Aleppo Codex
Translation: ALEPPO
Modern translations such as the NIV or ESV are not available yet. They need a license, and we will add them when one is in place. All translations and their sources
1ויהי דבר יהוה אל יהוא בן חנני על בעשא לאמרSelect 1 Kings 16:1
2יען אשר הרימתיך מן העפר ואתנך נגיד על עמי ישראל ותלך בדרך ירבעם ותחטא את עמי ישראל להכעיסני בחטאתםSelect 1 Kings 16:2
3הנני מבעיר אחרי בעשא ואחרי ביתו ונתתי את ביתך כבית ירבעם בן נבטSelect 1 Kings 16:3
4המת לבעשא בעיר יאכלו הכלבים והמת לו בשדה יאכלו עוף השמיםSelect 1 Kings 16:4
5ויתר דברי בעשא ואשר עשה וגבורתו הלא הם כתובים על ספר דברי הימים—למלכי ישראלSelect 1 Kings 16:5
6וישכב בעשא עם אבתיו ויקבר בתרצה וימלך אלה בנו תחתיוSelect 1 Kings 16:6
7וגם ביד יהוא בן חנני הנביא דבר יהוה היה אל בעשא ואל ביתו ועל כל הרעה אשר עשה בעיני יהוה להכעיסו במעשה ידיו להיות כבית ירבעם ועל אשר הכה אתוSelect 1 Kings 16:7
8בשנת עשרים ושש שנה לאסא מלך יהודה מלך אלה בן בעשא על ישראל בתרצה—שנתיםSelect 1 Kings 16:8
9ויקשר עליו עבדו זמרי שר מחצית הרכב והוא בתרצה שתה שכור בית ארצא אשר על הבית בתרצהSelect 1 Kings 16:9
10ויבא זמרי ויכהו וימיתהו בשנת עשרים ושבע לאסא מלך יהודה וימלך תחתיוSelect 1 Kings 16:10
11ויהי במלכו כשבתו על כסאו הכה את כל בית בעשא—לא השאיר לו משתין בקיר וגאליו ורעהוSelect 1 Kings 16:11
12וישמד זמרי את כל בית בעשא כדבר יהוה אשר דבר אל בעשא ביד יהוא הנביאSelect 1 Kings 16:12
13אל כל חטאות בעשא וחטאות אלה בנו—אשר חטאו ואשר החטיאו את ישראל להכעיס את יהוה אלהי ישראל בהבליהםSelect 1 Kings 16:13
14ויתר דברי אלה וכל אשר עשה הלוא הם כתובים על ספר דברי הימים—למלכי ישראלSelect 1 Kings 16:14
15בשנת עשרים ושבע שנה לאסא מלך יהודה מלך זמרי שבעת ימים בתרצה והעם חנים על גבתון אשר לפלשתיםSelect 1 Kings 16:15
16וישמע העם החנים לאמר קשר זמרי וגם הכה את המלך וימלכו כל ישראל את עמרי שר צבא על ישראל ביום ההוא—במחנהSelect 1 Kings 16:16
17ויעלה עמרי וכל ישראל עמו מגבתון ויצרו על תרצהSelect 1 Kings 16:17
18ויהי כראות זמרי כי נלכדה העיר ויבא אל ארמון בית המלך וישרף עליו את בית מלך באש וימתSelect 1 Kings 16:18
19על חטאתיו אשר חטא לעשות הרע בעיני יהוה—ללכת בדרך ירבעם ובחטאתו אשר עשה להחטיא את ישראלSelect 1 Kings 16:19
20ויתר דברי זמרי וקשרו אשר קשר הלא הם כתובים על ספר דברי הימים—למלכי ישראלSelect 1 Kings 16:20
21אז יחלק העם ישראל לחצי חצי העם היה אחרי תבני בן גינת להמליכו והחצי אחרי עמריSelect 1 Kings 16:21
22ויחזק העם אשר אחרי עמרי את העם אשר אחרי תבני בן גינת וימת תבני וימלך עמריSelect 1 Kings 16:22
23בשנת שלשים ואחת שנה לאסא מלך יהודה מלך עמרי על ישראל שתים עשרה שנה בתרצה מלך שש שניםSelect 1 Kings 16:23
24ויקן את ההר שמרון מאת שמר—בככרים כסף ויבן את ההר ויקרא את שם העיר אשר בנה על שם שמר אדני ההר שמרוןSelect 1 Kings 16:24
25ויעשה עמרי הרע בעיני יהוה וירע מכל אשר לפניוSelect 1 Kings 16:25
26וילך בכל דרך ירבעם בן נבט ובחטאתיו (ובחטאתו) אשר החטיא את ישראל להכעיס את יהוה אלהי ישראל—בהבליהםSelect 1 Kings 16:26
27ויתר דברי עמרי אשר עשה וגבורתו אשר עשה הלא הם כתובים על ספר דברי הימים—למלכי ישראלSelect 1 Kings 16:27
28וישכב עמרי עם אבתיו ויקבר בשמרון וימלך אחאב בנו תחתיוSelect 1 Kings 16:28
29ואחאב בן עמרי מלך על ישראל בשנת שלשים ושמנה שנה לאסא מלך יהודה וימלך אחאב בן עמרי על ישראל בשמרון עשרים ושתים שנהSelect 1 Kings 16:29
30ויעש אחאב בן עמרי הרע בעיני יהוה—מכל אשר לפניוSelect 1 Kings 16:30
31ויהי הנקל לכתו בחטאות ירבעם בן נבט ויקח אשה את איזבל בת אתבעל מלך צידנים וילך ויעבד את הבעל וישתחו לוSelect 1 Kings 16:31
32ויקם מזבח לבעל בית הבעל אשר בנה בשמרוןSelect 1 Kings 16:32
33ויעש אחאב את האשרה ויוסף אחאב לעשות להכעיס את יהוה אלהי ישראל מכל מלכי ישראל אשר היו לפניוSelect 1 Kings 16:33
34בימיו בנה חיאל בית האלי—את יריחה באבירם בכרו יסדה ובשגיב (ובשגוב) צעירו הציב דלתיה כדבר יהוה אשר דבר ביד יהושע בן נוןSelect 1 Kings 16:34
Aleppo Codex (ALEPPO). Public domain. Text from the CrossWire Bible Society module. About this translation