1 Kings 18
Aleppo Codex
Translation: ALEPPO
Modern translations such as the NIV or ESV are not available yet. They need a license, and we will add them when one is in place. All translations and their sources
1ויהי ימים רבים ודבר יהוה היה אל אליהו בשנה השלישית לאמר לך הראה אל אחאב ואתנה מטר על פני האדמהSelect 1 Kings 18:1
2וילך אליהו להראות אל אחאב והרעב חזק בשמרוןSelect 1 Kings 18:2
3ויקרא אחאב אל עבדיהו אשר על הבית ועבדיהו היה ירא את יהוה—מאדSelect 1 Kings 18:3
4ויהי בהכרית איזבל את נביאי יהוה ויקח עבדיהו מאה נביאים ויחביאם חמשים איש במערה וכלכלם לחם ומיםSelect 1 Kings 18:4
5ויאמר אחאב אל עבדיהו לך בארץ אל כל מעיני המים ואל כל הנחלים אולי נמצא חציר ונחיה סוס ופרד ולוא נכרית מהבהמהSelect 1 Kings 18:5
6ויחלקו להם את הארץ לעבר בה אחאב הלך בדרך אחד לבדו ועבדיהו הלך בדרך אחד לבדוSelect 1 Kings 18:6
7ויהי עבדיהו בדרך והנה אליהו לקראתו ויכרהו ויפל על פניו ויאמר האתה זה אדני אליהוSelect 1 Kings 18:7
8ויאמר לו אני לך אמר לאדניך הנה אליהוSelect 1 Kings 18:8
9ויאמר מה חטאתי כי אתה נתן את עבדך ביד אחאב—להמיתניSelect 1 Kings 18:9
10חי יהוה אלהיך אם יש גוי וממלכה אשר לא שלח אדני שם לבקשך ואמרו אין והשביע את הממלכה ואת הגוי כי לא ימצאכהSelect 1 Kings 18:10
11ועתה אתה אמר לך אמר לאדניך הנה אליהוSelect 1 Kings 18:11
12והיה אני אלך מאתך ורוח יהוה ישאך על אשר לא אדע ובאתי להגיד לאחאב ולא ימצאך והרגני ועבדך ירא את יהוה מנעריSelect 1 Kings 18:12
13הלא הגד לאדני את אשר עשיתי בהרג איזבל את נביאי יהוה ואחבא מנביאי יהוה מאה איש חמשים חמשים איש במערה ואכלכלם לחם ומיםSelect 1 Kings 18:13
14ועתה אתה אמר לך אמר לאדניך הנה אליהו והרגניSelect 1 Kings 18:14
15ויאמר אליהו חי יהוה צבאות אשר עמדתי לפניו כי היום אראה אליוSelect 1 Kings 18:15
16וילך עבדיהו לקראת אחאב ויגד לו וילך אחאב לקראת אליהוSelect 1 Kings 18:16
17ויהי כראות אחאב את אליהו ויאמר אחאב אליו האתה זה עכר ישראלSelect 1 Kings 18:17
18ויאמר לא עכרתי את ישראל כי אם אתה ובית אביך—בעזבכם את מצות יהוה ותלך אחרי הבעליםSelect 1 Kings 18:18
19ועתה שלח קבץ אלי את כל ישראל—אל הר הכרמל ואת נביאי הבעל ארבע מאות וחמשים ונביאי האשרה ארבע מאות אכלי שלחן איזבלSelect 1 Kings 18:19
20וישלח אחאב בכל בני ישראל ויקבץ את הנביאים אל הר הכרמלSelect 1 Kings 18:20
21ויגש אליהו אל כל העם ויאמר עד מתי אתם פסחים על שתי הסעפים—אם יהוה האלהים לכו אחריו ואם הבעל לכו אחריו ולא ענו העם אתו דברSelect 1 Kings 18:21
22ויאמר אליהו אל העם אני נותרתי נביא ליהוה לבדי ונביאי הבעל ארבע מאות וחמשים אישSelect 1 Kings 18:22
23ויתנו לנו שנים פרים ויבחרו להם הפר האחד וינתחהו וישימו על העצים ואש לא ישימו ואני אעשה את הפר האחד ונתתי על העצים ואש לא אשיםSelect 1 Kings 18:23
24וקראתם בשם אלהיכם ואני אקרא בשם יהוה והיה האלהים אשר יענה באש הוא האלהים ויען כל העם ויאמרו טוב הדברSelect 1 Kings 18:24
25ויאמר אליהו לנביאי הבעל בחרו לכם הפר האחד ועשו ראשנה כי אתם הרבים וקראו בשם אלהיכם ואש לא תשימוSelect 1 Kings 18:25
26ויקחו את הפר אשר נתן להם ויעשו ויקראו בשם הבעל מהבקר ועד הצהרים לאמר הבעל עננו ואין קול ואין ענה ויפסחו על המזבח אשר עשהSelect 1 Kings 18:26
27ויהי בצהרים ויהתל בהם אליהו ויאמר קראו בקול גדול כי אלהים הוא—כי שיח וכי שיג לו וכי דרך לו אולי ישן הוא ויקץSelect 1 Kings 18:27
28ויקראו בקול גדול ויתגדדו כמשפטם בחרבות וברמחים—עד שפך דם עליהםSelect 1 Kings 18:28
29ויהי כעבר הצהרים ויתנבאו עד לעלות המנחה ואין קול ואין ענה ואין קשבSelect 1 Kings 18:29
30ויאמר אליהו לכל העם גשו אלי ויגשו כל העם אליו וירפא את מזבח יהוה ההרוסSelect 1 Kings 18:30
31ויקח אליהו שתים עשרה אבנים כמספר שבטי בני יעקב—אשר היה דבר יהוה אליו לאמר ישראל יהיה שמךSelect 1 Kings 18:31
32ויבנה את האבנים מזבח בשם יהוה ויעש תעלה כבית סאתים זרע סביב למזבחSelect 1 Kings 18:32
33ויערך את העצים וינתח את הפר וישם על העציםSelect 1 Kings 18:33
34ויאמר מלאו ארבעה כדים מים ויצקו על העלה ועל העצים ויאמר שנו וישנו ויאמר שלשו וישלשוSelect 1 Kings 18:34
35וילכו המים סביב למזבח וגם את התעלה מלא מיםSelect 1 Kings 18:35
36ויהי בעלות המנחה ויגש אליהו הנביא ויאמר יהוה אלהי אברהם יצחק וישראל היום יודע כי אתה אלהים בישראל ואני עבדך ובדבריך (ובדברך) עשיתי את כל הדברים האלהSelect 1 Kings 18:36
37ענני יהוה ענני וידעו העם הזה כי אתה יהוה האלהים ואתה הסבת את לבם אחרניתSelect 1 Kings 18:37
38ותפל אש יהוה ותאכל את העלה ואת העצים ואת האבנים ואת העפר ואת המים אשר בתעלה לחכהSelect 1 Kings 18:38
39וירא כל העם ויפלו על פניהם ויאמרו—יהוה הוא האלהים יהוה הוא האלהיםSelect 1 Kings 18:39
40ויאמר אליהו להם תפשו את נביאי הבעל איש אל ימלט מהם—ויתפשום ויורדם אליהו אל נחל קישון וישחטם שםSelect 1 Kings 18:40
41ויאמר אליהו לאחאב עלה אכל ושתה כי קול המון הגשםSelect 1 Kings 18:41
42ויעלה אחאב לאכל ולשתות ואליהו עלה אל ראש הכרמל ויגהר ארצה וישם פניו בין ברכוSelect 1 Kings 18:42
43ויאמר אל נערו עלה נא הבט דרך ים ויעל ויבט ויאמר אין מאומה ויאמר שב שבע פעמיםSelect 1 Kings 18:43
44ויהי בשבעית ויאמר הנה עב קטנה ככף איש עלה מים ויאמר עלה אמר אל אחאב אסר ורד ולא יעצרכה הגשםSelect 1 Kings 18:44
45ויהי עד כה ועד כה והשמים התקדרו עבים ורוח ויהי גשם גדול וירכב אחאב וילך יזרעאלהSelect 1 Kings 18:45
46ויד יהוה היתה אל אליהו וישנס מתניו וירץ לפני אחאב עד באכה יזרעאלהSelect 1 Kings 18:46
Aleppo Codex (ALEPPO). Public domain. Text from the CrossWire Bible Society module. About this translation