1 Kings 21
Aleppo Codex
Translation: ALEPPO
Modern translations such as the NIV or ESV are not available yet. They need a license, and we will add them when one is in place. All translations and their sources
1ויהי אחר הדברים האלה כרם היה לנבות היזרעאלי אשר ביזרעאל—אצל היכל אחאב מלך שמרוןSelect 1 Kings 21:1
2וידבר אחאב אל נבות לאמר תנה לי את כרמך ויהי לי לגן ירק כי הוא קרוב אצל ביתי ואתנה לך תחתיו כרם טוב ממנו אם טוב בעיניך אתנה לך כסף מחיר זהSelect 1 Kings 21:2
3ויאמר נבות אל אחאב חלילה לי מיהוה מתתי את נחלת אבתי לךSelect 1 Kings 21:3
4ויבא אחאב אל ביתו סר וזעף על הדבר אשר דבר אליו נבות היזרעאלי ויאמר לא אתן לך את נחלת אבותי וישכב על מטתו ויסב את פניו ולא אכל לחםSelect 1 Kings 21:4
5ותבא אליו איזבל אשתו ותדבר אליו מה זה רוחך סרה ואינך אכל לחםSelect 1 Kings 21:5
6וידבר אליה כי אדבר אל נבות היזרעאלי ואמר לו תנה לי את כרמך בכסף או אם חפץ אתה אתנה לך כרם תחתיו ויאמר לא אתן לך את כרמיSelect 1 Kings 21:6
7ותאמר אליו איזבל אשתו אתה עתה תעשה מלוכה על ישראל קום אכל לחם ויטב לבך—אני אתן לך את כרם נבות היזרעאליSelect 1 Kings 21:7
8ותכתב ספרים בשם אחאב ותחתם בחתמו ותשלח הספרים (ספרים) אל הזקנים ואל החרים אשר בעירו הישבים את נבותSelect 1 Kings 21:8
9ותכתב בספרים לאמר קראו צום והשיבו את נבות בראש העםSelect 1 Kings 21:9
10והושיבו שנים אנשים בני בליעל נגדו ויעדהו לאמר ברכת אלהים ומלך והוציאהו וסקלהו וימתSelect 1 Kings 21:10
11ויעשו אנשי עירו הזקנים והחרים אשר הישבים בעירו כאשר שלחה אליהם איזבל—כאשר כתוב בספרים אשר שלחה אליהםSelect 1 Kings 21:11
12קראו צום והשיבו את נבות בראש העםSelect 1 Kings 21:12
13ויבאו שני האנשים בני בליעל וישבו נגדו ויעדהו אנשי הבליעל את נבות נגד העם לאמר ברך נבות אלהים ומלך ויצאהו מחוץ לעיר ויסקלהו באבנים וימתSelect 1 Kings 21:13
14וישלחו אל איזבל לאמר סקל נבות וימתSelect 1 Kings 21:14
15ויהי כשמע איזבל כי סקל נבות וימת ותאמר איזבל אל אחאב קום רש את כרם נבות היזרעאלי אשר מאן לתת לך בכסף—כי אין נבות חי כי מתSelect 1 Kings 21:15
16ויהי כשמע אחאב כי מת נבות ויקם אחאב לרדת אל כרם נבות היזרעאלי—לרשתוSelect 1 Kings 21:16
17ויהי דבר יהוה אל אליהו התשבי לאמרSelect 1 Kings 21:17
18קום רד לקראת אחאב מלך ישראל—אשר בשמרון הנה בכרם נבות אשר ירד שם לרשתוSelect 1 Kings 21:18
19ודברת אליו לאמר כה אמר יהוה הרצחת וגם ירשת ודברת אליו לאמר כה אמר יהוה במקום אשר לקקו הכלבים את דם נבות ילקו הכלבים את דמך גם אתהSelect 1 Kings 21:19
20ויאמר אחאב אל אליהו המצאתני איבי ויאמר מצאתי—יען התמכרך לעשות הרע בעיני יהוהSelect 1 Kings 21:20
21הנני מבי אליך רעה ובערתי אחריך והכרתי לאחאב משתין בקיר ועצור ועזוב בישראלSelect 1 Kings 21:21
22ונתתי את ביתך כבית ירבעם בן נבט וכבית בעשא בן אחיה אל הכעס אשר הכעסת ותחטא את ישראלSelect 1 Kings 21:22
23וגם לאיזבל—דבר יהוה לאמר הכלבים יאכלו את איזבל בחל יזרעאלSelect 1 Kings 21:23
24המת לאחאב בעיר יאכלו הכלבים והמת בשדה יאכלו עוף השמיםSelect 1 Kings 21:24
25רק לא היה כאחאב אשר התמכר לעשות הרע בעיני יהוה—אשר הסתה אתו איזבל אשתוSelect 1 Kings 21:25
26ויתעב מאד ללכת אחרי הגללים—ככל אשר עשו האמרי אשר הוריש יהוה מפני בני ישראלSelect 1 Kings 21:26
27ויהי כשמע אחאב את הדברים האלה ויקרע בגדיו וישם שק על בשרו ויצום וישכב בשק ויהלך אטSelect 1 Kings 21:27
28ויהי דבר יהוה אל אליהו התשבי לאמרSelect 1 Kings 21:28
29הראית כי נכנע אחאב מלפני יען כי נכנע מפני לא אבי הרעה בימיו—בימי בנו אביא הרעה על ביתוSelect 1 Kings 21:29
Aleppo Codex (ALEPPO). Public domain. Text from the CrossWire Bible Society module. About this translation