11 Samuel 1

1ויהי איש אחד מן הרמתים צופים—מהר אפרים ושמו אלקנה בן ירחם בן אליהוא בן תחו בן צוף—אפרתיSelect 1 Samuel 1:1

2ולו שתי נשים—שם אחת חנה ושם השנית פננה ויהי לפננה ילדים ולחנה אין ילדיםSelect 1 Samuel 1:2

3ועלה האיש ההוא מעירו מימים ימימה להשתחות ולזבח ליהוה צבאות בשלה ושם שני בני עלי חפני ופנחס כהנים ליהוהSelect 1 Samuel 1:3

4ויהי היום ויזבח אלקנה ונתן לפננה אשתו ולכל בניה ובנותיה—מנותSelect 1 Samuel 1:4

5ולחנה יתן מנה אחת אפים כי את חנה אהב ויהוה סגר רחמהSelect 1 Samuel 1:5

6וכעסתה צרתה גם כעס בעבור הרעמה כי סגר יהוה בעד רחמהSelect 1 Samuel 1:6

7וכן יעשה שנה בשנה מדי עלתה בבית יהוה—כן תכעסנה ותבכה ולא תאכלSelect 1 Samuel 1:7

8ויאמר לה אלקנה אישה חנה למה תבכי ולמה לא תאכלי ולמה ירע לבבך הלוא אנכי טוב לך מעשרה בניםSelect 1 Samuel 1:8

9ותקם חנה אחרי אכלה בשלה ואחרי שתה ועלי הכהן ישב על הכסא על מזוזת היכל יהוהSelect 1 Samuel 1:9

10והיא מרת נפש ותתפלל על יהוה ובכה תבכהSelect 1 Samuel 1:10

11ותדר נדר ותאמר יהוה צבאות אם ראה תראה בעני אמתך וזכרתני ולא תשכח את אמתך ונתתה לאמתך זרע אנשים—ונתתיו ליהוה כל ימי חייו ומורה לא יעלה על ראשוSelect 1 Samuel 1:11

12והיה כי הרבתה להתפלל לפני יהוה ועלי שמר את פיהSelect 1 Samuel 1:12

13וחנה היא מדברת על לבה—רק שפתיה נעות וקולה לא ישמע ויחשבה עלי לשכרהSelect 1 Samuel 1:13

14ויאמר אליה עלי עד מתי תשתכרין הסירי את יינך מעליךSelect 1 Samuel 1:14

15ותען חנה ותאמר לא אדני אשה קשת רוח אנכי ויין ושכר לא שתיתי ואשפך את נפשי לפני יהוהSelect 1 Samuel 1:15

16אל תתן את אמתך לפני בת בליעל כי מרב שיחי וכעסי דברתי עד הנהSelect 1 Samuel 1:16

17ויען עלי ויאמר לכי לשלום ואלהי ישראל יתן את שלתך אשר שאלת מעמוSelect 1 Samuel 1:17

18ותאמר תמצא שפחתך חן בעיניך ותלך האשה לדרכה ותאכל ופניה לא היו לה עודSelect 1 Samuel 1:18

19וישכמו בבקר וישתחוו לפני יהוה וישבו ויבאו אל ביתם הרמתה וידע אלקנה את חנה אשתו ויזכרה יהוהSelect 1 Samuel 1:19

20ויהי לתקפות הימים ותהר חנה ותלד בן ותקרא את שמו שמואל כי מיהוה שאלתיוSelect 1 Samuel 1:20

21ויעל האיש אלקנה וכל ביתו לזבח ליהוה את זבח הימים ואת נדרוSelect 1 Samuel 1:21

22וחנה לא עלתה כי אמרה לאישה עד יגמל הנער והבאתיו ונראה את פני יהוה וישב שם עד עולםSelect 1 Samuel 1:22

23ויאמר לה אלקנה אישה עשי הטוב בעיניך שבי עד גמלך אתו—אך יקם יהוה את דברו ותשב האשה ותינק את בנה עד גמלה אתוSelect 1 Samuel 1:23

24ותעלהו עמה כאשר גמלתו בפרים שלשה ואיפה אחת קמח ונבל יין ותבאהו בית יהוה שלו והנער נערSelect 1 Samuel 1:24

25וישחטו את הפר ויבאו את הנער אל עליSelect 1 Samuel 1:25

26ותאמר בי אדני חי נפשך אדני אני האשה הנצבת עמכה בזה להתפלל אל יהוהSelect 1 Samuel 1:26

27אל הנער הזה התפללתי ויתן יהוה לי את שאלתי אשר שאלתי מעמוSelect 1 Samuel 1:27

28וגם אנכי השאלתהו ליהוה כל הימים אשר היה הוא שאול ליהוה וישתחו שם ליהוהSelect 1 Samuel 1:28