101 Samuel 10

1ויקח שמואל את פך השמן ויצק על ראשו—וישקהו ויאמר—הלוא כי משחך יהוה על נחלתו לנגידSelect 1 Samuel 10:1

2בלכתך היום מעמדי ומצאת שני אנשים עם קברת רחל בגבול בנימן בצלצח ואמרו אליך נמצאו האתנות אשר הלכת לבקש והנה נטש אביך את דברי האתנות ודאג לכם לאמר מה אעשה לבניSelect 1 Samuel 10:2

3וחלפת משם והלאה ובאת עד אלון תבור ומצאוך שם שלשה אנשים עלים אל האלהים בית אל אחד נשא שלשה גדיים ואחד נשא שלשת ככרות לחם ואחד נשא נבל ייןSelect 1 Samuel 10:3

4ושאלו לך לשלום ונתנו לך שתי לחם ולקחת מידםSelect 1 Samuel 10:4

5אחר כן תבוא גבעת האלהים אשר שם נצבי פלשתים ויהי כבאך שם העיר ופגעת חבל נבאים ירדים מהבמה ולפניהם נבל ותף וחליל וכנור והמה מתנבאיםSelect 1 Samuel 10:5

6וצלחה עליך רוח יהוה והתנבית עמם ונהפכת לאיש אחרSelect 1 Samuel 10:6

7והיה כי תבאינה (תבאנה) האתות האלה—לך עשה לך אשר תמצא ידך כי האלהים עמךSelect 1 Samuel 10:7

8וירדת לפני הגלגל והנה אנכי ירד אליך להעלות עלות לזבח זבחי שלמים שבעת ימים תוחל עד בואי אליך והודעתי לך את אשר תעשהSelect 1 Samuel 10:8

9והיה כהפנתו שכמו ללכת מעם שמואל ויהפך לו אלהים לב אחר ויבאו כל האתות האלה ביום ההואSelect 1 Samuel 10:9

10ויבאו שם הגבעתה והנה חבל נבאים לקראתו ותצלח עליו רוח אלהים ויתנבא בתוכםSelect 1 Samuel 10:10

11ויהי כל יודעו מאתמול שלשם ויראו והנה עם נבאים נבא ויאמר העם איש אל רעהו מה זה היה לבן קיש—הגם שאול בנביאיםSelect 1 Samuel 10:11

12ויען איש משם ויאמר ומי אביהם על כן היתה למשל הגם שאול בנבאיםSelect 1 Samuel 10:12

13ויכל מהתנבות ויבא הבמהSelect 1 Samuel 10:13

14ויאמר דוד שאול אליו ואל נערו אן הלכתם ויאמר לבקש את האתנות ונראה כי אין ונבוא אל שמואלSelect 1 Samuel 10:14

15ויאמר דוד שאול הגידה נא לי מה אמר לכם שמואלSelect 1 Samuel 10:15

16ויאמר שאול אל דודו הגד הגיד לנו כי נמצאו האתנות ואת דבר המלוכה לא הגיד לו אשר אמר שמואלSelect 1 Samuel 10:16

17ויצעק שמואל את העם אל יהוה המצפהSelect 1 Samuel 10:17

18ויאמר אל בני ישראל כה אמר יהוה אלהי ישראל אנכי העליתי את ישראל ממצרים ואציל אתכם מיד מצרים ומיד כל הממלכות הלחצים אתכםSelect 1 Samuel 10:18

19ואתם היום מאסתם את אלהיכם אשר הוא מושיע לכם מכל רעותיכם וצרתיכם ותאמרו לו כי מלך תשים עלינו ועתה התיצבו לפני יהוה לשבטיכם ולאלפיכםSelect 1 Samuel 10:19

20ויקרב שמואל את כל שבטי ישראל וילכד שבט בנימןSelect 1 Samuel 10:20

21ויקרב את שבט בנימן למשפחתו ותלכד משפחת המטרי וילכד שאול בן קיש ויבקשהו ולא נמצאSelect 1 Samuel 10:21

22וישאלו עוד ביהוה הבא עוד הלם איש ויאמר יהוה הנה הוא נחבא אל הכליםSelect 1 Samuel 10:22

23וירצו ויקחהו משם ויתיצב בתוך העם ויגבה מכל העם משכמו ומעלהSelect 1 Samuel 10:23

24ויאמר שמואל אל כל העם הראיתם אשר בחר בו יהוה כי אין כמהו בכל העם וירעו כל העם ויאמרו יחי המלךSelect 1 Samuel 10:24

25וידבר שמואל אל העם את משפט המלכה ויכתב בספר וינח לפני יהוה וישלח שמואל את כל העם איש לביתוSelect 1 Samuel 10:25

26וגם שאול—הלך לביתו גבעתה וילכו עמו—החיל אשר נגע אלהים בלבםSelect 1 Samuel 10:26

27ובני בליעל אמרו מה ישענו זה ויבזהו ולא הביאו לו מנחה ויהי כמחרישSelect 1 Samuel 10:27