111 Samuel 11

1ויעל נחש העמוני ויחן על יביש גלעד ויאמרו כל אנשי יביש אל נחש כרת לנו ברית ונעבדךSelect 1 Samuel 11:1

2ויאמר אליהם נחש העמוני בזאת אכרת לכם בנקור לכם כל עין ימין ושמתיה חרפה על כל ישראלSelect 1 Samuel 11:2

3ויאמרו אליו זקני יביש הרף לנו שבעת ימים ונשלחה מלאכים בכל גבול ישראל ואם אין מושיע אתנו ויצאנו אליךSelect 1 Samuel 11:3

4ויבאו המלאכים גבעת שאול וידברו הדברים באזני העם וישאו כל העם את קולם ויבכוSelect 1 Samuel 11:4

5והנה שאול בא אחרי הבקר מן השדה ויאמר שאול מה לעם כי יבכו ויספרו לו—את דברי אנשי יבישSelect 1 Samuel 11:5

6ותצלח רוח אלהים על שאול בשמעו (כשמעו) את הדברים האלה ויחר אפו מאדSelect 1 Samuel 11:6

7ויקח צמד בקר וינתחהו וישלח בכל גבול ישראל ביד המלאכים לאמר אשר איננו יצא אחרי שאול ואחר שמואל כה יעשה לבקרו ויפל פחד יהוה על העם ויצאו כאיש אחדSelect 1 Samuel 11:7

8ויפקדם בבזק ויהיו בני ישראל שלש מאות אלף ואיש יהודה שלשים אלףSelect 1 Samuel 11:8

9ויאמרו למלאכים הבאים כה תאמרון לאיש יביש גלעד מחר תהיה לכם תשועה בחם (כחם) השמש ויבאו המלאכים ויגידו לאנשי יביש—וישמחוSelect 1 Samuel 11:9

10ויאמרו אנשי יביש מחר נצא אליכם ועשיתם לנו ככל הטוב בעיניכםSelect 1 Samuel 11:10

11ויהי ממחרת וישם שאול את העם שלשה ראשים ויבאו בתוך המחנה באשמרת הבקר ויכו את עמון עד חם היום ויהי הנשארים ויפצו ולא נשארו בם שנים יחדSelect 1 Samuel 11:11

12ויאמר העם אל שמואל מי האמר שאול ימלך עלינו תנו האנשים ונמיתםSelect 1 Samuel 11:12

13ויאמר שאול לא יומת איש ביום הזה כי היום עשה יהוה תשועה בישראלSelect 1 Samuel 11:13

14ויאמר שמואל אל העם לכו ונלכה הגלגל ונחדש שם המלוכהSelect 1 Samuel 11:14

15וילכו כל העם הגלגל וימלכו שם את שאול לפני יהוה בגלגל ויזבחו שם זבחים שלמים לפני יהוה וישמח שם שאול וכל אנשי ישראל עד מאדSelect 1 Samuel 11:15