121 Samuel 12

1ויאמר שמואל אל כל ישראל הנה שמעתי בקלכם לכל אשר אמרתם לי ואמליך עליכם מלךSelect 1 Samuel 12:1

2ועתה הנה המלך מתהלך לפניכם ואני זקנתי ושבתי ובני הנם אתכם ואני התהלכתי לפניכם מנערי עד היום הזהSelect 1 Samuel 12:2

3הנני ענו בי נגד יהוה ונגד משיחו את שור מי לקחתי וחמור מי לקחתי ואת מי עשקתי את מי רצותי ומיד מי לקחתי כפר ואעלים עיני בו ואשיב לכםSelect 1 Samuel 12:3

4ויאמרו לא עשקתנו ולא רצותנו ולא לקחת מיד איש מאומהSelect 1 Samuel 12:4

5ויאמר אליהם עד יהוה בכם ועד משיחו היום הזה—כי לא מצאתם בידי מאומה ויאמר עדSelect 1 Samuel 12:5

6ויאמר שמואל אל העם יהוה אשר עשה את משה ואת אהרן ואשר העלה את אבתיכם מארץ מצריםSelect 1 Samuel 12:6

7ועתה התיצבו ואשפטה אתכם—לפני יהוה את כל צדקות יהוה אשר עשה אתכם ואת אבותיכםSelect 1 Samuel 12:7

8כאשר בא יעקב מצרים—ויזעקו אבותיכם אל יהוה וישלח יהוה את משה ואת אהרן ויוציאו את אבתיכם ממצרים וישבום במקום הזהSelect 1 Samuel 12:8

9וישכחו את יהוה אלהיהם וימכר אתם ביד סיסרא שר צבא חצור וביד פלשתים וביד מלך מואב וילחמו בםSelect 1 Samuel 12:9

10ויזעקו אל יהוה ויאמר (ויאמרו) חטאנו כי עזבנו את יהוה ונעבד את הבעלים ואת העשתרות ועתה הצילנו מיד איבינו—ונעבדךSelect 1 Samuel 12:10

11וישלח יהוה את ירבעל ואת בדן ואת יפתח ואת שמואל ויצל אתכם מיד איביכם מסביב ותשבו בטחSelect 1 Samuel 12:11

12ותראו כי נחש מלך בני עמון בא עליכם ותאמרו לי לא כי מלך ימלך עלינו ויהוה אלהיכם מלככםSelect 1 Samuel 12:12

13ועתה הנה המלך אשר בחרתם—אשר שאלתם והנה נתן יהוה עליכם מלךSelect 1 Samuel 12:13

14אם תיראו את יהוה ועבדתם אתו ושמעתם בקולו ולא תמרו את פי יהוה—והיתם גם אתם וגם המלך אשר מלך עליכם אחר יהוה אלהיכםSelect 1 Samuel 12:14

15ואם לא תשמעו בקול יהוה ומריתם את פי יהוה—והיתה יד יהוה בכם ובאבתיכםSelect 1 Samuel 12:15

16גם עתה התיצבו וראו את הדבר הגדול הזה אשר יהוה עשה לעיניכםSelect 1 Samuel 12:16

17הלוא קציר חטים היום—אקרא אל יהוה ויתן קלות ומטר ודעו וראו כי רעתכם רבה אשר עשיתם בעיני יהוה לשאול לכם מלךSelect 1 Samuel 12:17

18ויקרא שמואל אל יהוה ויתן יהוה קלת ומטר ביום ההוא ויירא כל העם מאד את יהוה ואת שמואלSelect 1 Samuel 12:18

19ויאמרו כל העם אל שמואל התפלל בעד עבדיך אל יהוה אלהיך—ואל נמות כי יספנו על כל חטאתינו רעה לשאל לנו מלךSelect 1 Samuel 12:19

20ויאמר שמואל אל העם אל תיראו—אתם עשיתם את כל הרעה הזאת אך אל תסורו מאחרי יהוה ועבדתם את יהוה בכל לבבכםSelect 1 Samuel 12:20

21ולא תסורו כי אחרי התהו אשר לא יועילו ולא יצילו—כי תהו המהSelect 1 Samuel 12:21

22כי לא יטש יהוה את עמו—בעבור שמו הגדול כי הואיל יהוה לעשות אתכם לו לעםSelect 1 Samuel 12:22

23גם אנכי חלילה לי מחטא ליהוה—מחדל להתפלל בעדכם והוריתי אתכם בדרך הטובה והישרהSelect 1 Samuel 12:23

24אך יראו את יהוה ועבדתם אתו באמת—בכל לבבכם כי ראו את אשר הגדל עמכםSelect 1 Samuel 12:24

25ואם הרע תרעו—גם אתם גם מלככם תספוSelect 1 Samuel 12:25