131 Samuel 13

1בן שנה שאול במלכו ושתי שנים מלך על ישראלSelect 1 Samuel 13:1

2ויבחר לו שאול שלשת אלפים מישראל ויהיו עם שאול אלפים במכמש ובהר בית אל ואלף היו עם יונתן בגבעת בנימין ויתר העם שלח איש לאהליוSelect 1 Samuel 13:2

3ויך יונתן את נציב פלשתים אשר בגבע וישמעו פלשתים ושאול תקע בשופר בכל הארץ לאמר ישמעו העבריםSelect 1 Samuel 13:3

4וכל ישראל שמעו לאמר הכה שאול את נציב פלשתים וגם נבאש ישראל בפלשתים ויצעקו העם אחרי שאול הגלגלSelect 1 Samuel 13:4

5ופלשתים נאספו להלחם עם ישראל שלשים אלף רכב וששת אלפים פרשים ועם כחול אשר על שפת הים לרב ויעלו ויחנו במכמש קדמת בית אוןSelect 1 Samuel 13:5

6ואיש ישראל ראו כי צר לו כי נגש העם ויתחבאו העם במערות ובחוחים ובסלעים ובצרחים ובברותSelect 1 Samuel 13:6

7ועברים עברו את הירדן ארץ גד וגלעד ושאול עודנו בגלגל וכל העם חרדו אחריוSelect 1 Samuel 13:7

8וייחל (ויוחל) שבעת ימים למועד אשר שמואל ולא בא שמואל הגלגל ויפץ העם מעליוSelect 1 Samuel 13:8

9ויאמר שאול—הגשו אלי העלה והשלמים ויעל העלהSelect 1 Samuel 13:9

10ויהי ככלתו להעלות העלה והנה שמואל בא ויצא שאול לקראתו לברכוSelect 1 Samuel 13:10

11ויאמר שמואל מה עשית ויאמר שאול כי ראיתי כי נפץ העם מעלי ואתה לא באת למועד הימים ופלשתים נאספים מכמשSelect 1 Samuel 13:11

12ואמר עתה ירדו פלשתים אלי הגלגל ופני יהוה לא חליתי ואתאפק ואעלה העלהSelect 1 Samuel 13:12

13ויאמר שמואל אל שאול נסכלת לא שמרת את מצות יהוה אלהיך אשר צוך כי עתה הכין יהוה את ממלכתך אל ישראל עד עולםSelect 1 Samuel 13:13

14ועתה ממלכתך לא תקום בקש יהוה לו איש כלבבו ויצוהו יהוה לנגיד על עמו—כי לא שמרת את אשר צוך יהוהSelect 1 Samuel 13:14

15ויקם שמואל ויעל מן הגלגל—גבעת בנימן ויפקד שאול את העם הנמצאים עמו כשש מאות אישSelect 1 Samuel 13:15

16ושאול ויונתן בנו והעם הנמצא עמם ישבים בגבע בנימן ופלשתים חנו במכמשSelect 1 Samuel 13:16

17ויצא המשחית ממחנה פלשתים שלשה ראשים הראש אחד יפנה אל דרך עפרה אל ארץ שועלSelect 1 Samuel 13:17

18והראש אחד יפנה דרך בית חרון והראש אחד יפנה דרך הגבול הנשקף על גי הצבעים המדברהSelect 1 Samuel 13:18

19וחרש לא ימצא בכל ארץ ישראל כי אמר (אמרו) פלשתים—פן יעשו העברים חרב או חניתSelect 1 Samuel 13:19

20וירדו כל ישראל הפלשתים—ללטוש איש את מחרשתו ואת אתו ואת קרדמו ואת מחרשתוSelect 1 Samuel 13:20

21והיתה הפצירה פים למחרשת ולאתים ולשלש קלשון ולהקרדמים ולהציב הדרבןSelect 1 Samuel 13:21

22והיה ביום מלחמת ולא נמצא חרב וחנית ביד כל העם אשר את שאול ואת יונתן ותמצא לשאול וליונתן בנוSelect 1 Samuel 13:22

23ויצא מצב פלשתים אל מעבר מכמשSelect 1 Samuel 13:23