141 Samuel 14

1ויהי היום ויאמר יונתן בן שאול אל הנער נשא כליו לכה ונעברה אל מצב פלשתים אשר מעבר הלז ולאביו לא הגידSelect 1 Samuel 14:1

2ושאול יושב בקצה הגבעה תחת הרמון אשר במגרון והעם אשר עמו כשש מאות אישSelect 1 Samuel 14:2

3ואחיה בן אחטוב אחי איכבוד בן פינחס בן עלי כהן יהוה בשלו—נשא אפוד והעם לא ידע כי הלך יונתןSelect 1 Samuel 14:3

4ובין המעברות אשר בקש יונתן לעבר על מצב פלשתים—שן הסלע מהעבר מזה ושן הסלע מהעבר מזה ושם האחד בוצץ ושם האחד סנהSelect 1 Samuel 14:4

5השן האחד מצוק מצפון מול מכמש והאחד מנגב מול גבעSelect 1 Samuel 14:5

6ויאמר יהונתן אל הנער נשא כליו לכה ונעברה אל מצב הערלים האלה—אולי יעשה יהוה לנו כי אין ליהוה מעצור להושיע ברב או במעטSelect 1 Samuel 14:6

7ויאמר לו נשא כליו עשה כל אשר בלבבך נטה לך הנני עמך כלבבךSelect 1 Samuel 14:7

8ויאמר יהונתן הנה אנחנו עברים אל האנשים ונגלינו אליהםSelect 1 Samuel 14:8

9אם כה יאמרו אלינו דמו עד הגיענו אליכם—ועמדנו תחתינו ולא נעלה אליהםSelect 1 Samuel 14:9

10ואם כה יאמרו עלו עלינו ועלינו—כי נתנם יהוה בידנו וזה לנו האותSelect 1 Samuel 14:10

11ויגלו שניהם אל מצב פלשתים ויאמרו פלשתים—הנה עברים יצאים מן החרים אשר התחבאו שםSelect 1 Samuel 14:11

12ויענו אנשי המצבה את יונתן ואת נשא כליו ויאמרו עלו אלינו ונודיעה אתכם דבר ויאמר יונתן אל נשא כליו עלה אחרי—כי נתנם יהוה ביד ישראלSelect 1 Samuel 14:12

13ויעל יונתן על ידיו ועל רגליו ונשא כליו אחריו ויפלו לפני יונתן ונשא כליו ממותת אחריוSelect 1 Samuel 14:13

14ותהי המכה הראשנה אשר הכה יונתן ונשא כליו—כעשרים איש כבחצי מענה צמד שדהSelect 1 Samuel 14:14

15ותהי חרדה במחנה בשדה ובכל העם—המצב והמשחית חרדו גם המה ותרגז הארץ ותהי לחרדת אלהיםSelect 1 Samuel 14:15

16ויראו הצפים לשאול בגבעת בנימן והנה ההמון נמוג וילך והלםSelect 1 Samuel 14:16

17ויאמר שאול לעם אשר אתו פקדו נא וראו מי הלך מעמנו ויפקדו והנה אין יונתן ונשא כליוSelect 1 Samuel 14:17

18ויאמר שאול לאחיה הגישה ארון האלהים כי היה ארון האלהים ביום ההוא—ובני ישראלSelect 1 Samuel 14:18

19ויהי עד דבר שאול אל הכהן וההמון אשר במחנה פלשתים וילך הלוך ורב ויאמר שאול אל הכהן אסף ידךSelect 1 Samuel 14:19

20ויזעק שאול וכל העם אשר אתו ויבאו עד המלחמה והנה היתה חרב איש ברעהו—מהומה גדולה מאדSelect 1 Samuel 14:20

21והעברים היו לפלשתים כאתמול שלשום אשר עלו עמם במחנה סביב וגם המה להיות עם ישראל אשר עם שאול ויונתןSelect 1 Samuel 14:21

22וכל איש ישראל המתחבאים בהר אפרים שמעו כי נסו פלשתים וידבקו גם המה אחריהם במלחמהSelect 1 Samuel 14:22

23ויושע יהוה ביום ההוא את ישראל והמלחמה—עברה את בית אוןSelect 1 Samuel 14:23

24ואיש ישראל נגש ביום ההוא ויאל שאול את העם לאמר ארור האיש אשר יאכל לחם עד הערב ונקמתי מאיבי ולא טעם כל העם לחםSelect 1 Samuel 14:24

25וכל הארץ באו ביער ויהי דבש על פני השדהSelect 1 Samuel 14:25

26ויבא העם אל היער והנה הלך דבש ואין משיג ידו אל פיו כי ירא העם את השבעהSelect 1 Samuel 14:26

27ויונתן לא שמע בהשביע אביו את העם וישלח את קצה המטה אשר בידו ויטבל אותה ביערת הדבש וישב ידו אל פיו ותראנה (ותארנה) עיניוSelect 1 Samuel 14:27

28ויען איש מהעם ויאמר השבע השביע אביך את העם לאמר ארור האיש אשר יאכל לחם היום ויעף העםSelect 1 Samuel 14:28

29ויאמר יונתן עכר אבי את הארץ ראו נא כי ארו עיני—כי טעמתי מעט דבש הזהSelect 1 Samuel 14:29

30אף כי לוא אכל אכל היום העם משלל איביו אשר מצא כי עתה לא רבתה מכה בפלשתיםSelect 1 Samuel 14:30

31ויכו ביום ההוא בפלשתים ממכמש אילנה ויעף העם מאדSelect 1 Samuel 14:31

32ויעש (ויעט) העם אל שלל (השלל) ויקחו צאן ובקר ובני בקר וישחטו ארצה ויאכל העם על הדםSelect 1 Samuel 14:32

33ויגידו לשאול לאמר הנה העם חטאים ליהוה לאכל על הדם ויאמר בגדתם גלו אלי היום אבן גדולהSelect 1 Samuel 14:33

34ויאמר שאול פצו בעם ואמרתם להם הגישו אלי איש שורו ואיש שיהו ושחטתם בזה ואכלתם ולא תחטאו ליהוה לאכל אל הדם ויגשו כל העם איש שורו בידו הלילה—וישחטו שםSelect 1 Samuel 14:34

35ויבן שאול מזבח ליהוה אתו החל לבנות מזבח ליהוהSelect 1 Samuel 14:35

36ויאמר שאול נרדה אחרי פלשתים לילה ונבזה בהם עד אור הבקר ולא נשאר בהם איש ויאמרו כל הטוב בעיניך עשה ויאמר הכהן נקרבה הלם אל האלהיםSelect 1 Samuel 14:36

37וישאל שאול באלהים הארד אחרי פלשתים התתנם ביד ישראל ולא ענהו ביום ההואSelect 1 Samuel 14:37

38ויאמר שאול—גשו הלם כל פנות העם ודעו וראו—במה היתה החטאת הזאת היוםSelect 1 Samuel 14:38

39כי חי יהוה המושיע את ישראל—כי אם ישנו ביונתן בני כי מות ימות ואין ענהו מכל העםSelect 1 Samuel 14:39

40ויאמר אל כל ישראל אתם תהיו לעבר אחד ואני ויונתן בני נהיה לעבר אחד ויאמרו העם אל שאול הטוב בעיניך עשהSelect 1 Samuel 14:40

41ויאמר שאול אל יהוה אלהי ישראל—הבה תמים וילכד יונתן ושאול והעם יצאוSelect 1 Samuel 14:41

42ויאמר שאול—הפילו ביני ובין יונתן בני וילכד יונתןSelect 1 Samuel 14:42

43ויאמר שאול אל יונתן הגידה לי מה עשיתה ויגד לו יונתן ויאמר טעם טעמתי בקצה המטה אשר בידי מעט דבש—הנני אמותSelect 1 Samuel 14:43

44ויאמר שאול כה יעשה אלהים וכה יוסף כי מות תמות יונתןSelect 1 Samuel 14:44

45ויאמר העם אל שאול היונתן ימות אשר עשה הישועה הגדולה הזאת בישראל—חלילה חי יהוה אם יפל משערת ראשו ארצה כי עם אלהים עשה היום הזה ויפדו העם את יונתן ולא מתSelect 1 Samuel 14:45

46ויעל שאול מאחרי פלשתים ופלשתים הלכו למקומםSelect 1 Samuel 14:46

47ושאול לכד המלוכה על ישראל וילחם סביב בכל איביו במואב ובבני עמון ובאדום ובמלכי צובה ובפלשתים ובכל אשר יפנה ירשיעSelect 1 Samuel 14:47

48ויעש חיל ויך את עמלק ויצל את ישראל מיד שסהוSelect 1 Samuel 14:48

49ויהיו בני שאול יונתן וישוי ומלכישוע ושם שתי בנתיו—שם הבכירה מרב ושם הקטנה מיכלSelect 1 Samuel 14:49

50ושם אשת שאול אחינעם בת אחימעץ ושם שר צבאו אבינר בן נר דוד שאולSelect 1 Samuel 14:50

51וקיש אבי שאול ונר אבי אבנר בן אביאלSelect 1 Samuel 14:51

52ותהי המלחמה חזקה על פלשתים כל ימי שאול וראה שאול כל איש גבור וכל בן חיל ויאספהו אליוSelect 1 Samuel 14:52