161 Samuel 16

1ויאמר יהוה אל שמואל עד מתי אתה מתאבל אל שאול ואני מאסתיו ממלך על ישראל מלא קרנך שמן ולך אשלחך אל ישי בית הלחמי—כי ראיתי בבניו לי מלךSelect 1 Samuel 16:1

2ויאמר שמואל איך אלך ושמע שאול והרגני ויאמר יהוה עגלת בקר תקח בידך ואמרת לזבח ליהוה באתיSelect 1 Samuel 16:2

3וקראת לישי בזבח ואנכי אודיעך את אשר תעשה ומשחת לי את אשר אמר אליךSelect 1 Samuel 16:3

4ויעש שמואל את אשר דבר יהוה ויבא בית לחם ויחרדו זקני העיר לקראתו ויאמר שלם בואךSelect 1 Samuel 16:4

5ויאמר שלום לזבח ליהוה באתי התקדשו ובאתם אתי בזבח ויקדש את ישי ואת בניו ויקרא להם לזבחSelect 1 Samuel 16:5

6ויהי בבואם וירא את אליאב ויאמר אך נגד יהוה משיחוSelect 1 Samuel 16:6

7ויאמר יהוה אל שמואל אל תבט אל מראהו ואל גבה קומתו—כי מאסתיהו כי לא אשר יראה האדם—כי האדם יראה לעינים ויהוה יראה ללבבSelect 1 Samuel 16:7

8ויקרא ישי אל אבינדב ויעברהו לפני שמואל ויאמר גם בזה לא בחר יהוהSelect 1 Samuel 16:8

9ויעבר ישי שמה ויאמר גם בזה לא בחר יהוהSelect 1 Samuel 16:9

10ויעבר ישי שבעת בניו לפני שמואל ויאמר שמואל אל ישי לא בחר יהוה באלהSelect 1 Samuel 16:10

11ויאמר שמואל אל ישי התמו הנערים ויאמר עוד שאר הקטן והנה רעה בצאן ויאמר שמואל אל ישי שלחה וקחנו כי לא נסב עד באו פהSelect 1 Samuel 16:11

12וישלח ויביאהו והוא אדמוני עם יפה עינים וטוב ראי ויאמר יהוה קום משחהו כי זה הואSelect 1 Samuel 16:12

13ויקח שמואל את קרן השמן וימשח אתו בקרב אחיו ותצלח רוח יהוה אל דוד מהיום ההוא ומעלה ויקם שמואל וילך הרמתהSelect 1 Samuel 16:13

14ורוח יהוה סרה מעם שאול ובעתתו רוח רעה מאת יהוהSelect 1 Samuel 16:14

15ויאמרו עבדי שאול אליו הנה נא רוח אלהים רעה מבעתךSelect 1 Samuel 16:15

16יאמר נא אדננו עבדיך לפניך—יבקשו איש ידע מנגן בכנור והיה בהיות עליך רוח אלהים רעה—ונגן בידו וטוב לךSelect 1 Samuel 16:16

17ויאמר שאול אל עבדיו ראו נא לי איש מיטיב לנגן והביאותם אליSelect 1 Samuel 16:17

18ויען אחד מהנערים ויאמר הנה ראיתי בן לישי בית הלחמי ידע נגן וגבור חיל ואיש מלחמה ונבון דבר ואיש תאר ויהוה עמוSelect 1 Samuel 16:18

19וישלח שאול מלאכים אל ישי ויאמר שלחה אלי את דוד בנך אשר בצאןSelect 1 Samuel 16:19

20ויקח ישי חמור לחם ונאד יין וגדי עזים אחד וישלח ביד דוד בנו אל שאולSelect 1 Samuel 16:20

21ויבא דוד אל שאול ויעמד לפניו ויאהבהו מאד ויהי לו נשא כליםSelect 1 Samuel 16:21

22וישלח שאול אל ישי לאמר יעמד נא דוד לפני כי מצא חן בעיניSelect 1 Samuel 16:22

23והיה בהיות רוח אלהים אל שאול ולקח דוד את הכנור ונגן בידו ורוח לשאול וטוב לו וסרה מעליו רוח הרעהSelect 1 Samuel 16:23