181 Samuel 18

1ויהי ככלתו לדבר אל שאול ונפש יהונתן נקשרה בנפש דוד ויאהבו (ויאהבהו) יהונתן כנפשוSelect 1 Samuel 18:1

2ויקחהו שאול ביום ההוא ולא נתנו לשוב בית אביוSelect 1 Samuel 18:2

3ויכרת יהונתן ודוד ברית באהבתו אתו כנפשוSelect 1 Samuel 18:3

4ויתפשט יהונתן את המעיל אשר עליו ויתנהו לדוד ומדיו ועד חרבו ועד קשתו ועד חגרוSelect 1 Samuel 18:4

5ויצא דוד בכל אשר ישלחנו שאול ישכיל וישמהו שאול על אנשי המלחמה וייטב בעיני כל העם וגם בעיני עבדי שאולSelect 1 Samuel 18:5

6ויהי בבואם בשוב דוד מהכות את הפלשתי ותצאנה הנשים מכל ערי ישראל לשור (לשיר) והמחלות לקראת שאול המלך—בתפים בשמחה ובשלשיםSelect 1 Samuel 18:6

7ותענינה הנשים המשחקות ותאמרן הכה שאול באלפו ודוד ברבבתיוSelect 1 Samuel 18:7

8ויחר לשאול מאד וירע בעיניו הדבר הזה ויאמר נתנו לדוד רבבות ולי נתנו האלפים ועוד לו אך המלוכהSelect 1 Samuel 18:8

9ויהי שאול עון (עוין) את דוד מהיום ההוא והלאהSelect 1 Samuel 18:9

10ויהי ממחרת ותצלח רוח אלהים רעה אל שאול ויתנבא בתוך הבית ודוד מנגן בידו כיום ביום והחנית ביד שאולSelect 1 Samuel 18:10

11ויטל שאול את החנית ויאמר אכה בדוד ובקיר ויסב דוד מפניו פעמיםSelect 1 Samuel 18:11

12וירא שאול מלפני דוד כי היה יהוה עמו ומעם שאול סרSelect 1 Samuel 18:12

13ויסרהו שאול מעמו וישמהו לו שר אלף ויצא ויבא לפני העםSelect 1 Samuel 18:13

14ויהי דוד לכל דרכו משכיל ויהוה עמוSelect 1 Samuel 18:14

15וירא שאול אשר הוא משכיל מאד ויגר מפניוSelect 1 Samuel 18:15

16וכל ישראל ויהודה אהב את דוד כי הוא יוצא ובא לפניהםSelect 1 Samuel 18:16

17ויאמר שאול אל דוד הנה בתי הגדולה מרב אתה אתן לך לאשה—אך היה לי לבן חיל והלחם מלחמות יהוה ושאול אמר אל תהי ידי בו ותהי בו יד פלשתיםSelect 1 Samuel 18:17

18ויאמר דוד אל שאול מי אנכי ומי חיי משפחת אבי בישראל—כי אהיה חתן למלךSelect 1 Samuel 18:18

19ויהי בעת תת את מרב בת שאול—לדוד והיא נתנה לעדריאל המחלתי לאשהSelect 1 Samuel 18:19

20ותאהב מיכל בת שאול את דוד ויגדו לשאול וישר הדבר בעיניוSelect 1 Samuel 18:20

21ויאמר שאול אתננה לו ותהי לו למוקש ותהי בו יד פלשתים ויאמר שאול אל דוד בשתים תתחתן בי היוםSelect 1 Samuel 18:21

22ויצו שאול את עבדו דברו אל דוד בלט לאמר הנה חפץ בך המלך וכל עבדיו אהבוך ועתה התחתן במלךSelect 1 Samuel 18:22

23וידברו עבדי שאול באזני דוד את הדברים האלה ויאמר דוד הנקלה בעיניכם התחתן במלך ואנכי איש רש ונקלהSelect 1 Samuel 18:23

24ויגדו עבדי שאול לו—לאמר כדברים האלה דבר דודSelect 1 Samuel 18:24

25ויאמר שאול כה תאמרו לדוד אין חפץ למלך במהר כי במאה ערלות פלשתים להנקם באיבי המלך ושאול חשב להפיל את דוד ביד פלשתיםSelect 1 Samuel 18:25

26ויגדו עבדיו לדוד את הדברים האלה וישר הדבר בעיני דוד להתחתן במלך ולא מלאו הימיםSelect 1 Samuel 18:26

27ויקם דוד וילך הוא ואנשיו ויך בפלשתים מאתים איש ויבא דוד את ערלתיהם וימלאום למלך להתחתן במלך ויתן לו שאול את מיכל בתו לאשהSelect 1 Samuel 18:27

28וירא שאול וידע כי יהוה עם דוד ומיכל בת שאול אהבתהוSelect 1 Samuel 18:28

29ויאסף שאול לרא מפני דוד—עוד ויהי שאול איב את דוד כל הימיםSelect 1 Samuel 18:29

30ויצאו שרי פלשתים ויהי מדי צאתם שכל דוד מכל עבדי שאול וייקר שמו מאדSelect 1 Samuel 18:30