191 Samuel 19

1וידבר שאול אל יונתן בנו ואל כל עבדיו להמית את דוד ויהונתן בן שאול חפץ בדוד מאדSelect 1 Samuel 19:1

2ויגד יהונתן לדוד לאמר מבקש שאול אבי להמיתך ועתה השמר נא בבקר וישבת בסתר ונחבאתSelect 1 Samuel 19:2

3ואני אצא ועמדתי ליד אבי בשדה אשר אתה שם ואני אדבר בך אל אבי וראיתי מה והגדתי לךSelect 1 Samuel 19:3

4וידבר יהונתן בדוד טוב אל שאול אביו ויאמר אליו אל יחטא המלך בעבדו בדוד כי לוא חטא לך וכי מעשיו טוב לך מאדSelect 1 Samuel 19:4

5וישם את נפשו בכפו ויך את הפלשתי ויעש יהוה תשועה גדולה לכל ישראל—ראית ותשמח ולמה תחטא בדם נקי להמית את דוד חנםSelect 1 Samuel 19:5

6וישמע שאול בקול יהונתן וישבע שאול חי יהוה אם יומתSelect 1 Samuel 19:6

7ויקרא יהונתן לדוד ויגד לו יהונתן את כל הדברים האלה ויבא יהונתן את דוד אל שאול ויהי לפניו כאתמול שלשוםSelect 1 Samuel 19:7

8ותוסף המלחמה להיות ויצא דוד וילחם בפלשתים ויך בהם מכה גדולה וינסו מפניוSelect 1 Samuel 19:8

9ותהי רוח יהוה רעה אל שאול והוא בביתו ישב וחניתו בידו ודוד מנגן בידSelect 1 Samuel 19:9

10ויבקש שאול להכות בחנית בדוד ובקיר ויפטר מפני שאול ויך את החנית בקיר ודוד נס וימלט בלילה הואSelect 1 Samuel 19:10

11וישלח שאול מלאכים אל בית דוד לשמרו ולהמיתו בבקר ותגד לדוד מיכל אשתו לאמר אם אינך ממלט את נפשך הלילה מחר אתה מומתSelect 1 Samuel 19:11

12ותרד מיכל את דוד בעד החלון וילך ויברח וימלטSelect 1 Samuel 19:12

13ותקח מיכל את התרפים ותשם אל המטה ואת כביר העזים שמה מראשתיו ותכס בבגדSelect 1 Samuel 19:13

14וישלח שאול מלאכים לקחת את דוד ותאמר חלה הואSelect 1 Samuel 19:14

15וישלח שאול את המלאכים לראות את דוד לאמר העלו אתו במטה אלי להמתוSelect 1 Samuel 19:15

16ויבאו המלאכים והנה התרפים אל המטה וכביר העזים מראשתיוSelect 1 Samuel 19:16

17ויאמר שאול אל מיכל למה ככה רמיתני ותשלחי את איבי וימלט ותאמר מיכל אל שאול הוא אמר אלי שלחני למה אמיתךSelect 1 Samuel 19:17

18ודוד ברח וימלט ויבא אל שמואל הרמתה ויגד לו את כל אשר עשה לו שאול וילך הוא ושמואל וישבו בנוית (בניות)Select 1 Samuel 19:18

19ויגד לשאול לאמר הנה דוד בנוית (בניות) ברמהSelect 1 Samuel 19:19

20וישלח שאול מלאכים לקחת את דוד וירא את להקת הנביאים נבאים ושמואל עמד נצב עליהם ותהי על מלאכי שאול רוח אלהים ויתנבאו גם המהSelect 1 Samuel 19:20

21ויגדו לשאול וישלח מלאכים אחרים ויתנבאו גם המה ויסף שאול וישלח מלאכים שלשים ויתנבאו גם המהSelect 1 Samuel 19:21

22וילך גם הוא הרמתה ויבא עד בור הגדול אשר בשכו וישאל ויאמר איפה שמואל ודוד ויאמר הנה בנוית (בניות) ברמהSelect 1 Samuel 19:22

23וילך שם אל נוית (ניות) ברמה ותהי עליו גם הוא רוח אלהים וילך הלוך ויתנבא עד באו בנוית (בניות) ברמהSelect 1 Samuel 19:23

24ויפשט גם הוא בגדיו ויתנבא גם הוא לפני שמואל ויפל ערם כל היום ההוא וכל הלילה על כן יאמרו—הגם שאול בנביאםSelect 1 Samuel 19:24