291 Samuel 29

1ויקבצו פלשתים את כל מחניהם אפקה וישראל חנים בעין אשר ביזרעאלSelect 1 Samuel 29:1

2וסרני פלשתים עברים למאות ולאלפים ודוד ואנשיו עברים באחרנה—עם אכישSelect 1 Samuel 29:2

3ויאמרו שרי פלשתים מה העברים האלה ויאמר אכיש אל שרי פלשתים הלוא זה דוד עבד שאול מלך ישראל אשר היה אתי זה ימים או זה שנים ולא מצאתי בו מאומה מיום נפלו עד היום הזהSelect 1 Samuel 29:3

4ויקצפו עליו שרי פלשתים ויאמרו לו שרי פלשתים השב את האיש וישב אל מקומו אשר הפקדתו שם ולא ירד עמנו במלחמה ולא יהיה לנו לשטן במלחמה ובמה יתרצה זה אל אדניו—הלוא בראשי האנשים ההםSelect 1 Samuel 29:4

5הלוא זה דוד אשר יענו לו במחלות לאמר הכה שאול באלפיו ודוד ברבבתוSelect 1 Samuel 29:5

6ויקרא אכיש אל דוד ויאמר אליו חי יהוה כי ישר אתה וטוב בעיני צאתך ובאך אתי במחנה—כי לא מצאתי בך רעה מיום באך אלי עד היום הזה ובעיני הסרנים לא טוב אתהSelect 1 Samuel 29:6

7ועתה שוב ולך בשלום ולא תעשה רע בעיני סרני פלשתיםSelect 1 Samuel 29:7

8ויאמר דוד אל אכיש כי מה עשיתי ומה מצאת בעבדך מיום אשר הייתי לפניך עד היום הזה כי לא אבוא ונלחמתי באיבי אדני המלךSelect 1 Samuel 29:8

9ויען אכיש ויאמר אל דוד ידעתי כי טוב אתה בעיני כמלאך אלהים אך שרי פלשתים אמרו לא יעלה עמנו במלחמהSelect 1 Samuel 29:9

10ועתה השכם בבקר ועבדי אדניך אשר באו אתך והשכמתם בבקר ואור לכם ולכוSelect 1 Samuel 29:10

11וישכם דוד הוא ואנשיו ללכת בבקר לשוב אל ארץ פלשתים ופלשתים עלו יזרעאלSelect 1 Samuel 29:11