301 Samuel 30

1ויהי בבא דוד ואנשיו צקלג—ביום השלישי ועמלקי פשטו אל נגב ואל צקלג ויכו את צקלג וישרפו אתה באשSelect 1 Samuel 30:1

2וישבו את הנשים אשר בה מקטן ועד גדול לא המיתו איש וינהגו וילכו לדרכםSelect 1 Samuel 30:2

3ויבא דוד ואנשיו אל העיר והנה שרופה באש ונשיהם ובניהם ובנתיהם נשבוSelect 1 Samuel 30:3

4וישא דוד והעם אשר אתו את קולם—ויבכו עד אשר אין בהם כח לבכותSelect 1 Samuel 30:4

5ושתי נשי דוד נשבו—אחינעם היזרעלית ואביגיל אשת נבל הכרמליSelect 1 Samuel 30:5

6ותצר לדוד מאד כי אמרו העם לסקלו—כי מרה נפש כל העם איש על בנו ועל בנתיו ויתחזק דוד ביהוה אלהיוSelect 1 Samuel 30:6

7ויאמר דוד אל אביתר הכהן בן אחימלך הגישה נא לי האפוד ויגש אביתר את האפוד אל דודSelect 1 Samuel 30:7

8וישאל דוד ביהוה לאמר ארדף אחרי הגדוד הזה האשגנו ויאמר לו רדף כי השג תשיג והצל תצילSelect 1 Samuel 30:8

9וילך דוד הוא ושש מאות איש אשר אתו ויבאו עד נחל הבשור והנותרים עמדוSelect 1 Samuel 30:9

10וירדף דוד הוא וארבע מאות איש ויעמדו מאתים איש אשר פגרו מעבר את נחל הבשורSelect 1 Samuel 30:10

11וימצאו איש מצרי בשדה ויקחו אתו אל דוד ויתנו לו לחם ויאכל וישקהו מיםSelect 1 Samuel 30:11

12ויתנו לו פלח דבלה ושני צמקים ויאכל ותשב רוחו אליו כי לא אכל לחם ולא שתה מים שלשה ימים ושלשה לילותSelect 1 Samuel 30:12

13ויאמר לו דוד למי אתה ואי מזה אתה ויאמר נער מצרי אנכי עבד לאיש עמלקי ויעזבני אדני כי חליתי היום שלשהSelect 1 Samuel 30:13

14אנחנו פשטנו נגב הכרתי ועל אשר ליהודה—ועל נגב כלב ואת צקלג שרפנו באשSelect 1 Samuel 30:14

15ויאמר אליו דוד התורדני אל הגדוד הזה ויאמר השבעה לי באלהים אם תמיתני ואם תסגרני ביד אדני ואורדך אל הגדוד הזהSelect 1 Samuel 30:15

16וירדהו והנה נטשים על פני כל הארץ אכלים ושתים וחגגים בכל השלל הגדול אשר לקחו מארץ פלשתים ומארץ יהודהSelect 1 Samuel 30:16

17ויכם דוד מהנשף ועד הערב למחרתם ולא נמלט מהם איש כי אם ארבע מאות איש נער אשר רכבו על הגמלים וינסוSelect 1 Samuel 30:17

18ויצל דוד את כל אשר לקחו עמלק ואת שתי נשיו הציל דודSelect 1 Samuel 30:18

19ולא נעדר להם מן הקטן ועד הגדול ועד בנים ובנות ומשלל ועד כל אשר לקחו להם הכל השיב דודSelect 1 Samuel 30:19

20ויקח דוד את כל הצאן והבקר נהגו לפני המקנה ההוא ויאמרו זה שלל דודSelect 1 Samuel 30:20

21ויבא דוד אל מאתים האנשים אשר פגרו מלכת אחרי דוד וישיבם בנחל הבשור ויצאו לקראת דוד ולקראת העם אשר אתו ויגש דוד את העם וישאל להם לשלוםSelect 1 Samuel 30:21

22ויען כל איש רע ובליעל מהאנשים אשר הלכו עם דוד ויאמרו יען אשר לא הלכו עמי לא נתן להם מהשלל אשר הצלנו כי אם איש את אשתו ואת בניו וינהגו וילכוSelect 1 Samuel 30:22

23ויאמר דוד לא תעשו כן אחי את אשר נתן יהוה לנו וישמר אתנו ויתן את הגדוד הבא עלינו בידנוSelect 1 Samuel 30:23

24ומי ישמע לכם לדבר הזה כי כחלק הירד במלחמה וכחלק הישב על הכלים—יחדו יחלקוSelect 1 Samuel 30:24

25ויהי מהיום ההוא ומעלה וישמה לחק ולמשפט לישראל עד היום הזהSelect 1 Samuel 30:25

26ויבא דוד אל צקלג וישלח מהשלל לזקני יהודה לרעהו לאמר הנה לכם ברכה משלל איבי יהוהSelect 1 Samuel 30:26

27לאשר בבית אל ולאשר ברמות נגב ולאשר ביתרSelect 1 Samuel 30:27

28ולאשר בערער ולאשר בשפמות ולאשר באשתמעSelect 1 Samuel 30:28

29ולאשר ברכל ולאשר בערי הירחמאלי ולאשר בערי הקיניSelect 1 Samuel 30:29

30ולאשר בחרמה ולאשר בבור עשן ולאשר בעתךSelect 1 Samuel 30:30

31ולאשר בחברון ולכל המקמות אשר התהלך שם דוד הוא ואנשיוSelect 1 Samuel 30:31