2 Kings 11
Aleppo Codex
Translation: ALEPPO
Modern translations such as the NIV or ESV are not available yet. They need a license, and we will add them when one is in place. All translations and their sources
1ועתליה אם אחזיהו וראתה (ראתה) כי מת בנה ותקם ותאבד את כל זרע הממלכהSelect 2 Kings 11:1
2ותקח יהושבע בת המלך יורם אחות אחזיהו את יואש בן אחזיה ותגנב אתו מתוך בני המלך הממותתים (המומתים)—אתו ואת מינקתו בחדר המטות ויסתרו אתו מפני עתליהו ולא הומתSelect 2 Kings 11:2
3ויהי אתה בית יהוה מתחבא שש שנים ועתליה מלכת על הארץSelect 2 Kings 11:3
4ובשנה השביעית שלח יהוידע ויקח את שרי המאיות (המאות) לכרי ולרצים ויבא אתם אליו בית יהוה ויכרת להם ברית וישבע אתם בבית יהוה וירא אתם את בן המלךSelect 2 Kings 11:4
5ויצום לאמר זה הדבר אשר תעשון השלשית מכם באי השבת ושמרי משמרת בית המלךSelect 2 Kings 11:5
6והשלשית בשער סור והשלשית בשער אחר הרצים ושמרתם את משמרת הבית מסחSelect 2 Kings 11:6
7ושתי הידות בכם כל יצאי השבת ושמרו את משמרת בית יהוה אל המלךSelect 2 Kings 11:7
8והקפתם על המלך סביב איש וכליו בידו והבא אל השדרות יומת והיו את המלך בצאתו ובבאוSelect 2 Kings 11:8
9ויעשו שרי המאיות (המאות) ככל אשר צוה יהוידע הכהן ויקחו איש את אנשיו באי השבת עם יצאי השבת ויבאו אל יהוידע הכהןSelect 2 Kings 11:9
10ויתן הכהן לשרי המאיות (המאות) את החנית ואת השלטים אשר למלך דוד—אשר בבית יהוהSelect 2 Kings 11:10
11ויעמדו הרצים איש וכליו בידו מכתף הבית הימנית עד כתף הבית השמאלית למזבח ולבית—על המלך סביבSelect 2 Kings 11:11
12ויוצא את בן המלך ויתן עליו את הנזר ואת העדות וימלכו אתו וימשחהו ויכו כף—ויאמרו יחי המלךSelect 2 Kings 11:12
13ותשמע עתליה את קול הרצין העם ותבא אל העם בית יהוהSelect 2 Kings 11:13
14ותרא והנה המלך עמד על העמוד כמשפט והשרים והחצצרות אל המלך וכל עם הארץ שמח ותקע בחצצרות ותקרע עתליה את בגדיה ותקרא קשר קשרSelect 2 Kings 11:14
15ויצו יהוידע הכהן את שרי המאיות (המאות) פקדי החיל ויאמר אליהם הוציאו אתה אל מבית לשדרת והבא אחריה המת בחרב כי אמר הכהן אל תומת בית יהוהSelect 2 Kings 11:15
16וישמו לה ידים ותבוא דרך מבוא הסוסים בית המלך ותומת שםSelect 2 Kings 11:16
17ויכרת יהוידע את הברית בין יהוה ובין המלך ובין העם להיות לעם ליהוה ובין המלך ובין העםSelect 2 Kings 11:17
18ויבאו כל עם הארץ בית הבעל ויתצהו את מזבחתו ואת צלמיו שברו היטב ואת מתן כהן הבעל הרגו לפני המזבחות וישם הכהן פקדת על בית יהוהSelect 2 Kings 11:18
19ויקח את שרי המאות ואת הכרי ואת הרצים ואת כל עם הארץ וירידו את המלך מבית יהוה ויבואו דרך שער הרצים בית המלך וישב על כסא המלכיםSelect 2 Kings 11:19
20וישמח כל עם הארץ והעיר שקטה ואת עתליהו המיתו בחרב בית מלך (המלך)Select 2 Kings 11:20
Aleppo Codex (ALEPPO). Public domain. Text from the CrossWire Bible Society module. About this translation