182 Kings 18

1ויהי בשנת שלש להושע בן אלה מלך ישראל מלך חזקיה בן אחז מלך יהודהSelect 2 Kings 18:1

2בן עשרים וחמש שנה היה במלכו ועשרים ותשע שנה מלך בירושלם ושם אמו אבי בת זכריהSelect 2 Kings 18:2

3ויעש הישר בעיני יהוה ככל אשר עשה דוד אביוSelect 2 Kings 18:3

4הוא הסיר את הבמות ושבר את המצבת וכרת את האשרה וכתת נחש הנחשת אשר עשה משה כי עד הימים ההמה היו בני ישראל מקטרים לו ויקרא לו נחשתןSelect 2 Kings 18:4

5ביהוה אלהי ישראל בטח ואחריו לא היה כמהו בכל מלכי יהודה ואשר היו לפניוSelect 2 Kings 18:5

6וידבק ביהוה לא סר מאחריו וישמר מצותיו אשר צוה יהוה את משהSelect 2 Kings 18:6

7והיה יהוה עמו בכל אשר יצא ישכיל וימרד במלך אשור ולא עבדוSelect 2 Kings 18:7

8הוא הכה את פלשתים עד עזה ואת גבוליה ממגדל נוצרים עד עיר מבצרSelect 2 Kings 18:8

9ויהי בשנה הרביעית למלך חזקיהו—היא השנה השביעית להושע בן אלה מלך ישראל עלה שלמנאסר מלך אשור על שמרון—ויצר עליהSelect 2 Kings 18:9

10וילכדה מקצה שלש שנים בשנת שש לחזקיה היא שנת תשע להושע מלך ישראל נלכדה שמרוןSelect 2 Kings 18:10

11ויגל מלך אשור את ישראל אשורה וינחם בחלח ובחבור נהר גוזן—וערי מדיSelect 2 Kings 18:11

12על אשר לא שמעו בקול יהוה אלהיהם ויעברו את בריתו את כל אשר צוה משה עבד יהוה ולא שמעו ולא עשוSelect 2 Kings 18:12

13ובארבע עשרה שנה למלך חזקיה עלה סנחריב מלך אשור על כל ערי יהודה הבצרות—ויתפשםSelect 2 Kings 18:13

14וישלח חזקיה מלך יהודה אל מלך אשור לכישה לאמר חטאתי שוב מעלי—את אשר תתן עלי אשא וישם מלך אשור על חזקיה מלך יהודה שלש מאות ככר כסף ושלשים ככר זהבSelect 2 Kings 18:14

15ויתן חזקיה את כל הכסף הנמצא בית יהוה ובאצרות בית המלךSelect 2 Kings 18:15

16בעת ההיא קצץ חזקיה את דלתות היכל יהוה ואת האמנות אשר צפה חזקיה מלך יהודה ויתנם למלך אשורSelect 2 Kings 18:16

17וישלח מלך אשור את תרתן ואת רב סריס ואת רבשקה מן לכיש אל המלך חזקיהו בחיל כבד—ירושלם ויעלו ויבאו ירושלם ויעלו ויבאו ויעמדו בתעלת הברכה העליונה אשר במסלת שדה כבסSelect 2 Kings 18:17

18ויקראו אל המלך ויצא אלהם אליקים בן חלקיהו אשר על הבית ושבנה הספר ויואח בן אסף המזכירSelect 2 Kings 18:18

19ויאמר אליהם רבשקה אמרו נא אל חזקיהו כה אמר המלך הגדול מלך אשור מה הבטחון הזה אשר בטחתSelect 2 Kings 18:19

20אמרת אך דבר שפתים—עצה וגבורה למלחמה עתה על מי בטחת כי מרדת ביSelect 2 Kings 18:20

21עתה הנה בטחת לך על משענת הקנה הרצוץ הזה על מצרים אשר יסמך איש עליו ובא בכפו ונקבה כן פרעה מלך מצרים לכל הבטחים עליוSelect 2 Kings 18:21

22וכי תאמרון אלי אל יהוה אלהינו בטחנו הלוא הוא אשר הסיר חזקיהו את במתיו ואת מזבחתיו ויאמר ליהודה ולירושלם לפני המזבח הזה תשתחוו בירושלםSelect 2 Kings 18:22

23ועתה התערב נא את אדני את מלך אשור ואתנה לך אלפים סוסים אם תוכל לתת לך רכבים עליהםSelect 2 Kings 18:23

24ואיך תשיב את פני פחת אחד עבדי אדני—הקטנים ותבטח לך על מצרים לרכב ולפרשיםSelect 2 Kings 18:24

25עתה המבלעדי יהוה עליתי על המקום הזה להשחתו יהוה אמר אלי עלה על הארץ הזאת והשחיתהSelect 2 Kings 18:25

26ויאמר אליקים בן חלקיהו ושבנה ויואח אל רבשקה דבר נא אל עבדיך ארמית—כי שמעים אנחנו ואל תדבר עמנו יהודית באזני העם אשר על החמהSelect 2 Kings 18:26

27ויאמר אליהם רבשקה העל אדניך ואליך שלחני אדני לדבר את הדברים האלה הלא על האנשים הישבים על החמה לאכל את חריהם (צואתם) ולשתות את שניהם (מימי רגליהם) עמכםSelect 2 Kings 18:27

28ויעמד רבשקה ויקרא בקול גדול יהודית וידבר ויאמר שמעו דבר המלך הגדול מלך אשורSelect 2 Kings 18:28

29כה אמר המלך אל ישא לכם חזקיהו כי לא יוכל להציל אתכם מידוSelect 2 Kings 18:29

30ואל יבטח אתכם חזקיהו אל יהוה לאמר הצל יצילנו יהוה ולא תנתן את העיר הזאת ביד מלך אשורSelect 2 Kings 18:30

31אל תשמעו אל חזקיהו כי כה אמר מלך אשור עשו אתי ברכה וצאו אלי ואכלו איש גפנו ואיש תאנתו ושתו איש מי ברוSelect 2 Kings 18:31

32עד באי ולקחתי אתכם אל ארץ כארצכם ארץ דגן ותירוש ארץ לחם וכרמים ארץ זית יצהר ודבש וחיו ולא תמתו ואל תשמעו אל חזקיהו כי יסית אתכם לאמר יהוה יצילנוSelect 2 Kings 18:32

33ההצל הצילו אלהי הגוים איש את ארצו מיד מלך אשורSelect 2 Kings 18:33

34איה אלהי חמת וארפד איה אלהי ספרוים—הנע ועוה כי הצילו את שמרון מידיSelect 2 Kings 18:34

35מי בכל אלהי הארצות אשר הצילו את ארצם מידי כי יציל יהוה את ירושלם מידיSelect 2 Kings 18:35

36והחרישו העם ולא ענו אתו דבר כי מצות המלך היא לאמר לא תענהוSelect 2 Kings 18:36

37ויבא אליקים בן חלקיה אשר על הבית ושבנא הספר ויואח בן אסף המזכיר אל חזקיהו—קרועי בגדים ויגדו לו דברי רבשקהSelect 2 Kings 18:37