2 Kings 19
Aleppo Codex
Translation: ALEPPO
Modern translations such as the NIV or ESV are not available yet. They need a license, and we will add them when one is in place. All translations and their sources
1ויהי כשמע המלך חזקיהו ויקרע את בגדיו ויתכס בשק ויבא בית יהוהSelect 2 Kings 19:1
2וישלח את אליקים אשר על הבית ושבנא הספר ואת זקני הכהנים מתכסים בשקים—אל ישעיהו הנביא בן אמוץSelect 2 Kings 19:2
3ויאמרו אליו כה אמר חזקיהו יום צרה ותוכחה ונאצה היום הזה כי באו בנים עד משבר וכח אין ללדהSelect 2 Kings 19:3
4אולי ישמע יהוה אלהיך את כל דברי רבשקה אשר שלחו מלך אשור אדניו לחרף אלהים חי והוכיח בדברים אשר שמע יהוה אלהיך ונשאת תפלה בעד השארית הנמצאהSelect 2 Kings 19:4
5ויבאו עבדי המלך חזקיהו—אל ישעיהוSelect 2 Kings 19:5
6ויאמר להם ישעיהו כה תאמרון אל אדניכם כה אמר יהוה אל תירא מפני הדברים אשר שמעת אשר גדפו נערי מלך אשור אתיSelect 2 Kings 19:6
7הנני נתן בו רוח ושמע שמועה ושב לארצו והפלתיו בחרב בארצוSelect 2 Kings 19:7
8וישב רבשקה וימצא את מלך אשור נלחם על לבנה כי שמע כי נסע מלכישSelect 2 Kings 19:8
9וישמע אל תרהקה מלך כוש לאמר הנה יצא להלחם אתך וישב וישלח מלאכים אל חזקיהו לאמרSelect 2 Kings 19:9
10כה תאמרון אל חזקיהו מלך יהודה לאמר אל ישאך אלהיך אשר אתה בטח בו לאמר לא תנתן ירושלם ביד מלך אשורSelect 2 Kings 19:10
11הנה אתה שמעת את אשר עשו מלכי אשור לכל הארצות—להחרימם ואתה תנצלSelect 2 Kings 19:11
12ההצילו אתם אלהי הגוים אשר שחתו אבותי את גוזן ואת חרן ורצף ובני עדן אשר בתלאשרSelect 2 Kings 19:12
13איו מלך חמת ומלך ארפד ומלך לעיר ספרוים הנע ועוהSelect 2 Kings 19:13
14ויקח חזקיהו את הספרים מיד המלאכים ויקראם ויעל בית יהוה ויפרשהו חזקיהו לפני יהוהSelect 2 Kings 19:14
15ויתפלל חזקיהו לפני יהוה ויאמר יהוה אלהי ישראל ישב הכרבים אתה הוא האלהים לבדך לכל ממלכות הארץ אתה עשית את השמים ואת הארץSelect 2 Kings 19:15
16הטה יהוה אזנך ושמע פקח יהוה עיניך וראה ושמע את דברי סנחריב אשר שלחו לחרף אלהים חיSelect 2 Kings 19:16
17אמנם יהוה החריבו מלכי אשור את הגוים—ואת ארצםSelect 2 Kings 19:17
18ונתנו את אלהיהם באש כי לא אלהים המה כי אם מעשה ידי אדם עץ ואבן—ויאבדוםSelect 2 Kings 19:18
19ועתה יהוה אלהינו הושיענו נא מידו וידעו כל ממלכות הארץ כי אתה יהוה אלהים לבדךSelect 2 Kings 19:19
20וישלח ישעיהו בן אמוץ אל חזקיהו לאמר כה אמר יהוה אלהי ישראל אשר התפללת אלי אל סנחרב מלך אשור שמעתיSelect 2 Kings 19:20
21זה הדבר אשר דבר יהוה עליו בזה לך לעגה לך בתולת בת ציון—אחריך ראש הניעה בת ירושלםSelect 2 Kings 19:21
22את מי חרפת וגדפת ועל מי הרימות קול ותשא מרום עיניך על קדוש ישראלSelect 2 Kings 19:22
23ביד מלאכיך חרפת אדני ותאמר ברכב (ברב) רכבי אני עליתי מרום הרים ירכתי לבנון ואכרת קומת ארזיו מבחור ברשיו ואבואה מלון קצה יער כרמלוSelect 2 Kings 19:23
24אני קרתי ושתיתי מים זרים ואחרב בכף פעמי כל יארי מצורSelect 2 Kings 19:24
25הלא שמעת למרחוק אתה עשיתי למימי קדם ויצרתיה עתה הביאתיה—ותהי להשות גלים נצים ערים בצרותSelect 2 Kings 19:25
26וישביהן קצרי יד—חתו ויבשו היו עשב שדה וירק דשא חציר גגות ושדפה לפני קמהSelect 2 Kings 19:26
27ושבתך וצאתך ובאך ידעתי ואת התרגזך אליSelect 2 Kings 19:27
28יען התרגזך אלי ושאננך עלה באזני—ושמתי חחי באפך ומתגי בשפתיך והשבתיך בדרך אשר באת בהSelect 2 Kings 19:28
29וזה לך האות—אכול השנה ספיח ובשנה השנית סחיש ובשנה השלישית זרעו וקצרו ונטעו כרמים—ואכלו פריםSelect 2 Kings 19:29
30ויספה פליטת בית יהודה הנשארה—שרש למטה ועשה פרי למעלהSelect 2 Kings 19:30
31כי מירושלם תצא שארית ופליטה מהר ציון קנאת יהוה (צבאות) תעשה זאתSelect 2 Kings 19:31
32לכן כה אמר יהוה אל מלך אשור לא יבא אל העיר הזאת ולא יורה שם חץ ולא יקדמנה מגן ולא ישפך עליה סללהSelect 2 Kings 19:32
33בדרך אשר יבא בה ישוב ואל העיר הזאת לא יבא נאם יהוהSelect 2 Kings 19:33
34וגנותי אל העיר הזאת להושיעה—למעני ולמען דוד עבדיSelect 2 Kings 19:34
35ויהי בלילה ההוא ויצא מלאך יהוה ויך במחנה אשור מאה שמונים וחמשה אלף וישכימו בבקר והנה כלם פגרים מתיםSelect 2 Kings 19:35
36ויסע וילך וישב סנחריב מלך אשור וישב בנינוהSelect 2 Kings 19:36
37ויהי הוא משתחוה בית נסרך אלהיו ואדרמלך ושראצר (בניו) הכהו בחרב והמה נמלטו ארץ אררט וימלך אסר חדן בנו תחתיוSelect 2 Kings 19:37
Aleppo Codex (ALEPPO). Public domain. Text from the CrossWire Bible Society module. About this translation