22 Kings 2

1ויהי בהעלות יהוה את אליהו בסערה השמים וילך אליהו ואלישע מן הגלגלSelect 2 Kings 2:1

2ויאמר אליהו אל אלישע שב נא פה כי יהוה שלחני עד בית אל ויאמר אלישע חי יהוה וחי נפשך אם אעזבך וירדו בית אלSelect 2 Kings 2:2

3ויצאו בני הנביאים אשר בית אל אל אלישע ויאמרו אליו הידעת כי היום יהוה לקח את אדניך מעל ראשך ויאמר גם אני ידעתי החשוSelect 2 Kings 2:3

4ויאמר לו אליהו אלישע שב נא פה כי יהוה שלחני יריחו ויאמר חי יהוה וחי נפשך אם אעזבך ויבאו יריחוSelect 2 Kings 2:4

5ויגשו בני הנביאים אשר ביריחו אל אלישע ויאמרו אליו הידעת כי היום יהוה לקח את אדניך מעל ראשך ויאמר גם אני ידעתי החשוSelect 2 Kings 2:5

6ויאמר לו אליהו שב נא פה כי יהוה שלחני הירדנה ויאמר חי יהוה וחי נפשך אם אעזבך וילכו שניהםSelect 2 Kings 2:6

7וחמשים איש מבני הנביאים הלכו ויעמדו מנגד מרחוק ושניהם עמדו על הירדןSelect 2 Kings 2:7

8ויקח אליהו את אדרתו ויגלם ויכה את המים ויחצו הנה והנה ויעברו שניהם בחרבהSelect 2 Kings 2:8

9ויהי כעברם ואליהו אמר אל אלישע שאל מה אעשה לך בטרם אלקח מעמך ויאמר אלישע ויהי נא פי שנים ברוחך אליSelect 2 Kings 2:9

10ויאמר הקשית לשאול אם תראה אתי לקח מאתך יהי לך כן ואם אין לא יהיהSelect 2 Kings 2:10

11ויהי המה הלכים הלוך ודבר והנה רכב אש וסוסי אש ויפרדו בין שניהם ויעל אליהו בסערה השמיםSelect 2 Kings 2:11

12ואלישע ראה והוא מצעק אבי אבי רכב ישראל ופרשיו ולא ראהו עוד ויחזק בבגדיו ויקרעם לשנים קרעיםSelect 2 Kings 2:12

13וירם את אדרת אליהו אשר נפלה מעליו וישב ויעמד על שפת הירדןSelect 2 Kings 2:13

14ויקח את אדרת אליהו אשר נפלה מעליו ויכה את המים ויאמר איה יהוה אלהי אליהו אף הוא ויכה את המים ויחצו הנה והנה ויעבר אלישעSelect 2 Kings 2:14

15ויראהו בני הנביאים אשר ביריחו מנגד ויאמרו נחה רוח אליהו על אלישע ויבאו לקראתו וישתחוו לו ארצהSelect 2 Kings 2:15

16ויאמרו אליו הנה נא יש את עבדיך חמשים אנשים בני חיל ילכו נא ויבקשו את אדניך—פן נשאו רוח יהוה וישלכהו באחד ההרים או באחת הגיאות (הגיאיות) ויאמר לא תשלחוSelect 2 Kings 2:16

17ויפצרו בו עד בש ויאמר שלחו וישלחו חמשים איש ויבקשו שלשה ימים ולא מצאהוSelect 2 Kings 2:17

18וישבו אליו והוא ישב ביריחו ויאמר אלהם הלא אמרתי אליכם אל תלכוSelect 2 Kings 2:18

19ויאמרו אנשי העיר אל אלישע הנה נא מושב העיר טוב כאשר אדני ראה והמים רעים והארץ משכלתSelect 2 Kings 2:19

20ויאמר קחו לי צלחית חדשה ושימו שם מלח ויקחו אליוSelect 2 Kings 2:20

21ויצא אל מוצא המים וישלך שם מלח ויאמר כה אמר יהוה רפאתי למים האלה—לא יהיה משם עוד מות ומשכלתSelect 2 Kings 2:21

22וירפו המים עד היום הזה כדבר אלישע אשר דברSelect 2 Kings 2:22

23ויעל משם בית אל והוא עלה בדרך ונערים קטנים יצאו מן העיר ויתקלסו בו ויאמרו לו עלה קרח עלה קרחSelect 2 Kings 2:23

24ויפן אחריו ויראם ויקללם בשם יהוה ותצאנה שתים דבים מן היער ותבקענה מהם ארבעים ושני ילדיםSelect 2 Kings 2:24

25וילך משם אל הר הכרמל ומשם שב שמרוןSelect 2 Kings 2:25