32 Kings 3

1ויהורם בן אחאב מלך על ישראל בשמרון בשנת שמנה עשרה ליהושפט מלך יהודה וימלך שתים עשרה שנהSelect 2 Kings 3:1

2ויעשה הרע בעיני יהוה—רק לא כאביו וכאמו ויסר את מצבת הבעל אשר עשה אביוSelect 2 Kings 3:2

3רק בחטאות ירבעם בן נבט אשר החטיא את ישראל—דבק לא סר ממנהSelect 2 Kings 3:3

4ומישע מלך מואב היה נקד והשיב למלך ישראל מאה אלף כרים ומאה אלף אילים צמרSelect 2 Kings 3:4

5ויהי כמות אחאב ויפשע מלך מואב במלך ישראלSelect 2 Kings 3:5

6ויצא המלך יהורם ביום ההוא—משמרון ויפקד את כל ישראלSelect 2 Kings 3:6

7וילך וישלח אל יהושפט מלך יהודה לאמר מלך מואב פשע בי—התלך אתי אל מואב למלחמה ויאמר אעלה כמוני כמוך כעמי כעמך כסוסי כסוסיךSelect 2 Kings 3:7

8ויאמר אי זה הדרך נעלה ויאמר דרך מדבר אדוםSelect 2 Kings 3:8

9וילך מלך ישראל ומלך יהודה ומלך אדום ויסבו דרך שבעת ימים ולא היה מים למחנה ולבהמה אשר ברגליהםSelect 2 Kings 3:9

10ויאמר מלך ישראל אהה—כי קרא יהוה לשלשת המלכים האלה לתת אותם ביד מואבSelect 2 Kings 3:10

11ויאמר יהושפט האין פה נביא ליהוה ונדרשה את יהוה מאותו ויען אחד מעבדי מלך ישראל ויאמר פה אלישע בן שפט אשר יצק מים על ידי אליהוSelect 2 Kings 3:11

12ויאמר יהושפט יש אותו דבר יהוה וירדו אליו מלך ישראל ויהושפט—ומלך אדוםSelect 2 Kings 3:12

13ויאמר אלישע אל מלך ישראל מה לי ולך—לך אל נביאי אביך ואל נביאי אמך ויאמר לו מלך ישראל אל כי קרא יהוה לשלשת המלכים האלה לתת אותם ביד מואבSelect 2 Kings 3:13

14ויאמר אלישע חי יהוה צבאות אשר עמדתי לפניו כי לולי פני יהושפט מלך יהודה אני נשא—אם אביט אליך ואם אראךSelect 2 Kings 3:14

15ועתה קחו לי מנגן והיה כנגן המנגן ותהי עליו יד יהוהSelect 2 Kings 3:15

16ויאמר כה אמר יהוה עשה הנחל הזה גבים גביםSelect 2 Kings 3:16

17כי כה אמר יהוה לא תראו רוח ולא תראו גשם והנחל ההוא ימלא מים ושתיתם אתם ומקניכם ובהמתכםSelect 2 Kings 3:17

18ונקל זאת בעיני יהוה ונתן את מואב בידכםSelect 2 Kings 3:18

19והכיתם כל עיר מבצר וכל עיר מבחור וכל עץ טוב תפילו וכל מעיני מים תסתמו וכל החלקה הטובה תכאבו באבניםSelect 2 Kings 3:19

20ויהי בבקר כעלות המנחה והנה מים באים מדרך אדום ותמלא הארץ את המיםSelect 2 Kings 3:20

21וכל מואב שמעו כי עלו המלכים להלחם בם ויצעקו מכל חגר חגרה ומעלה ויעמדו על הגבולSelect 2 Kings 3:21

22וישכימו בבקר והשמש זרחה על המים ויראו מואב מנגד את המים אדמים כדםSelect 2 Kings 3:22

23ויאמרו דם זה החרב נחרבו המלכים ויכו איש את רעהו ועתה לשלל מואבSelect 2 Kings 3:23

24ויבאו אל מחנה ישראל ויקמו ישראל ויכו את מואב וינסו מפניהם ויבו (ויכו) בה והכות את מואבSelect 2 Kings 3:24

25והערים יהרסו וכל חלקה טובה ישליכו איש אבנו ומלאוה וכל מעין מים יסתמו וכל עץ טוב יפילו עד השאיר אבניה בקיר חרשת ויסבו הקלעים ויכוהSelect 2 Kings 3:25

26וירא מלך מואב כי חזק ממנו המלחמה ויקח אותו שבע מאות איש שלף חרב להבקיע אל מלך אדום—ולא יכלוSelect 2 Kings 3:26

27ויקח את בנו הבכור אשר ימלך תחתיו ויעלהו עלה על החמה ויהי קצף גדול על ישראל ויסעו מעליו וישבו לארץSelect 2 Kings 3:27