42 Kings 4

1ואשה אחת מנשי בני הנביאים צעקה אל אלישע לאמר עבדך אישי מת ואתה ידעת כי עבדך היה ירא את יהוה והנשה—בא לקחת את שני ילדי לו לעבדיםSelect 2 Kings 4:1

2ויאמר אליה אלישע מה אעשה לך הגידי לי מה יש לכי (לך) בבית ותאמר אין לשפחתך כל בבית כי אם אסוך שמןSelect 2 Kings 4:2

3ויאמר לכי שאלי לך כלים מן החוץ מאת כל שכנכי (שכניך)—כלים רקים אל תמעיטיSelect 2 Kings 4:3

4ובאת וסגרת הדלת בעדך ובעד בניך ויצקת על כל הכלים האלה והמלא תסיעיSelect 2 Kings 4:4

5ותלך מאתו ותסגר הדלת בעדה ובעד בניה הם מגישים אליה והיא מיצקת (מוצקת)Select 2 Kings 4:5

6ויהי כמלאת הכלים ותאמר אל בנה הגישה אלי עוד כלי ויאמר אליה אין עוד כלי ויעמד השמןSelect 2 Kings 4:6

7ותבא ותגד לאיש האלהים ויאמר לכי מכרי את השמן ושלמי את נשיכי (נשיך) ואת בניכי (ובניך) תחיי בנותרSelect 2 Kings 4:7

8ויהי היום ויעבר אלישע אל שונם ושם אשה גדולה ותחזק בו לאכל לחם ויהי מדי עברו יסר שמה לאכל לחםSelect 2 Kings 4:8

9ותאמר אל אישה הנה נא ידעתי כי איש אלהים קדוש הוא—עבר עלינו תמידSelect 2 Kings 4:9

10נעשה נא עלית קיר קטנה ונשים לו שם מטה ושלחן וכסא ומנורה והיה בבאו אלינו יסור שמהSelect 2 Kings 4:10

11ויהי היום ויבא שמה ויסר אל העליה וישכב שמהSelect 2 Kings 4:11

12ויאמר אל גיחזי נערו קרא לשונמית הזאת ויקרא לה—ותעמד לפניוSelect 2 Kings 4:12

13ויאמר לו אמר נא אליה הנה חרדת אלינו את כל החרדה הזאת מה לעשות לך היש לדבר לך אל המלך או אל שר הצבא ותאמר בתוך עמי אנכי ישבתSelect 2 Kings 4:13

14ויאמר ומה לעשות לה ויאמר גיחזי אבל בן אין לה—ואישה זקןSelect 2 Kings 4:14

15ויאמר קרא לה ויקרא לה—ותעמד בפתחSelect 2 Kings 4:15

16ויאמר למועד הזה כעת חיה אתי (את) חבקת בן ותאמר אל אדני איש האלהים—אל תכזב בשפחתךSelect 2 Kings 4:16

17ותהר האשה ותלד בן למועד הזה כעת חיה אשר דבר אליה אלישעSelect 2 Kings 4:17

18ויגדל הילד ויהי היום ויצא אל אביו אל הקצריםSelect 2 Kings 4:18

19ויאמר אל אביו ראשי ראשי ויאמר אל הנער שאהו אל אמוSelect 2 Kings 4:19

20וישאהו—ויביאהו אל אמו וישב על ברכיה עד הצהרים וימתSelect 2 Kings 4:20

21ותעל ותשכבהו על מטת איש האלהים ותסגר בעדו ותצאSelect 2 Kings 4:21

22ותקרא אל אישה ותאמר שלחה נא לי אחד מן הנערים ואחת האתנות וארוצה עד איש האלהים ואשובהSelect 2 Kings 4:22

23ויאמר מדוע אתי (את) הלכתי (הלכת) אליו היום—לא חדש ולא שבת ותאמר שלוםSelect 2 Kings 4:23

24ותחבש האתון ותאמר אל נערה נהג ולך אל תעצר לי לרכב כי אם אמרתי לךSelect 2 Kings 4:24

25ותלך ותבא אל איש האלהים—אל הר הכרמל ויהי כראות איש האלהים אתה מנגד ויאמר אל גיחזי נערו הנה השונמית הלזSelect 2 Kings 4:25

26עתה רוץ נא לקראתה ואמר לה השלום לך השלום לאישך השלום לילד ותאמר שלוםSelect 2 Kings 4:26

27ותבא אל איש האלהים אל ההר ותחזק ברגליו ויגש גיחזי להדפה ויאמר איש האלהים הרפה לה כי נפשה מרה לה ויהוה העלים ממני ולא הגיד ליSelect 2 Kings 4:27

28ותאמר השאלתי בן מאת אדני הלא אמרתי לא תשלה אתיSelect 2 Kings 4:28

29ויאמר לגיחזי חגר מתניך וקח משענתי בידך ולך כי תמצא איש לא תברכנו וכי יברכך איש לא תעננו ושמת משענתי על פני הנערSelect 2 Kings 4:29

30ותאמר אם הנער חי יהוה וחי נפשך אם אעזבך ויקם וילך אחריהSelect 2 Kings 4:30

31וגחזי עבר לפניהם וישם את המשענת על פני הנער ואין קול ואין קשב וישב לקראתו ויגד לו לאמר לא הקיץ הנערSelect 2 Kings 4:31

32ויבא אלישע הביתה והנה הנער מת משכב על מטתוSelect 2 Kings 4:32

33ויבא ויסגר הדלת בעד שניהם ויתפלל אל יהוהSelect 2 Kings 4:33

34ויעל וישכב על הילד וישם פיו על פיו ועיניו על עיניו וכפיו על כפו ויגהר עליו ויחם בשר הילדSelect 2 Kings 4:34

35וישב וילך בבית אחת הנה ואחת הנה ויעל ויגהר עליו ויזורר הנער עד שבע פעמים ויפקח הנער את עיניוSelect 2 Kings 4:35

36ויקרא אל גיחזי ויאמר קרא אל השנמית הזאת ויקראה ותבא אליו ויאמר שאי בנךSelect 2 Kings 4:36

37ותבא ותפל על רגליו ותשתחו ארצה ותשא את בנה ותצאSelect 2 Kings 4:37

38ואלישע שב הגלגלה והרעב בארץ ובני הנביאים ישבים לפניו ויאמר לנערו שפת הסיר הגדולה ובשל נזיד לבני הנביאיםSelect 2 Kings 4:38

39ויצא אחד אל השדה ללקט ארת וימצא גפן שדה וילקט ממנו פקעת שדה מלא בגדו ויבא ויפלח אל סיר הנזיד—כי לא ידעוSelect 2 Kings 4:39

40ויצקו לאנשים לאכול ויהי כאכלם מהנזיד והמה צעקו ויאמרו מות בסיר איש האלהים ולא יכלו לאכלSelect 2 Kings 4:40

41ויאמר וקחו קמח וישלך אל הסיר ויאמר צק לעם ויאכלו ולא היה דבר רע בסירSelect 2 Kings 4:41

42ואיש בא מבעל שלשה ויבא לאיש האלהים לחם בכורים עשרים לחם שערים וכרמל בצקלנו ויאמר תן לעם ויאכלוSelect 2 Kings 4:42

43ויאמר משרתו מה אתן זה לפני מאה איש ויאמר תן לעם ויאכלו—כי כה אמר יהוה אכל והותרSelect 2 Kings 4:43

44ויתן לפניהם ויאכלו ויותרו כדבר יהוהSelect 2 Kings 4:44