92 Kings 9

1ואלישע הנביא קרא לאחד מבני הנביאים ויאמר לו חגר מתניך וקח פך השמן הזה בידך ולך רמת גלעדSelect 2 Kings 9:1

2ובאת שמה וראה שם יהוא בן יהושפט בן נמשי ובאת והקמתו מתוך אחיו והביאת אתו חדר בחדרSelect 2 Kings 9:2

3ולקחת פך השמן ויצקת על ראשו ואמרת כה אמר יהוה משחתיך למלך אל ישראל ופתחת הדלת ונסתה ולא תחכהSelect 2 Kings 9:3

4וילך הנער הנער הנביא רמת גלעדSelect 2 Kings 9:4

5ויבא והנה שרי החיל ישבים ויאמר דבר לי אליך השר ויאמר יהוא אל מי מכלנו ויאמר אליך השרSelect 2 Kings 9:5

6ויקם ויבא הביתה ויצק השמן אל ראשו ויאמר לו כה אמר יהוה אלהי ישראל משחתיך למלך אל עם יהוה אל ישראלSelect 2 Kings 9:6

7והכיתה—את בית אחאב אדניך ונקמתי דמי עבדי הנביאים ודמי כל עבדי יהוה—מיד איזבלSelect 2 Kings 9:7

8ואבד כל בית אחאב והכרתי לאחאב משתין בקיר ועצור ועזוב בישראלSelect 2 Kings 9:8

9ונתתי את בית אחאב כבית ירבעם בן נבט וכבית בעשא בן אחיהSelect 2 Kings 9:9

10ואת איזבל יאכלו הכלבים בחלק יזרעאל—ואין קבר ויפתח הדלת וינסSelect 2 Kings 9:10

11ויהוא יצא אל עבדי אדניו ויאמר לו השלום מדוע בא המשגע הזה אליך ויאמר אליהם אתם ידעתם את האיש ואת שיחוSelect 2 Kings 9:11

12ויאמרו שקר הגד נא לנו ויאמר כזאת וכזאת אמר אלי לאמר כה אמר יהוה משחתיך למלך אל ישראלSelect 2 Kings 9:12

13וימהרו ויקחו איש בגדו וישימו תחתיו אל גרם המעלות ויתקעו בשופר ויאמרו מלך יהואSelect 2 Kings 9:13

14ויתקשר יהוא בן יהושפט בן נמשי—אל יורם ויורם היה שמר ברמת גלעד הוא וכל ישראל מפני חזאל מלך ארםSelect 2 Kings 9:14

15וישב יהורם המלך להתרפא ביזרעאל מן המכים אשר יכהו ארמים בהלחמו את חזאל מלך ארם ויאמר יהוא אם יש נפשכם—אל יצא פליט מן העיר ללכת לגיד (להגיד) ביזרעאלSelect 2 Kings 9:15

16וירכב יהוא וילך יזרעאלה כי יורם שכב שמה ואחזיה מלך יהודה ירד לראות את יורםSelect 2 Kings 9:16

17והצפה עמד על המגדל ביזרעאל וירא את שפעת יהוא בבאו ויאמר שפעת אני ראה ויאמר יהורם קח רכב ושלח לקראתם—ויאמר השלוםSelect 2 Kings 9:17

18וילך רכב הסוס לקראתו ויאמר כה אמר המלך השלום ויאמר יהוא מה לך ולשלום סב אל אחרי ויגד הצפה לאמר בא המלאך עד הם ולא שבSelect 2 Kings 9:18

19וישלח רכב סוס שני ויבא אלהם ויאמר כה אמר המלך שלום ויאמר יהוא מה לך ולשלום סב אל אחריSelect 2 Kings 9:19

20ויגד הצפה לאמר בא עד אליהם ולא שב והמנהג כמנהג יהוא בן נמשי—כי בשגעון ינהגSelect 2 Kings 9:20

21ויאמר יהורם אסר ויאסר רכבו ויצא יהורם מלך ישראל ואחזיהו מלך יהודה איש ברכבו ויצאו לקראת יהוא וימצאהו בחלקת נבות היזרעאליSelect 2 Kings 9:21

22ויהי כראות יהורם את יהוא ויאמר השלום יהוא ויאמר מה השלום—עד זנוני איזבל אמך וכשפיה הרביםSelect 2 Kings 9:22

23ויהפך יהורם ידיו וינס ויאמר אל אחזיהו מרמה אחזיהSelect 2 Kings 9:23

24ויהוא מלא ידו בקשת ויך את יהורם בין זרעיו ויצא החצי מלבו ויכרע ברכבוSelect 2 Kings 9:24

25ויאמר אל בדקר שלשה שא השלכהו בחלקת שדה נבות היזרעאלי כי זכר אני ואתה את רכבים צמדים אחרי אחאב אביו ויהוה נשא עליו את המשא הזהSelect 2 Kings 9:25

26אם לא את דמי נבות ואת דמי בניו ראיתי אמש נאם יהוה ושלמתי לך בחלקה הזאת נאם יהוה ועתה שא השלכהו בחלקה—כדבר יהוהSelect 2 Kings 9:26

27ואחזיה מלך יהודה ראה וינס דרך בית הגן וירדף אחריו יהוא ויאמר גם אתו הכהו אל המרכבה במעלה גור אשר את יבלעם וינס מגדו וימת שםSelect 2 Kings 9:27

28וירכבו אתו עבדיו ירושלמה ויקברו אתו בקברתו עם אבתיו בעיר דודSelect 2 Kings 9:28

29ובשנת אחת עשרה שנה ליורם בן אחאב מלך אחזיה על יהודהSelect 2 Kings 9:29

30ויבוא יהוא יזרעאלה ואיזבל שמעה ותשם בפוך עיניה ותיטב את ראשה ותשקף בעד החלוןSelect 2 Kings 9:30

31ויהוא בא בשער ותאמר השלום זמרי הרג אדניוSelect 2 Kings 9:31

32וישא פניו אל החלון ויאמר מי אתי מי וישקיפו אליו שנים שלשה סריסיםSelect 2 Kings 9:32

33ויאמר שמטהו (שמטוה) וישמטוה ויז מדמה אל הקיר ואל הסוסים וירמסנהSelect 2 Kings 9:33

34ויבא ויאכל וישת ויאמר פקדו נא את הארורה הזאת וקברוה—כי בת מלך היאSelect 2 Kings 9:34

35וילכו לקברה ולא מצאו בה כי אם הגלגלת והרגלים—וכפות הידיםSelect 2 Kings 9:35

36וישבו ויגידו לו ויאמר דבר יהוה הוא אשר דבר ביד עבדו אליהו התשבי לאמר בחלק יזרעאל יאכלו הכלבים את בשר איזבלSelect 2 Kings 9:36

37והית (והיתה) נבלת איזבל כדמן על פני השדה—בחלק יזרעאל אשר לא יאמרו זאת איזבלSelect 2 Kings 9:37