12 Samuel 1

1ויהי אחרי מות שאול ודוד שב מהכות את העמלק וישב דוד בצקלג ימים שניםSelect 2 Samuel 1:1

2ויהי ביום השלישי והנה איש בא מן המחנה מעם שאול ובגדיו קרעים ואדמה על ראשו ויהי בבאו אל דוד ויפל ארצה וישתחוSelect 2 Samuel 1:2

3ויאמר לו דוד אי מזה תבוא ויאמר אליו ממחנה ישראל נמלטתיSelect 2 Samuel 1:3

4ויאמר אליו דוד מה היה הדבר הגד נא לי ויאמר אשר נס העם מן המלחמה וגם הרבה נפל מן העם וימתו וגם שאול ויהונתן בנו מתוSelect 2 Samuel 1:4

5ויאמר דוד אל הנער המגיד לו איך ידעת כי מת שאול ויהונתן בנוSelect 2 Samuel 1:5

6ויאמר הנער המגיד לו נקרא נקריתי בהר הגלבע והנה שאול נשען על חניתו והנה הרכב ובעלי הפרשים הדבקהוSelect 2 Samuel 1:6

7ויפן אחריו ויראני ויקרא אלי ואמר הנניSelect 2 Samuel 1:7

8ויאמר לי מי אתה ויאמר (ואמר) אליו עמלקי אנכיSelect 2 Samuel 1:8

9ויאמר אלי עמד נא עלי ומתתני—כי אחזני השבץ כי כל עוד נפשי ביSelect 2 Samuel 1:9

10ואעמד עליו ואמתתהו—כי ידעתי כי לא יחיה אחרי נפלו ואקח הנזר אשר על ראשו ואצעדה אשר על זרעו ואביאם אל אדני הנהSelect 2 Samuel 1:10

11ויחזק דוד בבגדו ויקרעם וגם כל האנשים אשר אתוSelect 2 Samuel 1:11

12ויספדו ויבכו ויצמו עד הערב על שאול ועל יהונתן בנו ועל עם יהוה ועל בית ישראל—כי נפלו בחרבSelect 2 Samuel 1:12

13ויאמר דוד אל הנער המגיד לו אי מזה אתה ויאמר בן איש גר עמלקי אנכיSelect 2 Samuel 1:13

14ויאמר אליו דוד איך לא יראת לשלח ידך לשחת את משיח יהוהSelect 2 Samuel 1:14

15ויקרא דוד לאחד מהנערים ויאמר גש פגע בו ויכהו וימתSelect 2 Samuel 1:15

16ויאמר אליו דוד דמיך (דמך) על ראשך כי פיך ענה בך לאמר אנכי מתתי את משיח יהוהSelect 2 Samuel 1:16

17ויקנן דוד את הקינה הזאת על שאול ועל יהונתן בנוSelect 2 Samuel 1:17

18ויאמר ללמד בני יהודה קשת הנה כתובה על ספר הישרSelect 2 Samuel 1:18

19הצבי ישראל על במותיך חלל איך נפלו גבוריםSelect 2 Samuel 1:19

20אל תגידו בגת אל תבשרו בחוצת אשקלון פן תשמחנה בנות פלשתים פן תעלזנה בנות הערליםSelect 2 Samuel 1:20

21הרי בגלבע אל טל ואל מטר עליכם—ושדי תרומת כי שם נגעל מגן גבורים—מגן שאול בלי משיח בשמןSelect 2 Samuel 1:21

22מדם חללים מחלב גבורים—קשת יהונתן לא נשוג אחור וחרב שאול לא תשוב ריקםSelect 2 Samuel 1:22

23שאול ויהונתן הנאהבים והנעימם בחייהם ובמותם לא נפרדו מנשרים קלו מאריות גברוSelect 2 Samuel 1:23

24בנות ישראל—אל שאול בכינה המלבשכם שני עם עדנים המעלה עדי זהב על לבושכןSelect 2 Samuel 1:24

25איך נפלו גברים בתוך המלחמה—יהונתן על במותיך חללSelect 2 Samuel 1:25

26צר לי עליך אחי יהונתן—נעמת לי מאד נפלאתה אהבתך לי מאהבת נשיםSelect 2 Samuel 1:26

27איך נפלו גבורים ויאבדו כלי מלחמהSelect 2 Samuel 1:27