102 Samuel 10

1ויהי אחרי כן וימת מלך בני עמון וימלך חנון בנו תחתיוSelect 2 Samuel 10:1

2ויאמר דוד אעשה חסד עם חנון בן נחש כאשר עשה אביו עמדי חסד וישלח דוד לנחמו ביד עבדיו אל אביו ויבאו עבדי דוד ארץ בני עמוןSelect 2 Samuel 10:2

3ויאמרו שרי בני עמון אל חנון אדניהם המכבד דוד את אביך בעיניך—כי שלח לך מנחמים הלוא בעבור חקר את העיר ולרגלה ולהפכה שלח דוד את עבדיו אליךSelect 2 Samuel 10:3

4ויקח חנון את עבדי דוד ויגלח את חצי זקנם ויכרת את מדויהם בחצי עד שתותיהם וישלחםSelect 2 Samuel 10:4

5ויגדו לדוד וישלח לקראתם כי היו האנשים נכלמים מאד ויאמר המלך שבו בירחו עד יצמח זקנכם ושבתםSelect 2 Samuel 10:5

6ויראו בני עמון כי נבאשו בדוד וישלחו בני עמון וישכרו את ארם בית רחוב ואת ארם צובא עשרים אלף רגלי ואת מלך מעכה אלף איש ואיש טוב שנים עשר אלף אישSelect 2 Samuel 10:6

7וישמע דוד וישלח את יואב ואת כל הצבא הגבריםSelect 2 Samuel 10:7

8ויצאו בני עמון ויערכו מלחמה פתח השער וארם צובא ורחוב ואיש טוב ומעכה לבדם בשדהSelect 2 Samuel 10:8

9וירא יואב כי היתה אליו פני המלחמה מפנים ומאחור ויבחר מכל בחורי בישראל (ישראל) ויערך לקראת ארםSelect 2 Samuel 10:9

10ואת יתר העם נתן ביד אבשי אחיו ויערך לקראת בני עמוןSelect 2 Samuel 10:10

11ויאמר אם תחזק ארם ממני—והיתה לי לישועה ואם בני עמון יחזקו ממך והלכתי להושיע לךSelect 2 Samuel 10:11

12חזק ונתחזק בעד עמנו ובעד ערי אלהינו ויהוה יעשה הטוב בעיניוSelect 2 Samuel 10:12

13ויגש יואב והעם אשר עמו למלחמה בארם וינסו מפניוSelect 2 Samuel 10:13

14ובני עמון ראו כי נס ארם וינסו מפני אבישי ויבאו העיר וישב יואב מעל בני עמון ויבא ירושלםSelect 2 Samuel 10:14

15וירא ארם כי נגף לפני ישראל ויאספו יחדSelect 2 Samuel 10:15

16וישלח הדדעזר ויצא את ארם אשר מעבר הנהר ויבאו חילם ושובך שר צבא הדדעזר לפניהםSelect 2 Samuel 10:16

17ויגד לדוד ויאסף את כל ישראל ויעבר את הירדן ויבא חלאמה ויערכו ארם לקראת דוד וילחמו עמוSelect 2 Samuel 10:17

18וינס ארם מפני ישראל ויהרג דוד מארם שבע מאות רכב וארבעים אלף פרשים ואת שובך שר צבאו הכה וימת שםSelect 2 Samuel 10:18

19ויראו כל המלכים עבדי הדדעזר כי נגפו לפני ישראל וישלמו את ישראל ויעבדום ויראו ארם להושיע עוד את בני עמוןSelect 2 Samuel 10:19