112 Samuel 11

1ויהי לתשובת השנה לעת צאת המלאכים וישלח דוד את יואב ואת עבדיו עמו ואת כל ישראל וישחתו את בני עמון ויצרו על רבה ודוד יושב בירושלםSelect 2 Samuel 11:1

2ויהי לעת הערב ויקם דוד מעל משכבו ויתהלך על גג בית המלך וירא אשה רחצת מעל הגג והאשה טובת מראה מאדSelect 2 Samuel 11:2

3וישלח דוד וידרש לאשה ויאמר הלוא זאת בת שבע בת אליעם—אשת אוריה החתיSelect 2 Samuel 11:3

4וישלח דוד מלאכים ויקחה ותבוא אליו וישכב עמה והיא מתקדשת מטמאתה ותשב אל ביתהSelect 2 Samuel 11:4

5ותהר האשה ותשלח ותגד לדוד ותאמר הרה אנכיSelect 2 Samuel 11:5

6וישלח דוד אל יואב שלח אלי את אוריה החתי וישלח יואב את אוריה אל דודSelect 2 Samuel 11:6

7ויבא אוריה אליו וישאל דוד לשלום יואב ולשלום העם ולשלום המלחמהSelect 2 Samuel 11:7

8ויאמר דוד לאוריה רד לביתך ורחץ רגליך ויצא אוריה מבית המלך ותצא אחריו משאת המלךSelect 2 Samuel 11:8

9וישכב אוריה פתח בית המלך את כל עבדי אדניו ולא ירד אל ביתוSelect 2 Samuel 11:9

10ויגדו לדוד לאמר לא ירד אוריה אל ביתו ויאמר דוד אל אוריה הלוא מדרך אתה בא—מדוע לא ירדת אל ביתךSelect 2 Samuel 11:10

11ויאמר אוריה אל דוד הארון וישראל ויהודה ישבים בסכות ואדני יואב ועבדי אדני על פני השדה חנים ואני אבוא אל ביתי לאכל ולשתות ולשכב עם אשתי חיך וחי נפשך אם אעשה את הדבר הזהSelect 2 Samuel 11:11

12ויאמר דוד אל אוריה שב בזה גם היום—ומחר אשלחך וישב אוריה בירושלם ביום ההוא וממחרתSelect 2 Samuel 11:12

13ויקרא לו דוד ויאכל לפניו וישת—וישכרהו ויצא בערב לשכב במשכבו עם עבדי אדניו ואל ביתו לא ירדSelect 2 Samuel 11:13

14ויהי בבקר ויכתב דוד ספר אל יואב וישלח ביד אוריהSelect 2 Samuel 11:14

15ויכתב בספר לאמר הבו את אוריה אל מול פני המלחמה החזקה ושבתם מאחריו ונכה ומתSelect 2 Samuel 11:15

16ויהי בשמור יואב אל העיר ויתן את אוריה אל המקום אשר ידע כי אנשי חיל שםSelect 2 Samuel 11:16

17ויצאו אנשי העיר וילחמו את יואב ויפל מן העם מעבדי דוד וימת גם אוריה החתיSelect 2 Samuel 11:17

18וישלח יואב ויגד לדוד את כל דברי המלחמהSelect 2 Samuel 11:18

19ויצו את המלאך לאמר ככלותך את כל דברי המלחמה—לדבר אל המלךSelect 2 Samuel 11:19

20והיה אם תעלה חמת המלך ואמר לך מדוע נגשתם אל העיר להלחם הלוא ידעתם את אשר ירו מעל החומהSelect 2 Samuel 11:20

21מי הכה את אבימלך בן ירבשת הלוא אשה השליכה עליו פלח רכב מעל החומה וימת בתבץ למה נגשתם אל החומה ואמרת—גם עבדך אוריה החתי מתSelect 2 Samuel 11:21

22וילך המלאך ויבא ויגד לדוד את כל אשר שלחו יואבSelect 2 Samuel 11:22

23ויאמר המלאך אל דוד כי גברו עלינו האנשים ויצאו אלינו השדה ונהיה עליהם עד פתח השערSelect 2 Samuel 11:23

24ויראו המוראים אל עבדיך מעל החומה וימותו מעבדי המלך וגם עבדך אוריה החתי—מתSelect 2 Samuel 11:24

25ויאמר דוד אל המלאך כה תאמר אל יואב אל ירע בעיניך את הדבר הזה—כי כזה וכזה תאכל החרב החזק מלחמתך אל העיר והרסה וחזקהוSelect 2 Samuel 11:25

26ותשמע אשת אוריה כי מת אוריה אישה ותספד על בעלהSelect 2 Samuel 11:26

27ויעבר האבל וישלח דוד ויאספה אל ביתו ותהי לו לאשה ותלד לו בן וירע הדבר אשר עשה דוד בעיני יהוהSelect 2 Samuel 11:27