132 Samuel 13

1ויהי אחרי כן ולאבשלום בן דוד אחות יפה—ושמה תמר ויאהבה אמנון בן דודSelect 2 Samuel 13:1

2ויצר לאמנון להתחלות בעבור תמר אחתו—כי בתולה היא ויפלא בעיני אמנון לעשות לה מאומהSelect 2 Samuel 13:2

3ולאמנון רע ושמו יונדב בן שמעה אחי דוד ויונדב איש חכם מאדSelect 2 Samuel 13:3

4ויאמר לו מדוע אתה ככה דל בן המלך בבקר בבקר—הלוא תגיד לי ויאמר לו אמנון את תמר אחות אבשלם אחי אני אהבSelect 2 Samuel 13:4

5ויאמר לו יהונדב שכב על משכבך והתחל ובא אביך לראותך ואמרת אליו תבא נא תמר אחותי ותברני לחם ועשתה לעיני את הבריה למען אשר אראה ואכלתי מידהSelect 2 Samuel 13:5

6וישכב אמנון ויתחל ויבא המלך לראותו ויאמר אמנון אל המלך תבוא נא תמר אחתי ותלבב לעיני שתי לבבות ואברה מידהSelect 2 Samuel 13:6

7וישלח דוד אל תמר הביתה לאמר לכי נא בית אמנון אחיך ועשי לו הבריהSelect 2 Samuel 13:7

8ותלך תמר בית אמנון אחיה—והוא שכב ותקח את הבצק ותלוש (ותלש) ותלבב לעיניו ותבשל את הלבבותSelect 2 Samuel 13:8

9ותקח את המשרת ותצק לפניו וימאן לאכול ויאמר אמנון הוציאו כל איש מעלי ויצאו כל איש מעליוSelect 2 Samuel 13:9

10ויאמר אמנון אל תמר הביאי הבריה החדר ואברה מידך ותקח תמר את הלבבות אשר עשתה ותבא לאמנון אחיה החדרהSelect 2 Samuel 13:10

11ותגש אליו לאכל ויחזק בה ויאמר לה בואי שכבי עמי אחותיSelect 2 Samuel 13:11

12ותאמר לו אל אחי אל תענני—כי לא יעשה כן בישראל אל תעשה את הנבלה הזאתSelect 2 Samuel 13:12

13ואני אנה אוליך את חרפתי ואתה תהיה כאחד הנבלים בישראל ועתה דבר נא אל המלך כי לא ימנעני ממךSelect 2 Samuel 13:13

14ולא אבה לשמע בקולה ויחזק ממנה ויענה וישכב אתהSelect 2 Samuel 13:14

15וישנאה אמנון שנאה גדולה מאד—כי גדולה השנאה אשר שנאה מאהבה אשר אהבה ויאמר לה אמנון קומי לכיSelect 2 Samuel 13:15

16ותאמר לו אל אודת הרעה הגדולה הזאת מאחרת אשר עשית עמי לשלחני ולא אבה לשמע להSelect 2 Samuel 13:16

17ויקרא את נערו משרתו ויאמר שלחו נא את זאת מעלי החוצה ונעל הדלת אחריהSelect 2 Samuel 13:17

18ועליה כתנת פסים כי כן תלבשן בנות המלך הבתולת מעילים ויצא אותה משרתו החוץ ונעל הדלת אחריהSelect 2 Samuel 13:18

19ותקח תמר אפר על ראשה וכתנת הפסים אשר עליה קרעה ותשם ידה על ראשה ותלך הלוך וזעקהSelect 2 Samuel 13:19

20ויאמר אליה אבשלום אחיה האמינון אחיך היה עמך ועתה אחותי החרישי אחיך הוא אל תשיתי את לבך לדבר הזה ותשב תמר ושממה בית אבשלום אחיהSelect 2 Samuel 13:20

21והמלך דוד—שמע את כל הדברים האלה ויחר לו מאדSelect 2 Samuel 13:21

22ולא דבר אבשלום עם אמנון למרע ועד טוב כי שנא אבשלום את אמנון על דבר אשר ענה את תמר אחתוSelect 2 Samuel 13:22

23ויהי לשנתים ימים ויהיו גזזים לאבשלום בבעל חצור אשר עם אפרים ויקרא אבשלום לכל בני המלךSelect 2 Samuel 13:23

24ויבא אבשלום אל המלך ויאמר הנה נא גזזים לעבדך ילך נא המלך ועבדיו עם עבדךSelect 2 Samuel 13:24

25ויאמר המלך אל אבשלום אל בני אל נא נלך כלנו ולא נכבד עליך ויפרץ בו ולא אבה ללכת ויברכהוSelect 2 Samuel 13:25

26ויאמר אבשלום ולא ילך נא אתנו אמנון אחי ויאמר לו המלך למה ילך עמךSelect 2 Samuel 13:26

27ויפרץ בו אבשלום וישלח אתו את אמנון ואת כל בני המלךSelect 2 Samuel 13:27

28ויצו אבשלום את נעריו לאמר ראו נא כטוב לב אמנון ביין ואמרתי אליכם הכו את אמנון והמתם אתו—אל תיראו הלוא כי אנכי צויתי אתכם—חזקו והיו לבני חילSelect 2 Samuel 13:28

29ויעשו נערי אבשלום לאמנון כאשר צוה אבשלום ויקמו כל בני המלך וירכבו איש על פרדו—וינסוSelect 2 Samuel 13:29

30ויהי המה בדרך והשמעה באה אל דוד לאמר הכה אבשלום את כל בני המלך ולא נותר מהם אחדSelect 2 Samuel 13:30

31ויקם המלך ויקרע את בגדיו וישכב ארצה וכל עבדיו נצבים קרעי בגדיםSelect 2 Samuel 13:31

32ויען יונדב בן שמעה אחי דוד ויאמר אל יאמר אדני את כל הנערים בני המלך המיתו—כי אמנון לבדו מת כי על פי אבשלום היתה שומה מיום ענתו את תמר אחתוSelect 2 Samuel 13:32

33ועתה אל ישם אדני המלך אל לבו דבר לאמר כל בני המלך מתו כי אם ( ) אמנון לבדו מתSelect 2 Samuel 13:33

34ויברח אבשלום וישא הנער הצפה את עינו וירא והנה עם רב הלכים מדרך אחריו מצד ההרSelect 2 Samuel 13:34

35ויאמר יונדב אל המלך הנה בני המלך באו כדבר עבדך כן היהSelect 2 Samuel 13:35

36ויהי ככלתו לדבר והנה בני המלך באו וישאו קולם ויבכו וגם המלך וכל עבדיו בכו בכי גדול מאדSelect 2 Samuel 13:36

37ואבשלום ברח וילך אל תלמי בן עמיחור (עמיהוד) מלך גשור ויתאבל על בנו כל הימיםSelect 2 Samuel 13:37

38ואבשלום ברח וילך גשור ויהי שם שלש שניםSelect 2 Samuel 13:38

39ותכל דוד המלך לצאת אל אבשלום כי נחם על אמנון כי מתSelect 2 Samuel 13:39