142 Samuel 14

1וידע יואב בן צריה כי לב המלך על אבשלוםSelect 2 Samuel 14:1

2וישלח יואב תקועה ויקח משם אשה חכמה ויאמר אליה התאבלי נא ולבשי נא בגדי אבל ואל תסוכי שמן והיית כאשה זה ימים רבים מתאבלת על מתSelect 2 Samuel 14:2

3ובאת אל המלך ודברת אליו כדבר הזה וישם יואב את הדברים בפיהSelect 2 Samuel 14:3

4ותאמר האשה התקעית אל המלך ותפל על אפיה ארצה ותשתחו ותאמר הושעה המלךSelect 2 Samuel 14:4

5ויאמר לה המלך מה לך ותאמר אבל אשה אלמנה אני—וימת אישיSelect 2 Samuel 14:5

6ולשפחתך שני בנים וינצו שניהם בשדה ואין מציל ביניהם ויכו האחד את האחד וימת אתוSelect 2 Samuel 14:6

7והנה קמה כל המשפחה על שפחתך ויאמרו תני את מכה אחיו ונמתהו בנפש אחיו אשר הרג ונשמידה גם את היורש וכבו את גחלתי אשר נשארה לבלתי שום (שים) לאישי שם ושארית על פני האדמהSelect 2 Samuel 14:7

8ויאמר המלך אל האשה לכי לביתך ואני אצוה עליךSelect 2 Samuel 14:8

9ותאמר האשה התקועית אל המלך עלי אדני המלך העון ועל בית אבי והמלך וכסאו נקיSelect 2 Samuel 14:9

10ויאמר המלך המדבר אליך והבאתו אלי ולא יסיף עוד לגעת בךSelect 2 Samuel 14:10

11ותאמר יזכר נא המלך את יהוה אלהיך מהרבית (מהרבת) גאל הדם לשחת ולא ישמידו את בני ויאמר חי יהוה אם יפל משערת בנך ארצהSelect 2 Samuel 14:11

12ותאמר האשה תדבר נא שפחתך אל אדני המלך דבר ויאמר דבריSelect 2 Samuel 14:12

13ותאמר האשה ולמה חשבתה כזאת על עם אלהים ומדבר המלך הדבר הזה כאשם לבלתי השיב המלך את נדחוSelect 2 Samuel 14:13

14כי מות נמות—וכמים הנגרים ארצה אשר לא יאספו ולא ישא אלהים נפש וחשב מחשבות לבלתי ידח ממנו נדחSelect 2 Samuel 14:14

15ועתה אשר באתי לדבר אל המלך אדני את הדבר הזה—כי יראני העם ותאמר שפחתך אדברה נא אל המלך אולי יעשה המלך את דבר אמתוSelect 2 Samuel 14:15

16כי ישמע המלך להציל את אמתו מכף האיש להשמיד אתי ואת בני יחד מנחלת אלהיםSelect 2 Samuel 14:16

17ותאמר שפחתך יהיה נא דבר אדני המלך למנחה כי כמלאך האלהים כן אדני המלך לשמע הטוב והרע ויהוה אלהיך יהי עמךSelect 2 Samuel 14:17

18ויען המלך ויאמר אל האשה אל נא תכחדי ממני דבר אשר אנכי שאל אתך ותאמר האשה ידבר נא אדני המלךSelect 2 Samuel 14:18

19ויאמר המלך היד יואב אתך בכל זאת ותען האשה ותאמר חי נפשך אדני המלך אם אש להמין ולהשמיל מכל אשר דבר אדני המלך—כי עבדך יואב הוא צוני והוא שם בפי שפחתך את כל הדברים האלהSelect 2 Samuel 14:19

20לבעבור סבב את פני הדבר עשה עבדך יואב את הדבר הזה ואדני חכם כחכמת מלאך האלהים לדעת את כל אשר בארץSelect 2 Samuel 14:20

21ויאמר המלך אל יואב הנה נא עשיתי את הדבר הזה ולך השב את הנער את אבשלוםSelect 2 Samuel 14:21

22ויפל יואב אל פניו ארצה וישתחו ויברך את המלך ויאמר יואב היום ידע עבדך כי מצאתי חן בעיניך אדני המלך אשר עשה המלך את דבר עבדו (עבדך)Select 2 Samuel 14:22

23ויקם יואב וילך גשורה ויבא את אבשלום ירושלםSelect 2 Samuel 14:23

24ויאמר המלך יסב אל ביתו ופני לא יראה ויסב אבשלום אל ביתו ופני המלך לא ראהSelect 2 Samuel 14:24

25וכאבשלום לא היה איש יפה בכל ישראל—להלל מאד מכף רגלו ועד קדקדו לא היה בו מוםSelect 2 Samuel 14:25

26ובגלחו את ראשו והיה מקץ ימים לימים אשר יגלח כי כבד עליו וגלחו ושקל את שער ראשו מאתים שקלים באבן המלךSelect 2 Samuel 14:26

27ויולדו לאבשלום שלושה בנים ובת אחת ושמה תמר היא היתה אשה יפת מראהSelect 2 Samuel 14:27

28וישב אבשלום בירושלם שנתים ימים ופני המלך לא ראהSelect 2 Samuel 14:28

29וישלח אבשלום אל יואב לשלח אתו אל המלך ולא אבה לבוא אליו וישלח עוד שנית ולא אבה לבואSelect 2 Samuel 14:29

30ויאמר אל עבדיו ראו חלקת יואב אל ידי ולו שם שערים—לכו והוצתיה (והציתוה) באש ויצתו עבדי אבשלום את החלקה—באשSelect 2 Samuel 14:30

31ויקם יואב ויבא אל אבשלום הביתה ויאמר אליו למה הציתו עבדיך את החלקה אשר לי באשSelect 2 Samuel 14:31

32ויאמר אבשלום אל יואב הנה שלחתי אליך לאמר בא הנה ואשלחה אתך אל המלך לאמר למה באתי מגשור—טוב לי עד אני שם ועתה אראה פני המלך ואם יש בי עון והמתניSelect 2 Samuel 14:32

33ויבא יואב אל המלך ויגד לו ויקרא אל אבשלום ויבא אל המלך וישתחו לו על אפיו ארצה לפני המלך וישק המלך לאבשלוםSelect 2 Samuel 14:33