172 Samuel 17

1ויאמר אחיתפל אל אבשלום אבחרה נא שנים עשר אלף איש ואקומה וארדפה אחרי דוד הלילהSelect 2 Samuel 17:1

2ואבוא עליו והוא יגע ורפה ידים והחרדתי אתו ונס כל העם אשר אתו והכיתי את המלך לבדוSelect 2 Samuel 17:2

3ואשיבה כל העם אליך כשוב הכל—האיש אשר אתה מבקש כל העם יהיה שלוםSelect 2 Samuel 17:3

4ויישר הדבר בעיני אבשלם ובעיני כל זקני ישראלSelect 2 Samuel 17:4

5ויאמר אבשלום קרא נא גם לחושי הארכי ונשמעה מה בפיו גם הואSelect 2 Samuel 17:5

6ויבא חושי אל אבשלום ויאמר אבשלום אליו לאמר כדבר הזה דבר אחיתפל הנעשה את דברו אם אין אתה דברSelect 2 Samuel 17:6

7ויאמר חושי אל אבשלום לא טובה העצה אשר יעץ אחיתפל בפעם הזאתSelect 2 Samuel 17:7

8ויאמר חושי אתה ידעת את אביך ואת אנשיו כי גברים המה ומרי נפש המה כדב שכול בשדה ואביך איש מלחמה ולא ילין את העםSelect 2 Samuel 17:8

9הנה עתה הוא נחבא באחת הפחתים או באחד המקומת והיה כנפל בהם בתחלה ושמע השמע ואמר היתה מגפה בעם אשר אחרי אבשלםSelect 2 Samuel 17:9

10והוא גם בן חיל אשר לבו כלב האריה—המס ימס כי ידע כל ישראל כי גבור אביך ובני חיל אשר אתוSelect 2 Samuel 17:10

11כי יעצתי האסף יאסף עליך כל ישראל מדן ועד באר שבע כחול אשר על הים לרב ופניך הלכים בקרבSelect 2 Samuel 17:11

12ובאנו אליו באחת (באחד) המקומת אשר נמצא שם ונחנו עליו כאשר יפל הטל על האדמה ולא נותר בו ובכל האנשים אשר אתו גם אחדSelect 2 Samuel 17:12

13ואם אל עיר יאסף—והשיאו כל ישראל אל העיר ההיא חבלים וסחבנו אתו עד הנחל עד אשר לא נמצא שם גם צרורSelect 2 Samuel 17:13

14ויאמר אבשלום וכל איש ישראל טובה עצת חושי הארכי מעצת אחיתפל ויהוה צוה להפר את עצת אחיתפל הטובה לבעבור הביא יהוה אל אבשלום את הרעהSelect 2 Samuel 17:14

15ויאמר חושי אל צדוק ואל אביתר הכהנים כזאת וכזאת יעץ אחיתפל את אבשלם ואת זקני ישראל וכזאת וכזאת יעצתי אניSelect 2 Samuel 17:15

16ועתה שלחו מהרה והגידו לדוד לאמר אל תלן הלילה בערבות המדבר וגם עבור תעבור—פן יבלע למלך ולכל העם אשר אתוSelect 2 Samuel 17:16

17ויהונתן ואחימעץ עמדים בעין רגל והלכה השפחה והגידה להם והם ילכו והגידו למלך דוד כי לא יוכלו להראות לבוא העירהSelect 2 Samuel 17:17

18וירא אתם נער ויגד לאבשלם וילכו שניהם מהרה ויבאו אל בית איש בבחורים ולו באר בחצרו—וירדו שםSelect 2 Samuel 17:18

19ותקח האשה ותפרש את המסך על פני הבאר ותשטח עליו הרפות ולא נודע דברSelect 2 Samuel 17:19

20ויבאו עבדי אבשלום אל האשה הביתה ויאמרו איה אחימעץ ויהונתן ותאמר להם האשה עברו מיכל המים ויבקשו ולא מצאו וישבו ירושלםSelect 2 Samuel 17:20

21ויהי אחרי לכתם ויעלו מהבאר וילכו ויגדו למלך דוד ויאמרו אל דוד קומו ועברו מהרה את המים—כי ככה יעץ עליכם אחיתפלSelect 2 Samuel 17:21

22ויקם דוד וכל העם אשר אתו ויעברו את הירדן עד אור הבקר עד אחד לא נעדר אשר לא עבר את הירדןSelect 2 Samuel 17:22

23ואחיתפל ראה כי לא נעשתה עצתו ויחבש את החמור ויקם וילך אל ביתו אל עירו ויצו אל ביתו ויחנק וימת ויקבר בקבר אביוSelect 2 Samuel 17:23

24ודוד בא מחנימה ואבשלם עבר את הירדן—הוא וכל איש ישראל עמוSelect 2 Samuel 17:24

25ואת עמשא שם אבשלם תחת יואב—על הצבא ועמשא בן איש ושמו יתרא הישראלי אשר בא אל אביגל בת נחש אחות צרויה אם יואבSelect 2 Samuel 17:25

26ויחן ישראל ואבשלם ארץ הגלעדSelect 2 Samuel 17:26

27ויהי כבוא דוד מחנימה ושבי בן נחש מרבת בני עמון ומכיר בן עמיאל מלא דבר וברזלי הגלעדי מרגליםSelect 2 Samuel 17:27

28משכב וספות וכלי יוצר וחטים ושערים וקמח וקלי ופול ועדשים וקליSelect 2 Samuel 17:28

29ודבש וחמאה וצאן ושפות בקר הגישו לדוד ולעם אשר אתו לאכול כי אמרו—העם רעב ועיף וצמא במדברSelect 2 Samuel 17:29