212 Samuel 21

1ויהי רעב בימי דוד שלש שנים שנה אחרי שנה ויבקש דוד את פני יהוה ויאמר יהוה אל שאול ואל בית הדמים על אשר המית את הגבעניםSelect 2 Samuel 21:1

2ויקרא המלך לגבענים ויאמר אליהם והגבענים לא מבני ישראל המה כי אם מיתר האמרי ובני ישראל נשבעו להם ויבקש שאול להכתם בקנאתו לבני ישראל ויהודהSelect 2 Samuel 21:2

3ויאמר דוד אל הגבענים מה אעשה לכם ובמה אכפר וברכו את נחלת יהוהSelect 2 Samuel 21:3

4ויאמרו לו הגבענים אין לי (לנו) כסף וזהב עם שאול ועם ביתו ואין לנו איש להמית בישראל ויאמר מה אתם אמרים אעשה לכםSelect 2 Samuel 21:4

5ויאמרו אל המלך האיש אשר כלנו ואשר דמה לנו נשמדנו מהתיצב בכל גבל ישראלSelect 2 Samuel 21:5

6ינתן (יותן) לנו שבעה אנשים מבניו והוקענום ליהוה בגבעת שאול בחיר יהוה ויאמר המלך אני אתןSelect 2 Samuel 21:6

7ויחמל המלך על מפיבשת בן יהונתן בן שאול על שבעת יהוה אשר בינתם—בין דוד ובין יהונתן בן שאולSelect 2 Samuel 21:7

8ויקח המלך את שני בני רצפה בת איה אשר ילדה לשאול את ארמני ואת מפבשת ואת חמשת בני מיכל בת שאול אשר ילדה לעדריאל בן ברזלי המחלתיSelect 2 Samuel 21:8

9ויתנם ביד הגבענים ויקיעם בהר לפני יהוה ויפלו שבעתים (שבעתם) יחד והם (והמה) המתו בימי קציר בראשנים תחלת (בתחלת) קציר שעריםSelect 2 Samuel 21:9

10ותקח רצפה בת איה את השק ותטהו לה אל הצור מתחלת קציר עד נתך מים עליהם מן השמים ולא נתנה עוף השמים לנוח עליהם יומם ואת חית השדה לילהSelect 2 Samuel 21:10

11ויגד לדוד את אשר עשתה רצפה בת איה פלגש שאולSelect 2 Samuel 21:11

12וילך דוד ויקח את עצמות שאול ואת עצמות יהונתן בנו מאת בעלי יביש גלעד—אשר גנבו אתם מרחב בית שן אשר תלום (תלאום) שם הפלשתים (שמה פלשתים) ביום הכות פלשתים את שאול בגלבעSelect 2 Samuel 21:12

13ויעל משם את עצמות שאול ואת עצמות יהונתן בנו ויאספו את עצמות המוקעיםSelect 2 Samuel 21:13

14ויקברו את עצמות שאול ויהונתן בנו בארץ בנימן בצלע בקבר קיש אביו ויעשו כל אשר צוה המלך ויעתר אלהים לארץ אחרי כןSelect 2 Samuel 21:14

15ותהי עוד מלחמה לפלשתים את ישראל וירד דוד ועבדיו עמו וילחמו את פלשתים—ויעף דודSelect 2 Samuel 21:15

16וישבו (וישבי) בנב אשר בילידי הרפה ומשקל קינו שלש מאות משקל נחשת והוא חגור חדשה ויאמר להכות את דודSelect 2 Samuel 21:16

17ויעזר לו אבישי בן צרויה ויך את הפלשתי וימתהו אז נשבעו אנשי דוד לו לאמר לא תצא עוד אתנו למלחמה ולא תכבה את נר ישראלSelect 2 Samuel 21:17

18ויהי אחרי כן ותהי עוד המלחמה בגוב עם פלשתים אז הכה סבכי החשתי את סף אשר בילדי הרפהSelect 2 Samuel 21:18

19ותהי עוד המלחמה בגוב עם פלשתים ויך אלחנן בן יערי ארגים בית הלחמי את גלית הגתי ועץ חניתו כמנור ארגיםSelect 2 Samuel 21:19

20ותהי עוד מלחמה בגת ויהי איש מדין (מדון) ואצבעת ידיו ואצבעת רגליו שש ושש עשרים וארבע מספר וגם הוא ילד להרפהSelect 2 Samuel 21:20

21ויחרף את ישראל ויכהו יהונתן בן שמעי (שמעה) אחי דודSelect 2 Samuel 21:21

22את ארבעת אלה ילדו להרפה בגת ויפלו ביד דוד וביד עבדיוSelect 2 Samuel 21:22