32 Samuel 3

1ותהי המלחמה ארכה בין בית שאול ובין בית דוד ודוד הלך וחזק ובית שאול הלכים ודליםSelect 2 Samuel 3:1

2וילדו (ויולדו) לדוד בנים בחברון ויהי בכורו אמנון לאחינעם היזרעאלתSelect 2 Samuel 3:2

3ומשנהו כלאב לאביגל (לאביגיל) אשת נבל הכרמלי והשלשי אבשלום בן מעכה בת תלמי מלך גשורSelect 2 Samuel 3:3

4והרביעי אדניה בן חגית והחמישי שפטיה בן אביטלSelect 2 Samuel 3:4

5והששי יתרעם לעגלה אשת דוד אלה ילדו לדוד בחברוןSelect 2 Samuel 3:5

6ויהי בהיות המלחמה בין בית שאול ובין בית דוד ואבנר היה מתחזק בבית שאולSelect 2 Samuel 3:6

7ולשאול פלגש ושמה רצפה בת איה ויאמר אל אבנר מדוע באתה אל פילגש אביSelect 2 Samuel 3:7

8ויחר לאבנר מאד על דברי איש בשת ויאמר הראש כלב אנכי אשר ליהודה היום אעשה חסד עם בית שאול אביך אל אחיו ואל מרעהו ולא המציתך ביד דוד ותפקד עלי עון האשה היוםSelect 2 Samuel 3:8

9כה יעשה אלהים לאבנר וכה יסיף לו כי כאשר נשבע יהוה לדוד—כי כן אעשה לוSelect 2 Samuel 3:9

10להעביר הממלכה מבית שאול ולהקים את כסא דוד על ישראל ועל יהודה—מדן ועד באר שבעSelect 2 Samuel 3:10

11ולא יכל עוד להשיב את אבנר דבר מיראתו אתוSelect 2 Samuel 3:11

12וישלח אבנר מלאכים אל דוד תחתו לאמר למי ארץ לאמר כרתה בריתך אתי והנה ידי עמך להסב אליך את כל ישראלSelect 2 Samuel 3:12

13ויאמר טוב—אני אכרת אתך ברית אך דבר אחד אנכי שאל מאתך לאמר לא תראה את פני—כי אם לפני הביאך את מיכל בת שאול בבאך לראות את פניSelect 2 Samuel 3:13

14וישלח דוד מלאכים אל איש בשת בן שאול לאמר תנה את אשתי את מיכל אשר ארשתי לי במאה ערלות פלשתיםSelect 2 Samuel 3:14

15וישלח איש בשת ויקחה מעם איש—מעם פלטיאל בן לוש (ליש)Select 2 Samuel 3:15

16וילך אתה אישה הלוך ובכה אחריה—עד בחרים ויאמר אליו אבנר לך שוב וישבSelect 2 Samuel 3:16

17ודבר אבנר היה עם זקני ישראל לאמר גם תמול גם שלשם הייתם מבקשים את דוד למלך עליכםSelect 2 Samuel 3:17

18ועתה עשו כי יהוה אמר אל דוד לאמר ביד דוד עבדי הושיע את עמי ישראל מיד פלשתים ומיד כל איביהםSelect 2 Samuel 3:18

19וידבר גם אבנר באזני בנימין וילך גם אבנר לדבר באזני דוד בחברון את כל אשר טוב בעיני ישראל ובעיני כל בית בנימןSelect 2 Samuel 3:19

20ויבא אבנר אל דוד חברון ואתו עשרים אנשים ויעש דוד לאבנר ולאנשים אשר אתו משתהSelect 2 Samuel 3:20

21ויאמר אבנר אל דוד אקומה ואלכה ואקבצה אל אדני המלך את כל ישראל ויכרתו אתך ברית ומלכת בכל אשר תאוה נפשך וישלח דוד את אבנר וילך בשלוםSelect 2 Samuel 3:21

22והנה עבדי דוד ויואב בא מהגדוד ושלל רב עמם הביאו ואבנר איננו עם דוד בחברון—כי שלחו וילך בשלוםSelect 2 Samuel 3:22

23ויואב וכל הצבא אשר אתו באו ויגדו ליואב לאמר בא אבנר בן נר אל המלך וישלחהו וילך בשלוםSelect 2 Samuel 3:23

24ויבא יואב אל המלך ויאמר מה עשיתה הנה בא אבנר אליך למה זה שלחתו וילך הלוךSelect 2 Samuel 3:24

25ידעת את אבנר בן נר כי לפתתך בא ולדעת את מוצאך ואת מבואך (מובאך) ולדעת את כל אשר אתה עשהSelect 2 Samuel 3:25

26ויצא יואב מעם דוד וישלח מלאכים אחרי אבנר וישבו אתו מבור הסרה ודוד לא ידעSelect 2 Samuel 3:26

27וישב אבנר חברון ויטהו יואב אל תוך השער לדבר אתו בשלי ויכהו שם החמש—וימת בדם עשהאל אחיוSelect 2 Samuel 3:27

28וישמע דוד מאחרי כן ויאמר נקי אנכי וממלכתי מעם יהוה עד עולם—מדמי אבנר בן נרSelect 2 Samuel 3:28

29יחלו על ראש יואב ואל כל בית אביו ואל יכרת מבית יואב זב ומצרע ומחזיק בפלך ונפל בחרב—וחסר לחםSelect 2 Samuel 3:29

30ויואב ואבישי אחיו הרגו לאבנר על אשר המית את עשהאל אחיהם בגבעון—במלחמהSelect 2 Samuel 3:30

31ויאמר דוד אל יואב ואל כל העם אשר אתו קרעו בגדיכם וחגרו שקים וספדו לפני אבנר והמלך דוד הלך אחרי המטהSelect 2 Samuel 3:31

32ויקברו את אבנר בחברון וישא המלך את קולו ויבך אל קבר אבנר ויבכו כל העםSelect 2 Samuel 3:32

33ויקנן המלך אל אבנר ויאמר הכמות נבל ימות אבנרSelect 2 Samuel 3:33

34ידך לא אסרות ורגליך לא לנחשתים הגשו כנפול לפני בני עולה נפלת ויספו כל העם לבכות עליוSelect 2 Samuel 3:34

35ויבא כל העם להברות את דוד לחם—בעוד היום וישבע דוד לאמר כה יעשה לי אלהים וכה יסיף כי אם לפני בוא השמש אטעם לחם או כל מאומהSelect 2 Samuel 3:35

36וכל העם הכירו וייטב בעיניהם ככל אשר עשה המלך בעיני כל העם טובSelect 2 Samuel 3:36

37וידעו כל העם וכל ישראל ביום ההוא כי לא היתה מהמלך להמית את אבנר בן נרSelect 2 Samuel 3:37

38ויאמר המלך אל עבדיו הלוא תדעו—כי שר וגדול נפל היום הזה בישראלSelect 2 Samuel 3:38

39ואנכי היום רך ומשוח מלך והאנשים האלה בני צרויה קשים ממני ישלם יהוה לעשה הרעה כרעתוSelect 2 Samuel 3:39