72 Samuel 7

1ויהי כי ישב המלך בביתו ויהוה הניח לו מסביב מכל איביוSelect 2 Samuel 7:1

2ויאמר המלך אל נתן הנביא ראה נא אנכי יושב בבית ארזים וארון האלהים ישב בתוך היריעהSelect 2 Samuel 7:2

3ויאמר נתן אל המלך כל אשר בלבבך לך עשה כי יהוה עמךSelect 2 Samuel 7:3

4ויהי בלילה ההוא ויהי דבר יהוה אל נתן לאמרSelect 2 Samuel 7:4

5לך ואמרת אל עבדי אל דוד כה אמר יהוה האתה תבנה לי בית לשבתיSelect 2 Samuel 7:5

6כי לא ישבתי בבית למיום העלתי את בני ישראל ממצרים ועד היום הזה ואהיה מתהלך באהל ובמשכןSelect 2 Samuel 7:6

7בכל אשר התהלכתי בכל בני ישראל הדבר דברתי את אחד שבטי ישראל אשר צויתי לרעות את עמי את ישראל לאמר למה לא בניתם לי בית ארזיםSelect 2 Samuel 7:7

8ועתה כה תאמר לעבדי לדוד כה אמר יהוה צבאות אני לקחתיך מן הנוה מאחר הצאן—להיות נגיד על עמי על ישראלSelect 2 Samuel 7:8

9ואהיה עמך בכל אשר הלכת ואכרתה את כל איביך מפניך ועשתי לך שם גדול כשם הגדלים אשר בארץSelect 2 Samuel 7:9

10ושמתי מקום לעמי לישראל ונטעתיו ושכן תחתיו ולא ירגז עוד ולא יסיפו בני עולה לענותו כאשר בראשונהSelect 2 Samuel 7:10

11ולמן היום אשר צויתי שפטים על עמי ישראל והניחתי לך מכל איביך והגיד לך יהוה כי בית יעשה לך יהוהSelect 2 Samuel 7:11

12כי ימלאו ימיך ושכבת את אבתיך והקימתי את זרעך אחריך אשר יצא ממעיך והכינתי את ממלכתוSelect 2 Samuel 7:12

13הוא יבנה בית לשמי וכננתי את כסא ממלכתו עד עולםSelect 2 Samuel 7:13

14אני אהיה לו לאב והוא יהיה לי לבן—אשר בהעותו והכחתיו בשבט אנשים ובנגעי בני אדםSelect 2 Samuel 7:14

15וחסדי לא יסור ממנו כאשר הסרתי מעם שאול אשר הסרתי מלפניךSelect 2 Samuel 7:15

16ונאמן ביתך וממלכתך עד עולם לפניך כסאך יהיה נכון עד עולםSelect 2 Samuel 7:16

17ככל הדברים האלה וככל החזיון הזה—כן דבר נתן אל דודSelect 2 Samuel 7:17

18ויבא המלך דוד וישב לפני יהוה ויאמר מי אנכי אדני יהוה ומי ביתי—כי הבאתני עד הלםSelect 2 Samuel 7:18

19ותקטן עוד זאת בעיניך אדני יהוה ותדבר גם אל בית עבדך למרחוק וזאת תורת האדם אדני יהוהSelect 2 Samuel 7:19

20ומה יוסיף דוד עוד לדבר אליך ואתה ידעת את עבדך אדני יהוהSelect 2 Samuel 7:20

21בעבור דברך וכלבך עשית את כל הגדולה הזאת—להודיע את עבדךSelect 2 Samuel 7:21

22על כן גדלת יהוה אלהים כי אין כמוך ואין אלהים זולתך בכל אשר שמענו באזנינוSelect 2 Samuel 7:22

23ומי כעמך כישראל גוי אחד בארץ—אשר הלכו אלהים לפדות לו לעם ולשום לו שם ולעשות לכם הגדולה ונראות לארצך מפני עמך אשר פדית לך ממצרים גוים ואלהיוSelect 2 Samuel 7:23

24ותכונן לך את עמך ישראל לך לעם—עד עולם ואתה יהוה היית להם לאלהיםSelect 2 Samuel 7:24

25ועתה יהוה אלהים הדבר אשר דברת על עבדך ועל ביתו הקם עד עולם ועשה כאשר דברתSelect 2 Samuel 7:25

26ויגדל שמך עד עולם לאמר יהוה צבאות אלהים על ישראל ובית עבדך דוד יהיה נכון לפניךSelect 2 Samuel 7:26

27כי אתה יהוה צבאות אלהי ישראל גליתה את אזן עבדך לאמר בית אבנה לך על כן מצא עבדך את לבו להתפלל אליך את התפלה הזאתSelect 2 Samuel 7:27

28ועתה אדני יהוה אתה הוא האלהים ודבריך יהיו אמת ותדבר אל עבדך את הטובה הזאתSelect 2 Samuel 7:28

29ועתה הואל וברך את בית עבדך להיות לעולם לפניך כי אתה אדני יהוה דברת ומברכתך יברך בית עבדך לעולםSelect 2 Samuel 7:29