8Amos 8

1כה הראני אדני יהוה והנה כלוב קיץSelect Amos 8:1

2ויאמר מה אתה ראה עמוס ואמר כלוב קיץ ויאמר יהוה אלי בא הקץ אל עמי ישראל—לא אוסיף עוד עבור לוSelect Amos 8:2

3והילילו שירות היכל ביום ההוא—נאם אדני יהוה רב הפגר בכל מקום השליך הסSelect Amos 8:3

4שמעו זאת השאפים אביון ולשבית ענוי (עניי) ארץSelect Amos 8:4

5לאמר מתי יעבר החדש ונשבירה שבר והשבת ונפתחה בר—להקטין איפה ולהגדיל שקל ולעות מאזני מרמהSelect Amos 8:5

6לקנות בכסף דלים ואביון בעבור נעלים ומפל בר נשבירSelect Amos 8:6

7נשבע יהוה בגאון יעקב אם אשכח לנצח כל מעשיהםSelect Amos 8:7

8העל זאת לא תרגז הארץ ואבל כל יושב בה ועלתה כאר כלה ונגרשה ונשקה (ונשקעה) כיאור מצריםSelect Amos 8:8

9והיה ביום ההוא נאם אדני יהוה והבאתי השמש בצהרים והחשכתי לארץ ביום אורSelect Amos 8:9

10והפכתי חגיכם לאבל וכל שיריכם לקינה והעליתי על כל מתנים שק ועל כל ראש קרחה ושמתיה כאבל יחיד ואחריתה כיום מרSelect Amos 8:10

11הנה ימים באים נאם אדני יהוה והשלחתי רעב בארץ לא רעב ללחם ולא צמא למים—כי אם לשמע את דברי יהוהSelect Amos 8:11

12ונעו מים עד ים ומצפון ועד מזרח ישוטטו לבקש את דבר יהוה ולא ימצאוSelect Amos 8:12

13ביום ההוא תתעלפנה הבתולת היפות והבחורים—בצמאSelect Amos 8:13

14הנשבעים באשמת שמרון ואמרו חי אלהיך דן וחי דרך באר שבע ונפלו ולא יקומו עודSelect Amos 8:14