9Amos 9

1ראיתי את אדני נצב על המזבח ויאמר הך הכפתור וירעשו הספים ובצעם בראש כלם ואחריתם בחרב אהרג לא ינוס להם נס ולא ימלט להם פליטSelect Amos 9:1

2אם יחתרו בשאול משם ידי תקחם ואם יעלו השמים—משם אורידםSelect Amos 9:2

3ואם יחבאו בראש הכרמל משם אחפש ולקחתים ואם יסתרו מנגד עיני בקרקע הים—משם אצוה את הנחש ונשכםSelect Amos 9:3

4ואם ילכו בשבי לפני איביהם משם אצוה את החרב והרגתם ושמתי עיני עליהם לרעה ולא לטובהSelect Amos 9:4

5ואדני יהוה הצבאות הנוגע בארץ ותמוג ואבלו כל יושבי בה ועלתה כיאר כלה ושקעה כיאר מצריםSelect Amos 9:5

6הבונה בשמים מעלותו ואגדתו על ארץ יסדה הקרא למי הים וישפכם על פני הארץ—יהוה שמוSelect Amos 9:6

7הלוא כבני כשיים אתם לי בני ישראל נאם יהוה הלוא את ישראל העליתי מארץ מצרים ופלשתיים מכפתור וארם מקירSelect Amos 9:7

8הנה עיני אדני יהוה בממלכה החטאה והשמדתי אתה מעל פני האדמה אפס כי לא השמיד אשמיד את בית יעקב—נאם יהוהSelect Amos 9:8

9כי הנה אנכי מצוה והנעותי בכל הגוים את בית ישראל כאשר ינוע בכברה ולא יפול צרור ארץSelect Amos 9:9

10בחרב ימותו כל חטאי עמי האמרים לא תגיש ותקדים בעדינו—הרעהSelect Amos 9:10

11ביום ההוא אקים את סכת דויד הנפלת וגדרתי את פרציהן והרסתיו אקים ובניתיה כימי עולםSelect Amos 9:11

12למען יירשו את שארית אדום וכל הגוים אשר נקרא שמי עליהם נאם יהוה עשה זאתSelect Amos 9:12

13הנה ימים באים נאם יהוה ונגש חורש בקצר ודרך ענבים במשך הזרע והטיפו ההרים עסיס וכל הגבעות תתמוגגנהSelect Amos 9:13

14ושבתי את שבות עמי ישראל ובנו ערים נשמות וישבו ונטעו כרמים ושתו את יינם ועשו גנות ואכלו את פריהםSelect Amos 9:14

15ונטעתים על אדמתם ולא ינתשו עוד מעל אדמתם אשר נתתי להם—אמר יהוה אלהיךSelect Amos 9:15