1Deuteronomy 1

1אלה הדברים אשר דבר משה אל כל ישראל בעבר הירדן במדבר בערבה מול סוף בין פארן ובין תפל ולבן וחצרת—ודי זהבSelect Deuteronomy 1:1

2אחד עשר יום מחרב דרך הר שעיר עד קדש ברנעSelect Deuteronomy 1:2

3ויהי בארבעים שנה בעשתי עשר חדש באחד לחדש דבר משה אל בני ישראל ככל אשר צוה יהוה אתו אלהםSelect Deuteronomy 1:3

4אחרי הכתו את סיחן מלך האמרי אשר יושב בחשבון—ואת עוג מלך הבשן אשר יושב בעשתרת באדרעיSelect Deuteronomy 1:4

5בעבר הירדן בארץ מואב הואיל משה באר את התורה הזאת לאמרSelect Deuteronomy 1:5

6יהוה אלהינו דבר אלינו בחרב לאמר רב לכם שבת בהר הזהSelect Deuteronomy 1:6

7פנו וסעו לכם ובאו הר האמרי ואל כל שכניו בערבה בהר ובשפלה ובנגב ובחוף הים—ארץ הכנעני והלבנון עד הנהר הגדל נהר פרתSelect Deuteronomy 1:7

8ראה נתתי לפניכם את הארץ באו ורשו את הארץ אשר נשבע יהוה לאבתיכם לאברהם ליצחק וליעקב לתת להם ולזרעם אחריהםSelect Deuteronomy 1:8

9ואמר אלכם בעת ההוא לאמר לא אוכל לבדי שאת אתכםSelect Deuteronomy 1:9

10יהוה אלהיכם הרבה אתכם והנכם היום ככוכבי השמים לרבSelect Deuteronomy 1:10

11יהוה אלהי אבותכם יסף עליכם ככם—אלף פעמים ויברך אתכם כאשר דבר לכםSelect Deuteronomy 1:11

12איכה אשא לבדי טרחכם ומשאכם וריבכםSelect Deuteronomy 1:12

13הבו לכם אנשים חכמים ונבנים וידעים—לשבטיכם ואשימם בראשיכםSelect Deuteronomy 1:13

14ותענו אתי ותאמרו טוב הדבר אשר דברת לעשותSelect Deuteronomy 1:14

15ואקח את ראשי שבטיכם אנשים חכמים וידעים ואתן אותם ראשים עליכם שרי אלפים ושרי מאות ושרי חמשים ושרי עשרת ושטרים לשבטיכםSelect Deuteronomy 1:15

16ואצוה את שפטיכם בעת ההוא לאמר שמע בין אחיכם ושפטתם צדק בין איש ובין אחיו ובין גרוSelect Deuteronomy 1:16

17לא תכירו פנים במשפט כקטן כגדל תשמעון—לא תגורו מפני איש כי המשפט לאלהים הוא והדבר אשר יקשה מכם תקרבון אלי ושמעתיוSelect Deuteronomy 1:17

18ואצוה אתכם בעת ההוא את כל הדברים אשר תעשוןSelect Deuteronomy 1:18

19ונסע מחרב ונלך את כל המדבר הגדול והנורא ההוא אשר ראיתם דרך הר האמרי כאשר צוה יהוה אלהינו אתנו ונבא עד קדש ברנעSelect Deuteronomy 1:19

20ואמר אלכם באתם עד הר האמרי אשר יהוה אלהינו נתן לנוSelect Deuteronomy 1:20

21ראה נתן יהוה אלהיך לפניך—את הארץ עלה רש כאשר דבר יהוה אלהי אבתיך לך—אל תירא ואל תחתSelect Deuteronomy 1:21

22ותקרבון אלי כלכם ותאמרו נשלחה אנשים לפנינו ויחפרו לנו את הארץ וישבו אתנו דבר—את הדרך אשר נעלה בה ואת הערים אשר נבא אליהןSelect Deuteronomy 1:22

23וייטב בעיני הדבר ואקח מכם שנים עשר אנשים איש אחד לשבטSelect Deuteronomy 1:23

24ויפנו ויעלו ההרה ויבאו עד נחל אשכל וירגלו אתהSelect Deuteronomy 1:24

25ויקחו בידם מפרי הארץ ויורדו אלינו וישבו אתנו דבר ויאמרו טובה הארץ אשר יהוה אלהינו נתן לנוSelect Deuteronomy 1:25

26ולא אביתם לעלת ותמרו את פי יהוה אלהיכםSelect Deuteronomy 1:26

27ותרגנו באהליכם ותאמרו בשנאת יהוה אתנו הוציאנו מארץ מצרים—לתת אתנו ביד האמרי להשמידנוSelect Deuteronomy 1:27

28אנה אנחנו עלים אחינו המסו את לבבנו לאמר עם גדול ורם ממנו ערים גדלת ובצורת בשמים וגם בני ענקים ראינו שםSelect Deuteronomy 1:28

29ואמר אלכם לא תערצון ולא תיראון מהםSelect Deuteronomy 1:29

30יהוה אלהיכם ההלך לפניכם הוא ילחם לכם ככל אשר עשה אתכם במצרים—לעיניכםSelect Deuteronomy 1:30

31ובמדבר אשר ראית אשר נשאך יהוה אלהיך כאשר ישא איש את בנו—בכל הדרך אשר הלכתם עד באכם עד המקום הזהSelect Deuteronomy 1:31

32ובדבר הזה—אינכם מאמינם ביהוה אלהיכםSelect Deuteronomy 1:32

33ההלך לפניכם בדרך לתור לכם מקום—לחנתכם באש לילה לראתכם בדרך אשר תלכו בה ובענן יומםSelect Deuteronomy 1:33

34וישמע יהוה את קול דבריכם ויקצף וישבע לאמרSelect Deuteronomy 1:34

35אם יראה איש באנשים האלה הדור הרע הזה—את הארץ הטובה אשר נשבעתי לתת לאבתיכםSelect Deuteronomy 1:35

36זולתי כלב בן יפנה הוא יראנה ולו אתן את הארץ אשר דרך בה ולבניו—יען אשר מלא אחרי יהוהSelect Deuteronomy 1:36

37גם בי התאנף יהוה בגללכם לאמר גם אתה לא תבא שםSelect Deuteronomy 1:37

38יהושע בן נון העמד לפניך הוא יבא שמה אתו חזק כי הוא ינחלנה את ישראלSelect Deuteronomy 1:38

39וטפכם אשר אמרתם לבז יהיה ובניכם אשר לא ידעו היום טוב ורע—המה יבאו שמה ולהם אתננה והם יירשוהSelect Deuteronomy 1:39

40ואתם פנו לכם וסעו המדברה דרך ים סוףSelect Deuteronomy 1:40

41ותענו ותאמרו אלי חטאנו ליהוה—אנחנו נעלה ונלחמנו ככל אשר צונו יהוה אלהינו ותחגרו איש את כלי מלחמתו ותהינו לעלת ההרהSelect Deuteronomy 1:41

42ויאמר יהוה אלי אמר להם לא תעלו ולא תלחמו—כי אינני בקרבכם ולא תנגפו לפני איביכםSelect Deuteronomy 1:42

43ואדבר אליכם ולא שמעתם ותמרו את פי יהוה ותזדו ותעלו ההרהSelect Deuteronomy 1:43

44ויצא האמרי הישב בהר ההוא לקראתכם וירדפו אתכם כאשר תעשינה הדברים ויכתו אתכם בשעיר עד חרמהSelect Deuteronomy 1:44

45ותשבו ותבכו לפני יהוה ולא שמע יהוה בקלכם ולא האזין אליכםSelect Deuteronomy 1:45

46ותשבו בקדש ימים רבים כימים אשר ישבתםSelect Deuteronomy 1:46