11Deuteronomy 11

1ואהבת את יהוה אלהיך ושמרת משמרתו וחקתיו ומשפטיו ומצותיו—כל הימיםSelect Deuteronomy 11:1

2וידעתם היום כי לא את בניכם אשר לא ידעו ואשר לא ראו את מוסר יהוה אלהיכם את גדלו—את ידו החזקה וזרעו הנטויהSelect Deuteronomy 11:2

3ואת אתתיו ואת מעשיו אשר עשה בתוך מצרים—לפרעה מלך מצרים ולכל ארצוSelect Deuteronomy 11:3

4ואשר עשה לחיל מצרים לסוסיו ולרכבו אשר הציף את מי ים סוף על פניהם ברדפם אחריכם ויאבדם יהוה עד היום הזהSelect Deuteronomy 11:4

5ואשר עשה לכם במדבר עד באכם עד המקום הזהSelect Deuteronomy 11:5

6ואשר עשה לדתן ולאבירם בני אליאב בן ראובן אשר פצתה הארץ את פיה ותבלעם ואת בתיהם ואת אהליהם—ואת כל היקום אשר ברגליהם בקרב כל ישראלSelect Deuteronomy 11:6

7כי עיניכם הראת את כל מעשה יהוה הגדל אשר עשהSelect Deuteronomy 11:7

8ושמרתם את כל המצוה אשר אנכי מצוך היום—למען תחזקו ובאתם וירשתם את הארץ אשר אתם עברים שמה לרשתהSelect Deuteronomy 11:8

9ולמען תאריכו ימים על האדמה אשר נשבע יהוה לאבתיכם לתת להם ולזרעם—ארץ זבת חלב ודבשSelect Deuteronomy 11:9

10כי הארץ אשר אתה בא שמה לרשתה—לא כארץ מצרים הוא אשר יצאתם משם אשר תזרע את זרעך והשקית ברגלך כגן הירקSelect Deuteronomy 11:10

11והארץ אשר אתם עברים שמה לרשתה—ארץ הרים ובקעת למטר השמים תשתה מיםSelect Deuteronomy 11:11

12ארץ אשר יהוה אלהיך דרש אתה תמיד עיני יהוה אלהיך בה—מרשית השנה ועד אחרית שנהSelect Deuteronomy 11:12

13והיה אם שמע תשמעו אל מצותי אשר אנכי מצוה אתכם היום—לאהבה את יהוה אלהיכם ולעבדו בכל לבבכם ובכל נפשכםSelect Deuteronomy 11:13

14ונתתי מטר ארצכם בעתו יורה ומלקוש ואספת דגנך ותירשך ויצהרךSelect Deuteronomy 11:14

15ונתתי עשב בשדך לבהמתך ואכלת ושבעתSelect Deuteronomy 11:15

16השמרו לכם פן יפתה לבבכם וסרתם ועבדתם אלהים אחרים והשתחויתם להםSelect Deuteronomy 11:16

17וחרה אף יהוה בכם ועצר את השמים ולא יהיה מטר והאדמה לא תתן את יבולה ואבדתם מהרה מעל הארץ הטבה אשר יהוה נתן לכםSelect Deuteronomy 11:17

18ושמתם את דברי אלה על לבבכם ועל נפשכם וקשרתם אתם לאות על ידכם והיו לטוטפת בין עיניכםSelect Deuteronomy 11:18

19ולמדתם אתם את בניכם לדבר בם בשבתך בביתך ובלכתך בדרך ובשכבך ובקומךSelect Deuteronomy 11:19

20וכתבתם על מזוזות ביתך ובשעריךSelect Deuteronomy 11:20

21למען ירבו ימיכם וימי בניכם על האדמה אשר נשבע יהוה לאבתיכם לתת להם—כימי השמים על הארץSelect Deuteronomy 11:21

22כי אם שמר תשמרון את כל המצוה הזאת אשר אנכי מצוה אתכם—לעשתה לאהבה את יהוה אלהיכם ללכת בכל דרכיו—ולדבקה בוSelect Deuteronomy 11:22

23והוריש יהוה את כל הגוים האלה מלפניכם וירשתם גוים גדלים ועצמים מכםSelect Deuteronomy 11:23

24כל המקום אשר תדרך כף רגלכם בו—לכם יהיה מן המדבר והלבנון מן הנהר נהר פרת ועד הים האחרון—יהיה גבלכםSelect Deuteronomy 11:24

25לא יתיצב איש בפניכם פחדכם ומוראכם יתן יהוה אלהיכם על פני כל הארץ אשר תדרכו בה כאשר דבר לכםSelect Deuteronomy 11:25

26ראה אנכי נתן לפניכם—היום ברכה וקללהSelect Deuteronomy 11:26

27את הברכה—אשר תשמעו אל מצות יהוה אלהיכם אשר אנכי מצוה אתכם היוםSelect Deuteronomy 11:27

28והקללה אם לא תשמעו אל מצות יהוה אלהיכם וסרתם מן הדרך אשר אנכי מצוה אתכם היום ללכת אחרי אלהים אחרים—אשר לא ידעתםSelect Deuteronomy 11:28

29והיה כי יביאך יהוה אלהיך אל הארץ אשר אתה בא שמה לרשתה—ונתתה את הברכה על הר גרזים ואת הקללה על הר עיבלSelect Deuteronomy 11:29

30הלא המה בעבר הירדן אחרי דרך מבוא השמש בארץ הכנעני הישב בערבה—מול הגלגל אצל אלוני מרהSelect Deuteronomy 11:30

31כי אתם עברים את הירדן לבא לרשת את הארץ אשר יהוה אלהיכם נתן לכם וירשתם אתה וישבתם בהSelect Deuteronomy 11:31

32ושמרתם לעשות את כל החקים ואת המשפטים אשר אנכי נתן לפניכם היוםSelect Deuteronomy 11:32