19Deuteronomy 19

1כי יכרית יהוה אלהיך את הגוים אשר יהוה אלהיך נתן לך את ארצם וירשתם וישבת בעריהם ובבתיהםSelect Deuteronomy 19:1

2שלוש ערים תבדיל לך בתוך ארצך—אשר יהוה אלהיך נתן לך לרשתהSelect Deuteronomy 19:2

3תכין לך הדרך ושלשת את גבול ארצך אשר ינחילך יהוה אלהיך והיה לנוס שמה כל רצחSelect Deuteronomy 19:3

4וזה דבר הרצח אשר ינוס שמה וחי אשר יכה את רעהו בבלי דעת והוא לא שנא לו מתמל שלשםSelect Deuteronomy 19:4

5ואשר יבא את רעהו ביער לחטב עצים ונדחה ידו בגרזן לכרת העץ ונשל הברזל מן העץ ומצא את רעהו ומת הוא ינוס אל אחת הערים האלה—וחיSelect Deuteronomy 19:5

6פן ירדף גאל הדם אחרי הרצח כי יחם לבבו והשיגו כי ירבה הדרך והכהו נפש ולו אין משפט מות כי לא שנא הוא לו מתמול שלשוםSelect Deuteronomy 19:6

7על כן אנכי מצוך לאמר שלש ערים תבדיל לךSelect Deuteronomy 19:7

8ואם ירחיב יהוה אלהיך את גבלך כאשר נשבע לאבתיך ונתן לך את כל הארץ אשר דבר לתת לאבתיךSelect Deuteronomy 19:8

9כי תשמר את כל המצוה הזאת לעשתה אשר אנכי מצוך היום לאהבה את יהוה אלהיך וללכת בדרכיו כל הימים—ויספת לך עוד שלש ערים על השלש האלהSelect Deuteronomy 19:9

10ולא ישפך דם נקי בקרב ארצך אשר יהוה אלהיך נתן לך נחלה והיה עליך דמיםSelect Deuteronomy 19:10

11וכי יהיה איש שנא לרעהו וארב לו וקם עליו והכהו נפש ומת ונס אל אחת הערים האלSelect Deuteronomy 19:11

12ושלחו זקני עירו ולקחו אתו משם ונתנו אתו ביד גאל הדם—ומתSelect Deuteronomy 19:12

13לא תחוס עינך עליו ובערת דם הנקי מישראל וטוב לךSelect Deuteronomy 19:13

14לא תסיג גבול רעך אשר גבלו ראשנים—בנחלתך אשר תנחל בארץ אשר יהוה אלהיך נתן לך לרשתהSelect Deuteronomy 19:14

15לא יקום עד אחד באיש לכל עון ולכל חטאת בכל חטא אשר יחטא על פי שני עדים או על פי שלשה עדים—יקום דברSelect Deuteronomy 19:15

16כי יקום עד חמס באיש לענות בו סרהSelect Deuteronomy 19:16

17ועמדו שני האנשים אשר להם הריב לפני יהוה לפני הכהנים והשפטים אשר יהיו בימים ההםSelect Deuteronomy 19:17

18ודרשו השפטים היטב והנה עד שקר העד שקר ענה באחיוSelect Deuteronomy 19:18

19ועשיתם לו כאשר זמם לעשות לאחיו ובערת הרע מקרבךSelect Deuteronomy 19:19

20והנשארים ישמעו ויראו ולא יספו לעשות עוד כדבר הרע הזה—בקרבךSelect Deuteronomy 19:20

21ולא תחוס עינך נפש בנפש עין בעין שן בשן יד ביד רגל ברגלSelect Deuteronomy 19:21