20Deuteronomy 20

1כי תצא למלחמה על איבך וראית סוס ורכב עם רב ממך—לא תירא מהם כי יהוה אלהיך עמך המעלך מארץ מצריםSelect Deuteronomy 20:1

2והיה כקרבכם אל המלחמה ונגש הכהן ודבר אל העםSelect Deuteronomy 20:2

3ואמר אלהם שמע ישראל אתם קרבים היום למלחמה על איביכם אל ירך לבבכם אל תיראו ואל תחפזו ואל תערצו—מפניהםSelect Deuteronomy 20:3

4כי יהוה אלהיכם ההלך עמכם—להלחם לכם עם איביכם להושיע אתכםSelect Deuteronomy 20:4

5ודברו השטרים אל העם לאמר מי האיש אשר בנה בית חדש ולא חנכו ילך וישב לביתו פן ימות במלחמה ואיש אחר יחנכנוSelect Deuteronomy 20:5

6ומי האיש אשר נטע כרם ולא חללו—ילך וישב לביתו פן ימות במלחמה ואיש אחר יחללנוSelect Deuteronomy 20:6

7ומי האיש אשר ארש אשה ולא לקחה—ילך וישב לביתו פן ימות במלחמה ואיש אחר יקחנהSelect Deuteronomy 20:7

8ויספו השטרים לדבר אל העם ואמרו מי האיש הירא ורך הלבב ילך וישב לביתו ולא ימס את לבב אחיו כלבבוSelect Deuteronomy 20:8

9והיה ככלת השטרים לדבר אל העם ופקדו שרי צבאות בראש העםSelect Deuteronomy 20:9

10כי תקרב אל עיר להלחם עליה—וקראת אליה לשלוםSelect Deuteronomy 20:10

11והיה אם שלום תענך ופתחה לך והיה כל העם הנמצא בה יהיו לך למס—ועבדוךSelect Deuteronomy 20:11

12ואם לא תשלים עמך ועשתה עמך מלחמה—וצרת עליהSelect Deuteronomy 20:12

13ונתנה יהוה אלהיך בידך והכית את כל זכורה לפי חרבSelect Deuteronomy 20:13

14רק הנשים והטף והבהמה וכל אשר יהיה בעיר כל שללה—תבז לך ואכלת את שלל איביך אשר נתן יהוה אלהיך לךSelect Deuteronomy 20:14

15כן תעשה לכל הערים הרחקת ממך מאד אשר לא מערי הגוים האלה הנהSelect Deuteronomy 20:15

16רק מערי העמים האלה אשר יהוה אלהיך נתן לך נחלה—לא תחיה כל נשמהSelect Deuteronomy 20:16

17כי החרם תחרימם החתי והאמרי הכנעני והפרזי החוי והיבוסי—כאשר צוך יהוה אלהיךSelect Deuteronomy 20:17

18למען אשר לא ילמדו אתכם לעשות ככל תועבתם אשר עשו לאלהיהם וחטאתם ליהוה אלהיכםSelect Deuteronomy 20:18

19כי תצור אל עיר ימים רבים להלחם עליה לתפשה לא תשחית את עצה לנדח עליו גרזן—כי ממנו תאכל ואתו לא תכרת כי האדם עץ השדה לבא מפניך במצורSelect Deuteronomy 20:19

20רק עץ אשר תדע כי לא עץ מאכל הוא—אתו תשחית וכרת ובנית מצור על העיר אשר הוא עשה עמך מלחמה—עד רדתהSelect Deuteronomy 20:20