29Deuteronomy 29

1ויקרא משה אל כל ישראל ויאמר אלהם אתם ראיתם את כל אשר עשה יהוה לעיניכם בארץ מצרים לפרעה ולכל עבדיו ולכל ארצוSelect Deuteronomy 29:1

2המסות הגדלת אשר ראו עיניך—האתת והמפתים הגדלים ההםSelect Deuteronomy 29:2

3ולא נתן יהוה לכם לב לדעת ועינים לראות ואזנים לשמע עד היום הזהSelect Deuteronomy 29:3

4ואולך אתכם ארבעים שנה במדבר לא בלו שלמתיכם מעליכם ונעלך לא בלתה מעל רגלךSelect Deuteronomy 29:4

5לחם לא אכלתם ויין ושכר לא שתיתם—למען תדעו כי אני יהוה אלהיכםSelect Deuteronomy 29:5

6ותבאו אל המקום הזה ויצא סיחן מלך חשבון ועוג מלך הבשן לקראתנו למלחמה—ונכםSelect Deuteronomy 29:6

7ונקח את ארצם ונתנה לנחלה לראובני ולגדי—ולחצי שבט המנשיSelect Deuteronomy 29:7

8ושמרתם את דברי הברית הזאת ועשיתם אתם—למען תשכילו את כל אשר תעשוןSelect Deuteronomy 29:8

9אתם נצבים היום כלכם לפני יהוה אלהיכם ראשיכם שבטיכם זקניכם ושטריכם כל איש ישראלSelect Deuteronomy 29:9

10טפכם נשיכם—וגרך אשר בקרב מחניך מחטב עציך עד שאב מימיךSelect Deuteronomy 29:10

11לעברך בברית יהוה אלהיך—ובאלתו אשר יהוה אלהיך כרת עמך היוםSelect Deuteronomy 29:11

12למען הקים אתך היום לו לעם והוא יהיה לך לאלהים—כאשר דבר לך וכאשר נשבע לאבתיך לאברהם ליצחק וליעקבSelect Deuteronomy 29:12

13ולא אתכם לבדכם—אנכי כרת את הברית הזאת ואת האלה הזאתSelect Deuteronomy 29:13

14כי את אשר ישנו פה עמנו עמד היום לפני יהוה אלהינו ואת אשר איננו פה עמנו היוםSelect Deuteronomy 29:14

15כי אתם ידעתם את אשר ישבנו בארץ מצרים ואת אשר עברנו בקרב הגוים אשר עברתםSelect Deuteronomy 29:15

16ותראו את שקוציהם ואת גלליהם—עץ ואבן כסף וזהב אשר עמהםSelect Deuteronomy 29:16

17פן יש בכם איש או אשה או משפחה או שבט אשר לבבו פנה היום מעם יהוה אלהינו ללכת לעבד את אלהי הגוים ההם פן יש בכם שרש פרה ראש—ולענהSelect Deuteronomy 29:17

18והיה בשמעו את דברי האלה הזאת והתברך בלבבו לאמר שלום יהיה לי—כי בשררות לבי אלך למען ספות הרוה את הצמאהSelect Deuteronomy 29:18

19לא יאבה יהוה סלח לו—כי אז יעשן אף יהוה וקנאתו באיש ההוא ורבצה בו כל האלה הכתובה בספר הזה ומחה יהוה את שמו מתחת השמיםSelect Deuteronomy 29:19

20והבדילו יהוה לרעה מכל שבטי ישראל—ככל אלות הברית הכתובה בספר התורה הזהSelect Deuteronomy 29:20

21ואמר הדור האחרון בניכם אשר יקומו מאחריכם והנכרי אשר יבא מארץ רחוקה וראו את מכות הארץ ההוא ואת תחלאיה אשר חלה יהוה בהSelect Deuteronomy 29:21

22גפרית ומלח שרפה כל ארצה—לא תזרע ולא תצמח ולא יעלה בה כל עשב כמהפכת סדם ועמרה אדמה וצביים אשר הפך יהוה באפו ובחמתוSelect Deuteronomy 29:22

23ואמרו כל הגוים על מה עשה יהוה ככה לארץ הזאת מה חרי האף הגדול הזהSelect Deuteronomy 29:23

24ואמרו—על אשר עזבו את ברית יהוה אלהי אבתם אשר כרת עמם בהוציאו אתם מארץ מצריםSelect Deuteronomy 29:24

25וילכו ויעבדו אלהים אחרים וישתחוו להם אלהים אשר לא ידעום ולא חלק להםSelect Deuteronomy 29:25

26ויחר אף יהוה בארץ ההוא להביא עליה את כל הקללה הכתובה בספר הזהSelect Deuteronomy 29:26

27ויתשם יהוה מעל אדמתם באף ובחמה ובקצף גדול וישלכם אל ארץ אחרת כיום הזהSelect Deuteronomy 29:27

28הנסתרת—ליהוה אלהינו והנגלת לנו ולבנינו עד עולם—לעשות את כל דברי התורה הזאתSelect Deuteronomy 29:28