3Deuteronomy 3

1ונפן ונעל דרך הבשן ויצא עוג מלך הבשן לקראתנו הוא וכל עמו למלחמה—אדרעיSelect Deuteronomy 3:1

2ויאמר יהוה אלי אל תירא אתו—כי בידך נתתי אתו ואת כל עמו ואת ארצו ועשית לו—כאשר עשית לסיחן מלך האמרי אשר יושב בחשבוןSelect Deuteronomy 3:2

3ויתן יהוה אלהינו בידנו גם את עוג מלך הבשן—ואת כל עמו ונכהו עד בלתי השאיר לו שרידSelect Deuteronomy 3:3

4ונלכד את כל עריו בעת ההוא—לא היתה קריה אשר לא לקחנו מאתם ששים עיר כל חבל ארגב ממלכת עוג בבשןSelect Deuteronomy 3:4

5כל אלה ערים בצרת חומה גבהה—דלתים ובריח לבד מערי הפרזי הרבה מאדSelect Deuteronomy 3:5

6ונחרם אותם—כאשר עשינו לסיחן מלך חשבון החרם כל עיר מתם הנשים והטףSelect Deuteronomy 3:6

7וכל הבהמה ושלל הערים בזונו לנוSelect Deuteronomy 3:7

8ונקח בעת ההוא את הארץ מיד שני מלכי האמרי אשר בעבר הירדן—מנחל ארנן עד הר חרמוןSelect Deuteronomy 3:8

9צידנים יקראו לחרמון שרין והאמרי יקראו לו שנירSelect Deuteronomy 3:9

10כל ערי המישר וכל הגלעד וכל הבשן עד סלכה ואדרעי—ערי ממלכת עוג בבשןSelect Deuteronomy 3:10

11כי רק עוג מלך הבשן נשאר מיתר הרפאים—הנה ערשו ערש ברזל הלה הוא ברבת בני עמון תשע אמות ארכה וארבע אמות רחבה—באמת אישSelect Deuteronomy 3:11

12ואת הארץ הזאת ירשנו בעת ההוא מערער אשר על נחל ארנן וחצי הר הגלעד ועריו—נתתי לראובני ולגדיSelect Deuteronomy 3:12

13ויתר הגלעד וכל הבשן ממלכת עוג—נתתי לחצי שבט המנשה כל חבל הארגב לכל הבשן ההוא יקרא ארץ רפאיםSelect Deuteronomy 3:13

14יאיר בן מנשה לקח את כל חבל ארגב עד גבול הגשורי והמעכתי ויקרא אתם על שמו את הבשן חות יאיר עד היום הזהSelect Deuteronomy 3:14

15ולמכיר נתתי את הגלעדSelect Deuteronomy 3:15

16ולראובני ולגדי נתתי מן הגלעד ועד נחל ארנן תוך הנחל וגבל—ועד יבק הנחל גבול בני עמוןSelect Deuteronomy 3:16

17והערבה והירדן וגבל—מכנרת ועד ים הערבה ים המלח תחת אשדת הפסגה מזרחהSelect Deuteronomy 3:17

18ואצו אתכם בעת ההוא לאמר יהוה אלהיכם נתן לכם את הארץ הזאת לרשתה—חלוצים תעברו לפני אחיכם בני ישראל כל בני חילSelect Deuteronomy 3:18

19רק נשיכם וטפכם ומקנכם ידעתי כי מקנה רב לכם—ישבו בעריכם אשר נתתי לכםSelect Deuteronomy 3:19

20עד אשר יניח יהוה לאחיכם ככם וירשו גם הם את הארץ אשר יהוה אלהיכם נתן להם בעבר הירדן ושבתם איש לירשתו אשר נתתי לכםSelect Deuteronomy 3:20

21ואת יהושוע צויתי בעת ההוא לאמר עיניך הראת את כל אשר עשה יהוה אלהיכם לשני המלכים האלה—כן יעשה יהוה לכל הממלכות אשר אתה עבר שמהSelect Deuteronomy 3:21

22לא תיראום כי יהוה אלהיכם הוא הנלחם לכםSelect Deuteronomy 3:22

23ואתחנן אל יהוה בעת ההוא לאמרSelect Deuteronomy 3:23

24אדני יהוה אתה החלות להראות את עבדך את גדלך ואת ידך החזקה—אשר מי אל בשמים ובארץ אשר יעשה כמעשיך וכגבורתךSelect Deuteronomy 3:24

25אעברה נא ואראה את הארץ הטובה אשר בעבר הירדן ההר הטוב הזה והלבנןSelect Deuteronomy 3:25

26ויתעבר יהוה בי למענכם ולא שמע אלי ויאמר יהוה אלי רב לך—אל תוסף דבר אלי עוד בדבר הזהSelect Deuteronomy 3:26

27עלה ראש הפסגה ושא עיניך ימה וצפנה ותימנה ומזרחה—וראה בעיניך כי לא תעבר את הירדן הזהSelect Deuteronomy 3:27

28וצו את יהושע וחזקהו ואמצהו כי הוא יעבר לפני העם הזה והוא ינחיל אותם את הארץ אשר תראהSelect Deuteronomy 3:28

29ונשב בגיא מול בית פעורSelect Deuteronomy 3:29