31Deuteronomy 31

1וילך משה וידבר את הדברים האלה אל כל ישראלSelect Deuteronomy 31:1

2ויאמר אלהם בן מאה ועשרים שנה אנכי היום—לא אוכל עוד לצאת ולבוא ויהוה אמר אלי לא תעבר את הירדן הזהSelect Deuteronomy 31:2

3יהוה אלהיך הוא עבר לפניך הוא ישמיד את הגוים האלה מלפניך—וירשתם יהושע הוא עבר לפניך כאשר דבר יהוהSelect Deuteronomy 31:3

4ועשה יהוה להם כאשר עשה לסיחון ולעוג מלכי האמרי ולארצם—אשר השמיד אתםSelect Deuteronomy 31:4

5ונתנם יהוה לפניכם ועשיתם להם—ככל המצוה אשר צויתי אתכםSelect Deuteronomy 31:5

6חזקו ואמצו אל תיראו ואל תערצו מפניהם כי יהוה אלהיך הוא ההלך עמך—לא ירפך ולא יעזבךSelect Deuteronomy 31:6

7ויקרא משה ליהושע ויאמר אליו לעיני כל ישראל חזק ואמץ—כי אתה תבוא את העם הזה אל הארץ אשר נשבע יהוה לאבתם לתת להם ואתה תנחילנה אותםSelect Deuteronomy 31:7

8ויהוה הוא ההלך לפניך הוא יהיה עמך—לא ירפך ולא יעזבך לא תירא ולא תחתSelect Deuteronomy 31:8

9ויכתב משה את התורה הזאת ויתנה אל הכהנים בני לוי הנשאים את ארון ברית יהוה ואל כל זקני ישראלSelect Deuteronomy 31:9

10ויצו משה אותם לאמר מקץ שבע שנים במעד שנת השמטה—בחג הסכותSelect Deuteronomy 31:10

11בבוא כל ישראל לראות את פני יהוה אלהיך במקום אשר יבחר תקרא את התורה הזאת נגד כל ישראל—באזניהםSelect Deuteronomy 31:11

12הקהל את העם האנשים והנשים והטף וגרך אשר בשעריך—למען ישמעו ולמען ילמדו ויראו את יהוה אלהיכם ושמרו לעשות את כל דברי התורה הזאתSelect Deuteronomy 31:12

13ובניהם אשר לא ידעו ישמעו ולמדו—ליראה את יהוה אלהיכם כל הימים אשר אתם חיים על האדמה אשר אתם עברים את הירדן שמה לרשתהSelect Deuteronomy 31:13

14ויאמר יהוה אל משה הן קרבו ימיך למות—קרא את יהושע והתיצבו באהל מועד ואצונו וילך משה ויהושע ויתיצבו באהל מועדSelect Deuteronomy 31:14

15וירא יהוה באהל בעמוד ענן ויעמד עמוד הענן על פתח האהלSelect Deuteronomy 31:15

16ויאמר יהוה אל משה הנך שכב עם אבתיך וקם העם הזה וזנה אחרי אלהי נכר הארץ אשר הוא בא שמה בקרבו ועזבני והפר את בריתי אשר כרתי אתוSelect Deuteronomy 31:16

17וחרה אפי בו ביום ההוא ועזבתים והסתרתי פני מהם והיה לאכל ומצאהו רעות רבות וצרות ואמר ביום ההוא הלא על כי אין אלהי בקרבי מצאוני הרעות האלהSelect Deuteronomy 31:17

18ואנכי הסתר אסתיר פני ביום ההוא על כל הרעה אשר עשה כי פנה אל אלהים אחריםSelect Deuteronomy 31:18

19ועתה כתבו לכם את השירה הזאת ולמדה את בני ישראל שימה בפיהם למען תהיה לי השירה הזאת לעד—בבני ישראלSelect Deuteronomy 31:19

20כי אביאנו אל האדמה אשר נשבעתי לאבתיו זבת חלב ודבש ואכל ושבע ודשן ופנה אל אלהים אחרים ועבדום ונאצוני והפר את בריתיSelect Deuteronomy 31:20

21והיה כי תמצאן אתו רעות רבות וצרות וענתה השירה הזאת לפניו לעד כי לא תשכח מפי זרעו כי ידעתי את יצרו אשר הוא עשה היום בטרם אביאנו אל הארץ אשר נשבעתיSelect Deuteronomy 31:21

22ויכתב משה את השירה הזאת ביום ההוא וילמדה את בני ישראלSelect Deuteronomy 31:22

23ויצו את יהושע בן נון ויאמר חזק ואמץ—כי אתה תביא את בני ישראל אל הארץ אשר נשבעתי להם ואנכי אהיה עמךSelect Deuteronomy 31:23

24ויהי ככלות משה לכתב את דברי התורה הזאת—על ספר עד תמםSelect Deuteronomy 31:24

25ויצו משה את הלוים נשאי ארון ברית יהוה לאמרSelect Deuteronomy 31:25

26לקח את ספר התורה הזה ושמתם אתו מצד ארון ברית יהוה אלהיכם והיה שם בך לעדSelect Deuteronomy 31:26

27כי אנכי ידעתי את מריך ואת ערפך הקשה הן בעודני חי עמכם היום ממרים היתם עם יהוה ואף כי אחרי מותיSelect Deuteronomy 31:27

28הקהילו אלי את כל זקני שבטיכם ושטריכם ואדברה באזניהם את הדברים האלה ואעידה בם את השמים ואת הארץSelect Deuteronomy 31:28

29כי ידעתי אחרי מותי כי השחת תשחתון וסרתם מן הדרך אשר צויתי אתכם וקראת אתכם הרעה באחרית הימים—כי תעשו את הרע בעיני יהוה להכעיסו במעשה ידיכםSelect Deuteronomy 31:29

30וידבר משה באזני כל קהל ישראל את דברי השירה הזאת—עד תמםSelect Deuteronomy 31:30