32Deuteronomy 32

1האזינו השמים ואדברה ותשמע הארץ אמרי פיSelect Deuteronomy 32:1

2יערף כמטר לקחי תזל כטל אמרתי כשעירם עלי דשא וכרביבים עלי עשבSelect Deuteronomy 32:2

3כי שם יהוה אקרא הבו גדל לאלהינוSelect Deuteronomy 32:3

4הצור תמים פעלו כי כל דרכיו משפט אל אמונה ואין עול צדיק וישר הואSelect Deuteronomy 32:4

5שחת לו לא בניו מומם דור עקש ופתלתלSelect Deuteronomy 32:5

6ה ליהוה תגמלו זאת— עם נבל ולא חכם הלוא הוא אביך קנך הוא עשך ויכננךSelect Deuteronomy 32:6

7זכר ימות עולם בינו שנות דר ודר שאל אביך ויגדך זקניך ויאמרו לךSelect Deuteronomy 32:7

8בהנחל עליון גוים בהפרידו בני אדם יצב גבלת עמים למספר בני ישראלSelect Deuteronomy 32:8

9כי חלק יהוה עמו יעקב חבל נחלתוSelect Deuteronomy 32:9

10ימצאהו בארץ מדבר ובתהו ילל ישמן יסבבנהו יבוננהו— יצרנהו כאישון עינוSelect Deuteronomy 32:10

11כנשר יעיר קנו על גוזליו ירחף יפרש כנפיו יקחהו ישאהו על אברתוSelect Deuteronomy 32:11

12יהוה בדד ינחנו ואין עמו אל נכרSelect Deuteronomy 32:12

13ירכבהו על במותי (במתי) ארץ ויאכל תנובת שדי וינקהו דבש מסלע ושמן מחלמיש צורSelect Deuteronomy 32:13

14חמאת בקר וחלב צאן עם חלב כרים ואילים בני בשן ועתודים עם חלב כליות חטה ודם ענב תשתה חמרSelect Deuteronomy 32:14

15וישמן ישרון ויבעט שמנת עבית כשית ויטש אלוה עשהו וינבל צור ישעתוSelect Deuteronomy 32:15

16יקנאהו בזרים בתועבת יכעיסהוSelect Deuteronomy 32:16

17יזבחו לשדים לא אלה— אלהים לא ידעום חדשים מקרב באו לא שערום אבתיכםSelect Deuteronomy 32:17

18צור ילדך תשי ותשכח אל מחללךSelect Deuteronomy 32:18

19וירא יהוה וינאץ מכעס בניו ובנתיוSelect Deuteronomy 32:19

20ויאמר אסתירה פני מהם— אראה מה אחריתם כי דור תהפכת המה בנים לא אמן בםSelect Deuteronomy 32:20

21הם קנאוני בלא אל כעסוני בהבליהם ואני אקניאם בלא עם בגוי נבל אכעיסםSelect Deuteronomy 32:21

22כי אש קדחה באפי ותיקד עד שאול תחתית ותאכל ארץ ויבלה ותלהט מוסדי הריםSelect Deuteronomy 32:22

23אספה עלימו רעות חצי אכלה בםSelect Deuteronomy 32:23

24מזי רעב ולחמי רשף וקטב מרירי ושן בהמת אשלח בם עם חמת זחלי עפרSelect Deuteronomy 32:24

25מחוץ תשכל חרב ומחדרים אימה גם בחור גם בתולה—יונק עם איש שיבהSelect Deuteronomy 32:25

26אמרתי אפאיהם אשביתה מאנוש זכרםSelect Deuteronomy 32:26

27לולי כעס אויב אגור— פן ינכרו צרימו פן יאמרו ידנו רמה ולא יהוה פעל כל זאתSelect Deuteronomy 32:27

28כי גוי אבד עצות המה ואין בהם תבונהSelect Deuteronomy 32:28

29לו חכמו ישכילו זאת יבינו לאחריתםSelect Deuteronomy 32:29

30איכה ירדף אחד אלף ושנים יניסו רבבה אם לא כי צורם מכרם ויהוה הסגירםSelect Deuteronomy 32:30

31כי לא כצורנו צורם ואיבינו פליליםSelect Deuteronomy 32:31

32כי מגפן סדם גפנם ומשדמת עמרה ענבמו ענבי רוש— אשכלת מררת למוSelect Deuteronomy 32:32

33חמת תנינם יינם וראש פתנים אכזרSelect Deuteronomy 32:33

34הלא הוא כמס עמדי חתום באוצרתיSelect Deuteronomy 32:34

35לי נקם ושלם לעת תמוט רגלם כי קרוב יום אידם וחש עתדת למוSelect Deuteronomy 32:35

36כי ידין יהוה עמו ועל עבדיו יתנחם כי יראה כי אזלת יד ואפס עצור ועזובSelect Deuteronomy 32:36

37ואמר אי אלהימו— צור חסיו בוSelect Deuteronomy 32:37

38אשר חלב זבחימו יאכלו ישתו יין נסיכם יקומו ויעזרכם— יהי עליכם סתרהSelect Deuteronomy 32:38

39ראו עתה כי אני אני הוא ואין אלהים עמדי אני אמית ואחיה מחצתי ואני ארפא ואין מידי מצילSelect Deuteronomy 32:39

40כי אשא אל שמים ידי ואמרתי חי אנכי לעלםSelect Deuteronomy 32:40

41אם שנותי ברק חרבי ותאחז במשפט ידי אשיב נקם לצרי ולמשנאי אשלםSelect Deuteronomy 32:41

42אשכיר חצי מדם וחרבי תאכל בשר מדם חלל ושביה מראש פרעות אויבSelect Deuteronomy 32:42

43הרנינו גוים עמו כי דם עבדיו יקום ונקם ישיב לצריו וכפר אדמתו עמוSelect Deuteronomy 32:43

44ויבא משה וידבר את כל דברי השירה הזאת—באזני העם הוא והושע בן נוןSelect Deuteronomy 32:44

45ויכל משה לדבר את כל הדברים האלה—אל כל ישראלSelect Deuteronomy 32:45

46ויאמר אלהם שימו לבבכם לכל הדברים אשר אנכי מעיד בכם היום אשר תצום את בניכם לשמר לעשות את כל דברי התורה הזאתSelect Deuteronomy 32:46

47כי לא דבר רק הוא מכם—כי הוא חייכם ובדבר הזה תאריכו ימים על האדמה אשר אתם עברים את הירדן שמה לרשתהSelect Deuteronomy 32:47

48וידבר יהוה אל משה בעצם היום הזה לאמרSelect Deuteronomy 32:48

49עלה אל הר העברים הזה הר נבו אשר בארץ מואב אשר על פני ירחו וראה את ארץ כנען אשר אני נתן לבני ישראל לאחזהSelect Deuteronomy 32:49

50ומת בהר אשר אתה עלה שמה והאסף אל עמיך כאשר מת אהרן אחיך בהר ההר ויאסף אל עמיוSelect Deuteronomy 32:50

51על אשר מעלתם בי בתוך בני ישראל במי מריבת קדש מדבר צן—על אשר לא קדשתם אותי בתוך בני ישראלSelect Deuteronomy 32:51

52כי מנגד תראה את הארץ ושמה לא תבוא—אל הארץ אשר אני נתן לבני ישראלSelect Deuteronomy 32:52