34Deuteronomy 34

1ויעל משה מערבת מואב אל הר נבו ראש הפסגה אשר על פני ירחו ויראהו יהוה את כל הארץ את הגלעד עד דןSelect Deuteronomy 34:1

2ואת כל נפתלי ואת ארץ אפרים ומנשה ואת כל ארץ יהודה עד הים האחרוןSelect Deuteronomy 34:2

3ואת הנגב ואת הככר בקעת ירחו עיר התמרים—עד צערSelect Deuteronomy 34:3

4ויאמר יהוה אליו זאת הארץ אשר נשבעתי לאברהם ליצחק וליעקב לאמר לזרעך אתננה הראיתיך בעיניך ושמה לא תעברSelect Deuteronomy 34:4

5וימת שם משה עבד יהוה בארץ מואב—על פי יהוהSelect Deuteronomy 34:5

6ויקבר אתו בגי בארץ מואב מול בית פעור ולא ידע איש את קברתו עד היום הזהSelect Deuteronomy 34:6

7ומשה בן מאה ועשרים שנה—במתו לא כהתה עינו ולא נס לחהSelect Deuteronomy 34:7

8ויבכו בני ישראל את משה בערבת מואב שלשים יום ויתמו ימי בכי אבל משהSelect Deuteronomy 34:8

9ויהושע בן נון מלא רוח חכמה—כי סמך משה את ידיו עליו וישמעו אליו בני ישראל ויעשו כאשר צוה יהוה את משהSelect Deuteronomy 34:9

10ולא קם נביא עוד בישראל כמשה אשר ידעו יהוה פנים אל פניםSelect Deuteronomy 34:10

11לכל האתת והמופתים אשר שלחו יהוה לעשות בארץ מצרים—לפרעה ולכל עבדיו ולכל ארצוSelect Deuteronomy 34:11

12ולכל היד החזקה ולכל המורא הגדול אשר עשה משה לעיני כל ישראלSelect Deuteronomy 34:12