9Deuteronomy 9

1שמע ישראל אתה עבר היום את הירדן לבא לרשת גוים גדלים ועצמים ממך—ערים גדלת ובצרת בשמיםSelect Deuteronomy 9:1

2עם גדול ורם בני ענקים אשר אתה ידעת ואתה שמעת—מי יתיצב לפני בני ענקSelect Deuteronomy 9:2

3וידעת היום כי יהוה אלהיך הוא העבר לפניך אש אכלה—הוא ישמידם והוא יכניעם לפניך והורשתם והאבדתם מהר כאשר דבר יהוה לךSelect Deuteronomy 9:3

4אל תאמר בלבבך בהדף יהוה אלהיך אתם מלפניך לאמר בצדקתי הביאני יהוה לרשת את הארץ הזאת וברשעת הגוים האלה יהוה מורישם מפניךSelect Deuteronomy 9:4

5לא בצדקתך ובישר לבבך אתה בא לרשת את ארצם כי ברשעת הגוים האלה יהוה אלהיך מורישם מפניך ולמען הקים את הדבר אשר נשבע יהוה לאבתיך לאברהם ליצחק וליעקבSelect Deuteronomy 9:5

6וידעת כי לא בצדקתך יהוה אלהיך נתן לך את הארץ הטובה הזאת—לרשתה כי עם קשה ערף אתהSelect Deuteronomy 9:6

7זכר אל תשכח את אשר הקצפת את יהוה אלהיך במדבר למן היום אשר יצאת מארץ מצרים עד באכם עד המקום הזה ממרים הייתם עם יהוהSelect Deuteronomy 9:7

8ובחרב הקצפתם את יהוה ויתאנף יהוה בכם להשמיד אתכםSelect Deuteronomy 9:8

9בעלתי ההרה לקחת לוחת האבנים לוחת הברית אשר כרת יהוה עמכם ואשב בהר ארבעים יום וארבעים לילה—לחם לא אכלתי ומים לא שתיתיSelect Deuteronomy 9:9

10ויתן יהוה אלי את שני לוחת האבנים—כתבים באצבע אלהים ועליהם ככל הדברים אשר דבר יהוה עמכם בהר מתוך האש—ביום הקהלSelect Deuteronomy 9:10

11ויהי מקץ ארבעים יום וארבעים לילה נתן יהוה אלי את שני לחת האבנים—לחות הבריתSelect Deuteronomy 9:11

12ויאמר יהוה אלי קום רד מהר מזה—כי שחת עמך אשר הוצאת ממצרים סרו מהר מן הדרך אשר צויתם—עשו להם מסכהSelect Deuteronomy 9:12

13ויאמר יהוה אלי לאמר ראיתי את העם הזה והנה עם קשה ערף הואSelect Deuteronomy 9:13

14הרף ממני ואשמידם ואמחה את שמם מתחת השמים ואעשה אותך לגוי עצום ורב ממנוSelect Deuteronomy 9:14

15ואפן וארד מן ההר וההר בער באש ושני לוחת הברית על שתי ידיSelect Deuteronomy 9:15

16וארא והנה חטאתם ליהוה אלהיכם—עשיתם לכם עגל מסכה סרתם מהר—מן הדרך אשר צוה יהוה אתכםSelect Deuteronomy 9:16

17ואתפש בשני הלחת ואשלכם מעל שתי ידי ואשברם לעיניכםSelect Deuteronomy 9:17

18ואתנפל לפני יהוה כראשנה ארבעים יום וארבעים לילה—לחם לא אכלתי ומים לא שתיתי על כל חטאתכם אשר חטאתם לעשות הרע בעיני יהוה להכעיסוSelect Deuteronomy 9:18

19כי יגרתי מפני האף והחמה אשר קצף יהוה עליכם להשמיד אתכם וישמע יהוה אלי גם בפעם ההואSelect Deuteronomy 9:19

20ובאהרן התאנף יהוה מאד—להשמידו ואתפלל גם בעד אהרן בעת ההואSelect Deuteronomy 9:20

21ואת חטאתכם אשר עשיתם את העגל לקחתי ואשרף אתו באש ואכת אתו טחון היטב עד אשר דק לעפר ואשלך את עפרו אל הנחל הירד מן ההרSelect Deuteronomy 9:21

22ובתבערה ובמסה ובקברת התאוה—מקצפים הייתם את יהוהSelect Deuteronomy 9:22

23ובשלח יהוה אתכם מקדש ברנע לאמר עלו ורשו את הארץ אשר נתתי לכם ותמרו את פי יהוה אלהיכם ולא האמנתם לו ולא שמעתם בקלוSelect Deuteronomy 9:23

24ממרים הייתם עם יהוה מיום דעתי אתכםSelect Deuteronomy 9:24

25ואתנפל לפני יהוה את ארבעים היום ואת ארבעים הלילה—אשר התנפלתי כי אמר יהוה להשמיד אתכםSelect Deuteronomy 9:25

26ואתפלל אל יהוה ואמר אדני יהוה אל תשחת עמך ונחלתך אשר פדית בגדלך—אשר הוצאת ממצרים ביד חזקהSelect Deuteronomy 9:26

27זכר לעבדיך—לאברהם ליצחק וליעקב אל תפן אל קשי העם הזה ואל רשעו ואל חטאתוSelect Deuteronomy 9:27

28פן יאמרו הארץ אשר הוצאתנו משם מבלי יכלת יהוה להביאם אל הארץ אשר דבר להם ומשנאתו אותם הוציאם להמתם במדברSelect Deuteronomy 9:28

29והם עמך ונחלתך אשר הוצאת בכחך הגדל ובזרעך הנטויהSelect Deuteronomy 9:29