Exodus 17
Aleppo Codex
Translation: ALEPPO
Modern translations such as the NIV or ESV are not available yet. They need a license, and we will add them when one is in place. All translations and their sources
1ויסעו כל עדת בני ישראל ממדבר סין למסעיהם—על פי יהוה ויחנו ברפידים ואין מים לשתת העםSelect Exodus 17:1
2וירב העם עם משה ויאמרו תנו לנו מים ונשתה ויאמר להם משה מה תריבון עמדי מה תנסון את יהוהSelect Exodus 17:2
3ויצמא שם העם למים וילן העם על משה ויאמר למה זה העליתנו ממצרים להמית אתי ואת בני ואת מקני בצמאSelect Exodus 17:3
4ויצעק משה אל יהוה לאמר מה אעשה לעם הזה עוד מעט וסקלניSelect Exodus 17:4
5ויאמר יהוה אל משה עבר לפני העם וקח אתך מזקני ישראל ומטך אשר הכית בו את היאר—קח בידך והלכתSelect Exodus 17:5
6הנני עמד לפניך שם על הצור בחרב והכית בצור ויצאו ממנו מים ושתה העם ויעש כן משה לעיני זקני ישראלSelect Exodus 17:6
7ויקרא שם המקום מסה ומריבה על ריב בני ישראל ועל נסתם את יהוה לאמר היש יהוה בקרבנו אם איןSelect Exodus 17:7
8ויבא עמלק וילחם עם ישראל ברפידםSelect Exodus 17:8
9ויאמר משה אל יהושע בחר לנו אנשים וצא הלחם בעמלק מחר אנכי נצב על ראש הגבעה ומטה האלהים בידיSelect Exodus 17:9
10ויעש יהושע כאשר אמר לו משה—להלחם בעמלק ומשה אהרן וחור עלו ראש הגבעהSelect Exodus 17:10
11והיה כאשר ירים משה ידו—וגבר ישראל וכאשר יניח ידו וגבר עמלקSelect Exodus 17:11
12וידי משה כבדים ויקחו אבן וישימו תחתיו וישב עליה ואהרן וחור תמכו בידיו מזה אחד ומזה אחד ויהי ידיו אמונה עד בא השמשSelect Exodus 17:12
13ויחלש יהושע את עמלק ואת עמו לפי חרבSelect Exodus 17:13
14ויאמר יהוה אל משה כתב זאת זכרון בספר ושים באזני יהושע כי מחה אמחה את זכר עמלק מתחת השמיםSelect Exodus 17:14
15ויבן משה מזבח ויקרא שמו יהוה נסיSelect Exodus 17:15
16ויאמר כי יד על כס יה מלחמה ליהוה בעמלק—מדר דרSelect Exodus 17:16
Aleppo Codex (ALEPPO). Public domain. Text from the CrossWire Bible Society module. About this translation