2Exodus 2

1וילך איש מבית לוי ויקח את בת לויSelect Exodus 2:1

2ותהר האשה ותלד בן ותרא אתו כי טוב הוא ותצפנהו שלשה ירחיםSelect Exodus 2:2

3ולא יכלה עוד הצפינו ותקח לו תבת גמא ותחמרה בחמר ובזפת ותשם בה את הילד ותשם בסוף על שפת היארSelect Exodus 2:3

4ותתצב אחתו מרחק לדעה מה יעשה לוSelect Exodus 2:4

5ותרד בת פרעה לרחץ על היאר ונערתיה הלכת על יד היאר ותרא את התבה בתוך הסוף ותשלח את אמתה ותקחהSelect Exodus 2:5

6ותפתח ותראהו את הילד והנה נער בכה ותחמל עליו—ותאמר מילדי העברים זהSelect Exodus 2:6

7ותאמר אחתו אל בת פרעה האלך וקראתי לך אשה מינקת מן העברית ותינק לך את הילדSelect Exodus 2:7

8ותאמר לה בת פרעה לכי ותלך העלמה ותקרא את אם הילדSelect Exodus 2:8

9ותאמר לה בת פרעה היליכי את הילד הזה והינקהו לי ואני אתן את שכרך ותקח האשה הילד ותניקהוSelect Exodus 2:9

10ויגדל הילד ותבאהו לבת פרעה ויהי לה לבן ותקרא שמו משה ותאמר כי מן המים משיתהוSelect Exodus 2:10

11ויהי בימים ההם ויגדל משה ויצא אל אחיו וירא בסבלתם וירא איש מצרי מכה איש עברי מאחיוSelect Exodus 2:11

12ויפן כה וכה וירא כי אין איש ויך את המצרי ויטמנהו בחולSelect Exodus 2:12

13ויצא ביום השני והנה שני אנשים עברים נצים ויאמר לרשע למה תכה רעךSelect Exodus 2:13

14ויאמר מי שמך לאיש שר ושפט עלינו—הלהרגני אתה אמר כאשר הרגת את המצרי ויירא משה ויאמר אכן נודע הדברSelect Exodus 2:14

15וישמע פרעה את הדבר הזה ויבקש להרג את משה ויברח משה מפני פרעה וישב בארץ מדין וישב על הבארSelect Exodus 2:15

16ולכהן מדין שבע בנות ותבאנה ותדלנה ותמלאנה את הרהטים להשקות צאן אביהןSelect Exodus 2:16

17ויבאו הרעים ויגרשום ויקם משה ויושען וישק את צאנםSelect Exodus 2:17

18ותבאנה אל רעואל אביהן ויאמר מדוע מהרתן בא היוםSelect Exodus 2:18

19ותאמרן—איש מצרי הצילנו מיד הרעים וגם דלה דלה לנו וישק את הצאןSelect Exodus 2:19

20ויאמר אל בנתיו ואיו למה זה עזבתן את האיש קראן לו ויאכל לחםSelect Exodus 2:20

21ויואל משה לשבת את האיש ויתן את צפרה בתו למשהSelect Exodus 2:21

22ותלד בן ויקרא את שמו גרשם כי אמר—גר הייתי בארץ נכריהSelect Exodus 2:22

23ויהי בימים הרבים ההם וימת מלך מצרים ויאנחו בני ישראל מן העבדה ויזעקו ותעל שועתם אל האלהים מן העבדהSelect Exodus 2:23

24וישמע אלהים את נאקתם ויזכר אלהים את בריתו את אברהם את יצחק ואת יעקבSelect Exodus 2:24

25וירא אלהים את בני ישראל וידע אלהיםSelect Exodus 2:25