22Exodus 22

1אם במחתרת ימצא הגנב והכה ומת—אין לו דמיםSelect Exodus 22:1

2אם זרחה השמש עליו דמים לו שלם ישלם—אם אין לו ונמכר בגנבתוSelect Exodus 22:2

3אם המצא תמצא בידו הגנבה משור עד חמור עד שה—חיים שנים ישלםSelect Exodus 22:3

4כי יבער איש שדה או כרם ושלח את בעירה ובער בשדה אחר—מיטב שדהו ומיטב כרמו ישלםSelect Exodus 22:4

5כי תצא אש ומצאה קצים ונאכל גדיש או הקמה או השדה—שלם ישלם המבער את הבערהSelect Exodus 22:5

6כי יתן איש אל רעהו כסף או כלים לשמר וגנב מבית האיש—אם ימצא הגנב ישלם שניםSelect Exodus 22:6

7אם לא ימצא הגנב ונקרב בעל הבית אל האלהים אם לא שלח ידו במלאכת רעהוSelect Exodus 22:7

8על כל דבר פשע על שור על חמור על שה על שלמה על כל אבדה אשר יאמר כי הוא זה—עד האלהים יבא דבר שניהם אשר ירשיען אלהים ישלם שנים לרעהוSelect Exodus 22:8

9כי יתן איש אל רעהו חמור או שור או שה וכל בהמה—לשמר ומת או נשבר או נשבה אין ראהSelect Exodus 22:9

10שבעת יהוה תהיה בין שניהם—אם לא שלח ידו במלאכת רעהו ולקח בעליו ולא ישלםSelect Exodus 22:10

11ואם גנב יגנב מעמו—ישלם לבעליוSelect Exodus 22:11

12אם טרף יטרף יבאהו עד הטרפה לא ישלםSelect Exodus 22:12

13וכי ישאל איש מעם רעהו ונשבר או מת בעליו אין עמו שלם ישלםSelect Exodus 22:13

14אם בעליו עמו לא ישלם אם שכיר הוא בא בשכרוSelect Exodus 22:14

15וכי יפתה איש בתולה אשר לא ארשה—ושכב עמה מהר ימהרנה לו לאשהSelect Exodus 22:15

16אם מאן ימאן אביה לתתה לו—כסף ישקל כמהר הבתולתSelect Exodus 22:16

17מכשפה לא תחיהSelect Exodus 22:17

18כל שכב עם בהמה מות יומתSelect Exodus 22:18

19זבח לאלהים יחרם—בלתי ליהוה לבדוSelect Exodus 22:19

20וגר לא תונה ולא תלחצנו כי גרים הייתם בארץ מצריםSelect Exodus 22:20

21כל אלמנה ויתום לא תענוןSelect Exodus 22:21

22אם ענה תענה אתו—כי אם צעק יצעק אלי שמע אשמע צעקתוSelect Exodus 22:22

23וחרה אפי והרגתי אתכם בחרב והיו נשיכם אלמנות ובניכם יתמיםSelect Exodus 22:23

24אם כסף תלוה את עמי את העני עמך—לא תהיה לו כנשה לא תשימון עליו נשךSelect Exodus 22:24

25אם חבל תחבל שלמת רעך—עד בא השמש תשיבנו לוSelect Exodus 22:25

26כי הוא כסותה לבדה הוא שמלתו לערו במה ישכב—והיה כי יצעק אלי ושמעתי כי חנון אניSelect Exodus 22:26

27אלהים לא תקלל ונשיא בעמך לא תארSelect Exodus 22:27

28מלאתך ודמעך לא תאחר בכור בניך תתן ליSelect Exodus 22:28

29כן תעשה לשרך לצאנך שבעת ימים יהיה עם אמו ביום השמיני תתנו ליSelect Exodus 22:29

30ואנשי קדש תהיון לי ובשר בשדה טרפה לא תאכלו לכלב תשלכון אתוSelect Exodus 22:30