23Exodus 23

1לא תשא שמע שוא אל תשת ידך עם רשע להית עד חמסSelect Exodus 23:1

2לא תהיה אחרי רבים לרעת ולא תענה על רב לנטת אחרי רבים—להטתSelect Exodus 23:2

3ודל לא תהדר בריבוSelect Exodus 23:3

4כי תפגע שור איבך או חמרו—תעה השב תשיבנו לוSelect Exodus 23:4

5כי תראה חמור שנאך רבץ תחת משאו וחדלת מעזב לו—עזב תעזב עמוSelect Exodus 23:5

6לא תטה משפט אבינך בריבוSelect Exodus 23:6

7מדבר שקר תרחק ונקי וצדיק אל תהרג כי לא אצדיק רשעSelect Exodus 23:7

8ושחד לא תקח כי השחד יעור פקחים ויסלף דברי צדיקיםSelect Exodus 23:8

9וגר לא תלחץ ואתם ידעתם את נפש הגר—כי גרים הייתם בארץ מצריםSelect Exodus 23:9

10ושש שנים תזרע את ארצך ואספת את תבואתהSelect Exodus 23:10

11והשביעת תשמטנה ונטשתה ואכלו אביני עמך ויתרם תאכל חית השדה כן תעשה לכרמך לזיתךSelect Exodus 23:11

12ששת ימים תעשה מעשיך וביום השביעי תשבת—למען ינוח שורך וחמרך וינפש בן אמתך והגרSelect Exodus 23:12

13ובכל אשר אמרתי אליכם תשמרו ושם אלהים אחרים לא תזכירו לא ישמע על פיךSelect Exodus 23:13

14שלש רגלים תחג לי בשנהSelect Exodus 23:14

15את חג המצות תשמר—שבעת ימים תאכל מצות כאשר צויתך למועד חדש האביב כי בו יצאת ממצרים ולא יראו פני ריקםSelect Exodus 23:15

16וחג הקציר בכורי מעשיך אשר תזרע בשדה וחג האסף בצאת השנה באספך את מעשיך מן השדהSelect Exodus 23:16

17שלש פעמים בשנה—יראה כל זכורך אל פני האדן יהוהSelect Exodus 23:17

18לא תזבח על חמץ דם זבחי ולא ילין חלב חגי עד בקרSelect Exodus 23:18

19ראשית בכורי אדמתך תביא בית יהוה אלהיך לא תבשל גדי בחלב אמוSelect Exodus 23:19

20הנה אנכי שלח מלאך לפניך לשמרך בדרך ולהביאך אל המקום אשר הכנתיSelect Exodus 23:20

21השמר מפניו ושמע בקלו אל תמר בו כי לא ישא לפשעכם כי שמי בקרבוSelect Exodus 23:21

22כי אם שמוע תשמע בקלו ועשית כל אשר אדבר—ואיבתי את איביך וצרתי את צרריךSelect Exodus 23:22

23כי ילך מלאכי לפניך והביאך אל האמרי והחתי והפרזי והכנעני החוי והיבוסי והכחדתיוSelect Exodus 23:23

24לא תשתחוה לאלהיהם ולא תעבדם ולא תעשה כמעשיהם כי הרס תהרסם ושבר תשבר מצבתיהםSelect Exodus 23:24

25ועבדתם את יהוה אלהיכם וברך את לחמך ואת מימיך והסרתי מחלה מקרבךSelect Exodus 23:25

26לא תהיה משכלה ועקרה בארצך את מספר ימיך אמלאSelect Exodus 23:26

27את אימתי אשלח לפניך והמתי את כל העם אשר תבא בהם ונתתי את כל איביך אליך ערףSelect Exodus 23:27

28ושלחתי את הצרעה לפניך וגרשה את החוי את הכנעני ואת החתי—מלפניךSelect Exodus 23:28

29לא אגרשנו מפניך בשנה אחת פן תהיה הארץ שממה ורבה עליך חית השדהSelect Exodus 23:29

30מעט מעט אגרשנו מפניך עד אשר תפרה ונחלת את הארץSelect Exodus 23:30

31ושתי את גבלך מים סוף ועד ים פלשתים וממדבר עד הנהר כי אתן בידכם את ישבי הארץ וגרשתמו מפניךSelect Exodus 23:31

32לא תכרת להם ולאלהיהם בריתSelect Exodus 23:32

33לא ישבו בארצך פן יחטיאו אתך לי כי תעבד את אלהיהם כי יהיה לך למוקשSelect Exodus 23:33