24Exodus 24

1ואל משה אמר עלה אל יהוה אתה ואהרן נדב ואביהוא ושבעים מזקני ישראל והשתחויתם מרחקSelect Exodus 24:1

2ונגש משה לבדו אל יהוה והם לא יגשו והעם לא יעלו עמוSelect Exodus 24:2

3ויבא משה ויספר לעם את כל דברי יהוה ואת כל המשפטים ויען כל העם קול אחד ויאמרו כל הדברים אשר דבר יהוה נעשהSelect Exodus 24:3

4ויכתב משה את כל דברי יהוה וישכם בבקר ויבן מזבח תחת ההר ושתים עשרה מצבה לשנים עשר שבטי ישראלSelect Exodus 24:4

5וישלח את נערי בני ישראל ויעלו עלת ויזבחו זבחים שלמים ליהוה—פריםSelect Exodus 24:5

6ויקח משה חצי הדם וישם באגנת וחצי הדם זרק על המזבחSelect Exodus 24:6

7ויקח ספר הברית ויקרא באזני העם ויאמרו כל אשר דבר יהוה נעשה ונשמעSelect Exodus 24:7

8ויקח משה את הדם ויזרק על העם ויאמר הנה דם הברית אשר כרת יהוה עמכם על כל הדברים האלהSelect Exodus 24:8

9ויעל משה ואהרן—נדב ואביהוא ושבעים מזקני ישראלSelect Exodus 24:9

10ויראו את אלהי ישראל ותחת רגליו כמעשה לבנת הספיר וכעצם השמים לטהרSelect Exodus 24:10

11ואל אצילי בני ישראל לא שלח ידו ויחזו את האלהים ויאכלו וישתוSelect Exodus 24:11

12ויאמר יהוה אל משה עלה אלי ההרה—והיה שם ואתנה לך את לחת האבן והתורה והמצוה אשר כתבתי להורתםSelect Exodus 24:12

13ויקם משה ויהושע משרתו ויעל משה אל הר האלהיםSelect Exodus 24:13

14ואל הזקנים אמר שבו לנו בזה עד אשר נשוב אליכם והנה אהרן וחור עמכם מי בעל דברים יגש אלהםSelect Exodus 24:14

15ויעל משה אל ההר ויכס הענן את ההרSelect Exodus 24:15

16וישכן כבוד יהוה על הר סיני ויכסהו הענן ששת ימים ויקרא אל משה ביום השביעי מתוך הענןSelect Exodus 24:16

17ומראה כבוד יהוה כאש אכלת בראש ההר לעיני בני ישראלSelect Exodus 24:17

18ויבא משה בתוך הענן ויעל אל ההר ויהי משה בהר ארבעים יום וארבעים לילהSelect Exodus 24:18