26Exodus 26

1ואת המשכן תעשה עשר יריעת שש משזר ותכלת וארגמן ותלעת שני—כרבים מעשה חשב תעשה אתםSelect Exodus 26:1

2ארך היריעה האחת שמנה ועשרים באמה ורחב ארבע באמה היריעה האחת מדה אחת לכל היריעתSelect Exodus 26:2

3חמש היריעת תהיין חברת אשה אל אחתה וחמש יריעת חברת אשה אל אחתהSelect Exodus 26:3

4ועשית ללאת תכלת על שפת היריעה האחת מקצה בחברת וכן תעשה בשפת היריעה הקיצונה במחברת השניתSelect Exodus 26:4

5חמשים ללאת תעשה ביריעה האחת וחמשים ללאת תעשה בקצה היריעה אשר במחברת השנית מקבילת הללאת אשה אל אחתהSelect Exodus 26:5

6ועשית חמשים קרסי זהב וחברת את היריעת אשה אל אחתה בקרסים והיה המשכן אחדSelect Exodus 26:6

7ועשית יריעת עזים לאהל על המשכן עשתי עשרה יריעת תעשה אתםSelect Exodus 26:7

8ארך היריעה האחת שלשים באמה ורחב ארבע באמה היריעה האחת מדה אחת לעשתי עשרה יריעתSelect Exodus 26:8

9וחברת את חמש היריעת לבד ואת שש היריעת לבד וכפלת את היריעה הששית אל מול פני האהלSelect Exodus 26:9

10ועשית חמשים ללאת על שפת היריעה האחת הקיצנה בחברת וחמשים ללאת על שפת היריעה החברת השניתSelect Exodus 26:10

11ועשית קרסי נחשת חמשים והבאת את הקרסים בללאת וחברת את האהל והיה אחדSelect Exodus 26:11

12וסרח העדף ביריעת האהל—חצי היריעה העדפת תסרח על אחרי המשכןSelect Exodus 26:12

13והאמה מזה והאמה מזה בעדף בארך יריעת האהל יהיה סרוח על צדי המשכן מזה ומזה—לכסתוSelect Exodus 26:13

14ועשית מכסה לאהל ערת אילם מאדמים ומכסה ערת תחשים מלמעלהSelect Exodus 26:14

15ועשית את הקרשים למשכן עצי שטים עמדיםSelect Exodus 26:15

16עשר אמות ארך הקרש ואמה וחצי האמה רחב הקרש האחדSelect Exodus 26:16

17שתי ידות לקרש האחד—משלבת אשה אל אחתה כן תעשה לכל קרשי המשכןSelect Exodus 26:17

18ועשית את הקרשים למשכן עשרים קרש לפאת נגבה תימנהSelect Exodus 26:18

19וארבעים אדני כסף תעשה תחת עשרים הקרש שני אדנים תחת הקרש האחד לשתי ידתיו ושני אדנים תחת הקרש האחד לשתי ידתיוSelect Exodus 26:19

20ולצלע המשכן השנית לפאת צפון עשרים קרשSelect Exodus 26:20

21וארבעים אדניהם כסף שני אדנים תחת הקרש האחד ושני אדנים תחת הקרש האחדSelect Exodus 26:21

22ולירכתי המשכן ימה תעשה ששה קרשיםSelect Exodus 26:22

23ושני קרשים תעשה למקצעת המשכן—בירכתיםSelect Exodus 26:23

24ויהיו תאמם מלמטה ויחדו יהיו תמים על ראשו אל הטבעת האחת כן יהיה לשניהם לשני המקצעת יהיוSelect Exodus 26:24

25והיו שמנה קרשים ואדניהם כסף ששה עשר אדנים שני אדנים תחת הקרש האחד ושני אדנים תחת הקרש האחדSelect Exodus 26:25

26ועשית בריחם עצי שטים חמשה לקרשי צלע המשכן האחדSelect Exodus 26:26

27וחמשה בריחם לקרשי צלע המשכן השנית וחמשה בריחם לקרשי צלע המשכן לירכתים ימהSelect Exodus 26:27

28והבריח התיכן בתוך הקרשים מברח מן הקצה אל הקצהSelect Exodus 26:28

29ואת הקרשים תצפה זהב ואת טבעתיהם תעשה זהב—בתים לבריחם וצפית את הבריחם זהבSelect Exodus 26:29

30והקמת את המשכן כמשפטו—אשר הראית בהרSelect Exodus 26:30

31ועשית פרכת תכלת וארגמן ותולעת שני—ושש משזר מעשה חשב יעשה אתה כרביםSelect Exodus 26:31

32ונתתה אתה על ארבעה עמודי שטים מצפים זהב וויהם זהב—על ארבעה אדני כסףSelect Exodus 26:32

33ונתתה את הפרכת תחת הקרסים והבאת שמה מבית לפרכת את ארון העדות והבדילה הפרכת לכם בין הקדש ובין קדש הקדשיםSelect Exodus 26:33

34ונתת את הכפרת על ארון העדת—בקדש הקדשיםSelect Exodus 26:34

35ושמת את השלחן מחוץ לפרכת ואת המנרה נכח השלחן על צלע המשכן תימנה והשלחן—תתן על צלע צפוןSelect Exodus 26:35

36ועשית מסך לפתח האהל תכלת וארגמן ותולעת שני ושש משזר מעשה רקםSelect Exodus 26:36

37ועשית למסך חמשה עמודי שטים וצפית אתם זהב וויהם זהב ויצקת להם חמשה אדני נחשתSelect Exodus 26:37