30Exodus 30

1ועשית מזבח מקטר קטרת עצי שטים תעשה אתוSelect Exodus 30:1

2אמה ארכו ואמה רחבו רבוע יהיה ואמתים קמתו ממנו קרנתיוSelect Exodus 30:2

3וצפית אתו זהב טהור את גגו ואת קירתיו סביב—ואת קרנתיו ועשית לו זר זהב סביבSelect Exodus 30:3

4ושתי טבעת זהב תעשה לו מתחת לזרו על שתי צלעתיו—תעשה על שני צדיו והיה לבתים לבדים לשאת אתו בהמהSelect Exodus 30:4

5ועשית את הבדים עצי שטים וצפית אתם זהבSelect Exodus 30:5

6ונתתה אתו לפני הפרכת אשר על ארן העדת—לפני הכפרת אשר על העדת אשר אועד לך שמהSelect Exodus 30:6

7והקטיר עליו אהרן קטרת סמים בבקר בבקר בהיטיבו את הנרת—יקטירנהSelect Exodus 30:7

8ובהעלת אהרן את הנרת בין הערבים יקטירנה—קטרת תמיד לפני יהוה לדרתיכםSelect Exodus 30:8

9לא תעלו עליו קטרת זרה ועלה ומנחה ונסך לא תסכו עליוSelect Exodus 30:9

10וכפר אהרן על קרנתיו אחת בשנה מדם חטאת הכפרים אחת בשנה יכפר עליו לדרתיכם—קדש קדשים הוא ליהוהSelect Exodus 30:10

11וידבר יהוה אל משה לאמרSelect Exodus 30:11

12כי תשא את ראש בני ישראל לפקדיהם ונתנו איש כפר נפשו ליהוה בפקד אתם ולא יהיה בהם נגף בפקד אתםSelect Exodus 30:12

13זה יתנו כל העבר על הפקדים—מחצית השקל בשקל הקדש עשרים גרה השקל—מחצית השקל תרומה ליהוהSelect Exodus 30:13

14כל העבר על הפקדים מבן עשרים שנה ומעלה—יתן תרומת יהוהSelect Exodus 30:14

15העשיר לא ירבה והדל לא ימעיט ממחצית השקל—לתת את תרומת יהוה לכפר על נפשתיכםSelect Exodus 30:15

16ולקחת את כסף הכפרים מאת בני ישראל ונתת אתו על עבדת אהל מועד והיה לבני ישראל לזכרון לפני יהוה לכפר על נפשתיכםSelect Exodus 30:16

17וידבר יהוה אל משה לאמרSelect Exodus 30:17

18ועשית כיור נחשת וכנו נחשת—לרחצה ונתת אתו בין אהל מועד ובין המזבח ונתת שמה מיםSelect Exodus 30:18

19ורחצו אהרן ובניו ממנו את ידיהם ואת רגליהםSelect Exodus 30:19

20בבאם אל אהל מועד ירחצו מים—ולא ימתו או בגשתם אל המזבח לשרת להקטיר אשה ליהוהSelect Exodus 30:20

21ורחצו ידיהם ורגליהם ולא ימתו והיתה להם חק עולם לו ולזרעו לדרתםSelect Exodus 30:21

22וידבר יהוה אל משה לאמרSelect Exodus 30:22

23ואתה קח לך בשמים ראש מר דרור חמש מאות וקנמן בשם מחציתו חמשים ומאתים וקנה בשם חמשים ומאתיםSelect Exodus 30:23

24וקדה חמש מאות בשקל הקדש ושמן זית היןSelect Exodus 30:24

25ועשית אתו שמן משחת קדש—רקח מרקחת מעשה רקח שמן משחת קדש יהיהSelect Exodus 30:25

26ומשחת בו את אהל מועד ואת ארון העדתSelect Exodus 30:26

27ואת השלחן ואת כל כליו ואת המנרה ואת כליה ואת מזבח הקטרתSelect Exodus 30:27

28ואת מזבח העלה ואת כל כליו ואת הכיר ואת כנוSelect Exodus 30:28

29וקדשת אתם והיו קדש קדשים כל הנגע בהם יקדשSelect Exodus 30:29

30ואת אהרן ואת בניו תמשח וקדשת אתם לכהן ליSelect Exodus 30:30

31ואל בני ישראל תדבר לאמר שמן משחת קדש יהיה זה לי—לדרתיכםSelect Exodus 30:31

32על בשר אדם לא ייסך ובמתכנתו לא תעשו כמהו קדש הוא קדש יהיה לכםSelect Exodus 30:32

33איש אשר ירקח כמהו ואשר יתן ממנו על זר—ונכרת מעמיוSelect Exodus 30:33

34ויאמר יהוה אל משה קח לך סמים נטף ושחלת וחלבנה סמים ולבנה זכה בד בבד יהיהSelect Exodus 30:34

35ועשית אתה קטרת רקח מעשה רוקח ממלח טהור קדשSelect Exodus 30:35

36ושחקת ממנה הדק ונתתה ממנה לפני העדת באהל מועד אשר אועד לך שמה קדש קדשים תהיה לכםSelect Exodus 30:36

37והקטרת אשר תעשה—במתכנתה לא תעשו לכם קדש תהיה לך ליהוהSelect Exodus 30:37

38איש אשר יעשה כמוה להריח בה—ונכרת מעמיוSelect Exodus 30:38