4Exodus 4

1ויען משה ויאמר והן לא יאמינו לי ולא ישמעו בקלי כי יאמרו לא נראה אליך יהוהSelect Exodus 4:1

2ויאמר אליו יהוה מזה (מה זה) בידך ויאמר מטהSelect Exodus 4:2

3ויאמר השליכהו ארצה וישלכהו ארצה ויהי לנחש וינס משה מפניוSelect Exodus 4:3

4ויאמר יהוה אל משה שלח ידך ואחז בזנבו וישלח ידו ויחזק בו ויהי למטה בכפוSelect Exodus 4:4

5למען יאמינו כי נראה אליך יהוה אלהי אבתם אלהי אברהם אלהי יצחק ואלהי יעקבSelect Exodus 4:5

6ויאמר יהוה לו עוד הבא נא ידך בחיקך ויבא ידו בחיקו ויוצאה והנה ידו מצרעת כשלגSelect Exodus 4:6

7ויאמר השב ידך אל חיקך וישב ידו אל חיקו ויוצאה מחיקו והנה שבה כבשרוSelect Exodus 4:7

8והיה אם לא יאמינו לך ולא ישמעו לקל האת הראשון—והאמינו לקל האת האחרוןSelect Exodus 4:8

9והיה אם לא יאמינו גם לשני האתות האלה ולא ישמעון לקלך—ולקחת ממימי היאר ושפכת היבשה והיו המים אשר תקח מן היאר והיו לדם ביבשתSelect Exodus 4:9

10ויאמר משה אל יהוה בי אדני לא איש דברים אנכי גם מתמול גם משלשם גם מאז דברך אל עבדך כי כבד פה וכבד לשון אנכיSelect Exodus 4:10

11ויאמר יהוה אליו מי שם פה לאדם או מי ישום אלם או חרש או פקח או עור—הלא אנכי יהוהSelect Exodus 4:11

12ועתה לך ואנכי אהיה עם פיך והוריתיך אשר תדברSelect Exodus 4:12

13ויאמר בי אדני שלח נא ביד תשלחSelect Exodus 4:13

14ויחר אף יהוה במשה ויאמר הלא אהרן אחיך הלוי—ידעתי כי דבר ידבר הוא וגם הנה הוא יצא לקראתך וראך ושמח בלבוSelect Exodus 4:14

15ודברת אליו ושמת את הדברים בפיו ואנכי אהיה עם פיך ועם פיהו והוריתי אתכם את אשר תעשוןSelect Exodus 4:15

16ודבר הוא לך אל העם והיה הוא יהיה לך לפה ואתה תהיה לו לאלהיםSelect Exodus 4:16

17ואת המטה הזה תקח בידך אשר תעשה בו את האתתSelect Exodus 4:17

18וילך משה וישב אל יתר חתנו ויאמר לו אלכה נא ואשובה אל אחי אשר במצרים ואראה העודם חיים ויאמר יתרו למשה לך לשלוםSelect Exodus 4:18

19ויאמר יהוה אל משה במדין לך שב מצרים כי מתו כל האנשים המבקשים את נפשךSelect Exodus 4:19

20ויקח משה את אשתו ואת בניו וירכבם על החמר וישב ארצה מצרים ויקח משה את מטה האלהים בידוSelect Exodus 4:20

21ויאמר יהוה אל משה בלכתך לשוב מצרימה ראה כל המפתים אשר שמתי בידך ועשיתם לפני פרעה ואני אחזק את לבו ולא ישלח את העםSelect Exodus 4:21

22ואמרת אל פרעה כה אמר יהוה בני בכרי ישראלSelect Exodus 4:22

23ואמר אליך שלח את בני ויעבדני ותמאן לשלחו—הנה אנכי הרג את בנך בכרךSelect Exodus 4:23

24ויהי בדרך במלון ויפגשהו יהוה ויבקש המיתוSelect Exodus 4:24

25ותקח צפרה צר ותכרת את ערלת בנה ותגע לרגליו ותאמר כי חתן דמים אתה ליSelect Exodus 4:25

26וירף ממנו אז אמרה חתן דמים למולתSelect Exodus 4:26

27ויאמר יהוה אל אהרן לך לקראת משה המדברה וילך ויפגשהו בהר האלהים—וישק לוSelect Exodus 4:27

28ויגד משה לאהרן את כל דברי יהוה אשר שלחו ואת כל האתת אשר צוהוSelect Exodus 4:28

29וילך משה ואהרן ויאספו את כל זקני בני ישראלSelect Exodus 4:29

30וידבר אהרן—את כל הדברים אשר דבר יהוה אל משה ויעש האתת לעיני העםSelect Exodus 4:30

31ויאמן העם וישמעו כי פקד יהוה את בני ישראל וכי ראה את ענים ויקדו וישתחווSelect Exodus 4:31